Në Kosovë Berisha është një Mesia. Kundërshtarët e tij nuk ka se si të çmohen.
Edi Rama ka bërë një vizitë me axhendë të ngjeshur e të plotë në Prishtinë, me synimin për t’i bërë për vete kosovarët. Ky nuk ishte një objektiv i deklaruar i tij, por ishte një gjë që merrej me mend. Përveç kësaj, si axhenda, ashtu dhe qëndrimet që ka mbajtur e fjalët që ka thënë gjatë kësaj vizite, të bëjnë të mendosh se e ka fituar vetëdijën që së pari me kosovarët nuk i ka mirë punët, dhe që së dyti puna me ta duhet rregulluar. Mund të duket si një merak i tepërt dhe i kotë raporti i udhëheqësit të një partie të Tiranës me shqiptarët e Kosovës (për sa kohë që këta të fundit nuk janë as taksapagues e as votues në Republikën e Shqipërisë), mirëpo nuk është kështu. Ne jemi dy copa të së tërës që ndikojmë tek njëra-tjetra në një mijë e një mënyra e forma, herë të dukshme e herë të padukshme.
Po pse Rama s’i ka punët mirë me kosovarët? Përgjigjja është e thjeshtë, dhe e ditur prej të gjithëve, në Tiranë e në Prishtinë. Rama thjesht është kundërshtari i Berishës, dhe – siç thotë Shkëlqzen Maliqi në një shkrim të kohëve të fundit të publikuar në Express – “shumica [e kosovarëve] e adhuron Sali Berishën sikur të ishte një i shenjt i kombit”. Ka shumë gjasa që edhe Rexhep Qosjes i japin munxët (ata që ia japin) bash për këtë shkak. Prandaj pyetja fillimisht duhet bërë: Pse Berisha i ka punët grurë me kosovarët?
Para ca muajsh kam qenë në Prishtinë dhe në një bisedë televizive të bërë në RTK, përballë interesit të disa gazetarëve në studio mbi shpjegimin e adhurimit të kosovarëve për Berishën, Migjen Kelmendi (që ish në panel, tok me mua, e me dy të tjerë) tha një të vërtetë në mënyrë brutale: “Ne e duam Berishën, sepse ai e ka emrin Sali Ram Berisha, dhe nuk e duam Ramën, sepse ai e ka emrin Edvin Kristaq Rama. Shpjegimi i parë pra është i natyrës ‘tribale’, më saktë, ka lidhje me një afinitet apo njëjtësim ‘tribal’. Rama është i një ‘tribuje’ tjetër, ndërsa Berisha është i ‘tribusë’ së tyre. Teksa dëgjoja këtë shpjegim unë zura t’i gjej për herë të parë një kuptim faktit, që Berisha i kthehet e rikthehet vazhdimisht nënvizimit anagrafik “Edvin Kristaq Rama”, e që kadencën e zërit ai e lëshon të tërën mbi emrin Kristaq. Nuk duhet përjashtuar mundësia pra (Migjeni Kelmendi ish i sigurt), që ai ka kërkuar të përcjellë një mesazh të caktuar jo vetëm në Kosovë, por edhe në zona të tjera të Shqipërisë, ku emri Kristaq tingëllon po aq i largët e i huaj sa dhe emri Adriamampandri Racifandrihamanana (është emri ekzotik i njërit prej personazheve të Kadaresë në Muzgun e Perëndive të Stepës); madje mund të tingëllojë dhe i dyshimtë, pasi bart me vete versionin e asociuar ‘Kristakis’, që nga ana e vet dihet se ku të çon.
Ky duhet të jetë shpjegimi bazë i kësaj marrëdhënieje prore idilike mes Berishës e shumicës së kosovarëve. Berisha ka një prerje humane e kulturore, të cilën ata e shohin të afërt. Të kuptohemi, Berishën e mbështesin dhe në Jug (gjë që duket nga votat që merr, e që do të thotë se prerjen antropologjike të Berishës e gjen kudo në Shqipëri), por në Veri u duket si ta kenë nxjerrë nga rropullitë e tyre (ndokush mund të jetë duke menduar se unë po nënvizoj ca si tepër, e në mënyrë të dëmshme, diferencat mes Jugut e Veriut, por nuk ka pse të kemi frikë nga këto diferenca, as nga diskutimi mbi to; kudo ka diferenca të tilla, madje shumë më të mëdha se sa këtej nga anët tona).
