Vazhdon tradita e kryetarëve të përjetshëm: Haradinaj rizgjidhet kryetar i AAK me 403/404 të votave

Ramush Haradinaj është rizgjedhur kryetar i Aleancës për Ardhmërinë e Kosovës në Kuvendin e Gjashtë Zgjedhor të kësaj partie, bëjnë të ditur mediat kosovare. Koha Ditore vëren se asnjë prej tri partive më të mëdha në Kosovë, PDK-së, LDK-së dhe Vetëvendosjes, nuk e kanë begenisur të marrin pjesë si të ftuar në këtë Kuvend (shenjë karshillëku alla-shqiptarçe?).

Haradinaj kritikoi pushtetarët aktualë, për mashtrim të qytetarëve, ndërsa theksoi se me AAK-në, Kosova do ta ketë një qeverisje çfarë nuk është parë deri më tani (shenjë premtimesh të ekzagjeruara alla-shqiptarçe?).
Në një garë pa kundërkandidat, por me votim të fshehtë, Haradinaj ka marrë 403 vota nga 404 delegatë të pranishëm (shenjë tipike zgjedhjes alla-shqiptarçe), ndërsa pa publikimit të rezultatit, kreu i AAK-së tha se kjo i jep besim për fitore të reja (si çdo lider tjetër shqiptar).

k.c.