Shpjegimet e tjera ose s’janë domethënëse (rruga Durrës-Kukës), ose s’i nxjerrin në një dritë inteligjente dashnorët e Berishës, duke filluar në radhë të parë me gazetarët që kanë të fiksuar në kokë takimin e Nanos me Milosheviçin, takimin e Ramës me Bregoviçin, apo antishqiptarizmin ‘gjenetik’ të socialistëve (në pyetjet që iu bënë Ramës ishin këto aluzione). Le t’i marrim me radhë. Nuk ka diskutim se rruga Durrës-Kukës ua ka lehtësuar kosovarëve kokëçarjet e vizitave e të biznesit me Shqipërinë, por kam përshtypjen se nënvizohet më shumë se sa duhet kjo lumturia e kosovarëve prej rrugës. Dimal Basha e vinte në dyshim këtë avantazh në një shkrim të tijin në Kohën Ditore. “Kosovarët nuk kanë qar nga kjo rrugë në planin e biznesit. Janë shqiptarët e Shqipërisë ata që po ia shohin hairin kësaj rruge”, thosh në thelb ai. Kështu që ky motivim pragmatik i dashurisë për Berishën shfryhet disi. Përveç kësaj, me këtë logjikë do t’i binte që beratasit ta urrenin sa s’ka më Berishën, e të legjitimoheshin në këtë urrejtje, pasi ky i fundit, d.m.th Berisha, i nënkuptuar si njeri me fuqi qiklopike që nxjerr rrugë, investime, pará e dhurata kolosale nga xhepi, e ka lënë këtë qytet historik e turistik të izoluar nga dynjaja (rruga Lushnjë-Berat është krejt e shkatërruar). Më në fund, nuk është kështu edhe për një fakt tjetër. Kosovarët e kanë dashur Berishën qysh në krye të herës, shumë përpara se të bëhej rruga. Madje, pak më shumë se sa sot.
Për sa i takon motivimit nacionalist të dashurisë kosovare për Berishën, e thashë dhe pak më sipër se e gjitha kjo duket një pesë me hiç. Ky këndvështrim do ishte, jo vetëm demode, por edhe i cekët e i pandershëm. Sikur vërtet të jenë të prirur të shohin atdhetarë e armiq në mes të shqiptarëve, do kenë pasur plot raste për ta futur dhe Berishën, në radhë të parë Berishën, në listën e armiqve të kombit. E pastaj, nuk kuptohet mirë pse Rugovën e duan, ndonëse ai takoi Milosheviçin në kohë dramatike për Kosovën, ndërsa Nanon e urrejnë, ngaqë takoi Milosheviçin në një mbrëmje gala. Ka diçka që s’shkon këtu. E prandaj, dashuria për Berishën atdhetar e urrejtja për Ramën antishqiptar është një gjë që s’ka këmbë të ecë.
Comments
Mustafa Nano, mendoj se keni
Mustafa Nano, mendoj se keni nxjerre disa konkludime jo qenesore ne shkrimin tuaj. Nuk mund te portretizohet Kosova me mendiimet e nje njeriu,mapo dy e tre. Kosova eshte shume me e hapur sess mendimet e Migjen Kelmendit, Shkelzen Maliqit apo Baton Haxhiut. Madhe shume me vibrante se edhe vet Rexhep Qosja, te cilin sado destruktiv ne jeten publike sa heret te jete anash, e nxjerrin disa media nga atje dhe pse ai kritikon Berishen.
Pohimet e juaja nuk jane te pavertete, ato mbase edhe qendrojne por arsyeja kryesore pse Rama dhe socialistet nuk kane shume rrespekt ne Kosove eshte sepse neper vite ata nuk e kane pasur Kosoven te identifikuar si nje interes, dhe jane marre shume pak ose fare,dhe kane folur shume pak ose fare hiq per te. Pra keqkuptimet per Ramen ne Kosove jane jo vetem te kosovareve, por edhe per shkak te keqkuptimeve per Kosovane te juve atje. Keto keqkuptime do te na i rrezoj koha dhe komunikimi, andaj une nuk do ti mbyllja dyert Rames ne Kosove ashtu si i mbyllni ju sot ne shkrimin tuaj.
Sipas meje perkatsia
<p>Sipas meje perkatsia "tribale" ka nje peshe te padiskutueshme, ndonese askush nuk eshte ne gjendje ta percaktoje se sa eshte kjo peshe me saktesi. Une per vete kam vene re se perfundimet qe nxjerr Nano per Kosoven jane te verteta edhe brenda vendit. </p><p>Teorikisht te gjithe percaktohemi si qenie individuale dhe krejtesisht te pervetshme, madje fryma e kohes eshte qe te ekzaltohen individualitetet. Por ne praktike jemi te gjithe te kategorizueshem lehtesisht, se pari nga gjinia, pastaj nga perkatsia sociale, nga ajo fetare, e keshtu me rradhe dhe prejardhja krahinore nuk eshte asnjehere e fundit, por pyetja e pare qe behet.</p><p>Ne nje vend ku shkaterrimi i bazes se individualitet qe eshte prona, ka arritur ne nivele te paimagjinueshme, perkatsia krahinore ne mos qofte tipari me dallues, eshte nje nga me te fortet qe bejne dallimin. Dhe dallimi cimenton interesin e grupeve. Aq me keq qe ne kohen e Enverit ky ishte nje rregull i pergjithshem, Jugu komandonte kudo. Reaksioni ndaj ketij realiteti historik te kaluar do te vazhdoje edhe per shume kohe akoma.</p><p>Ne fakt berishizmi ka si nje platforme baze "te fshehte" te tij pikerisht revanshizmin krahinor. Barbaria dhe primitivizmi i berishizmit nuk justifikohen dot me urrejtjen ndaj komunizmit, sepse komunizmin e ka vuajtur njesoj edhe Jugu i vendit, sikurse edhe Veriu. Por ajo "pak" diference midis prapambetjes relative qe pati Veriu ne krahasim me Jugun, sidomos ne lidhje me pjesmarrjen ne qeverisjen e vendit dhe per pasoje edhe ne percaktimin e statusit social te individeve, i japin berishizmit te "drejten morale" qe te jete i pameshirshem dhe brutal ne revendikimin e pushtetit, qe tashme nuk kerkohet si nje merite, por si nje e drejte e mohuar dhunshem dikur dhe per pasoje legjitimisht e mbajtur edhe me dhune aktualisht...</p><p>Per sa i perket planit politik, duhet thene se Berisha ka ditur te luaje politikisht me Kosoven, duke bere qe tu dridhen kembet edhe nderkombetareve...ate merite qe e ka duhet t'ja njohim...ne marrezine e tij ka edhe shume djallezi....</p><p> </p><p> </p>
Ne fakt berishizmi ka si nje
<blockquote><p>Ne fakt berishizmi ka si nje platforme baze "te fshehte" te tij pikerisht revanshizmin krahinor.</p></blockquote><p>Po. Kjo është shumë e vërtetë! Berishizmi shfaqet shumë dukshëm madje, si axhendë revanshizmi ndaj jugut. </p><p>Po të vëreni nëpër forume, rëndom shfaqet dikush "me shpatë zhveshur", duke karakterizuar të tjerët si "komunista" pa teklif e pa hyrë në diskutim, pa i njohur personat me të cilët diskuton, fare. E unë jam i bindur që qënie të tilla, janë në masën 80% veriorë. </p>
Sipas meje perkatsia
<p>Sipas meje perkatsia "tribale" ka nje peshe te padiskutueshme, ndonese askush nuk eshte ne gjendje ta percaktoje se sa eshte kjo peshe me saktesi. Une per vete kam vene re se perfundimet qe nxjerr Nano per Kosoven jane te verteta edhe brenda vendit. </p><p>Teorikisht te gjithe percaktohemi si qenie individuale dhe krejtesisht te pervetshme, madje fryma e kohes eshte qe te ekzaltohen individualitetet. Por ne praktike jemi te gjithe te kategorizueshem lehtesisht, se pari nga gjinia, pastaj nga perkatsia sociale, nga ajo fetare, e keshtu me rradhe dhe prejardhja krahinore nuk eshte asnjehere e fundit, por pyetja e pare qe behet.</p><p>Ne nje vend ku shkaterrimi i bazes se individualitet qe eshte prona, ka arritur ne nivele te paimagjinueshme, perkatsia krahinore ne mos qofte tipari me dallues, eshte nje nga me te fortet qe bejne dallimin. Dhe dallimi cimenton interesin e grupeve. Aq me keq qe ne kohen e Enverit ky ishte nje rregull i pergjithshem, Jugu komandonte kudo. Reaksioni ndaj ketij realiteti historik te kaluar do te vazhdoje edhe per shume kohe akoma.</p><p>Ne fakt berishizmi ka si nje platforme baze "te fshehte" te tij pikerisht revanshizmin krahinor. Barbaria dhe primitivizmi i berishizmit nuk justifikohen dot me urrejtjen ndaj komunizmit, sepse komunizmin e ka vuajtur njesoj edhe Jugu i vendit, sikurse edhe Veriu. Por ajo "pak" diference midis prapambetjes relative qe pati Veriu ne krahasim me Jugun, sidomos ne lidhje me pjesmarrjen ne qeverisjen e vendit dhe per pasoje edhe ne percaktimin e statusit social te individeve, i japin berishizmit te "drejten morale" qe te jete i pameshirshem dhe brutal ne revendikimin e pushtetit, qe tashme nuk kerkohet si nje merite, por si nje e drejte e mohuar dhunshem dikur dhe per pasoje legjitimisht e mbajtur edhe me dhune aktualisht...</p><p>Per sa i perket planit politik, duhet thene se Berisha ka ditur te luaje politikisht me Kosoven, duke bere qe tu dridhen kembet edhe nderkombetareve...ate merite qe e ka duhet t'ja njohim...ne marrezine e tij ka edhe shume djallezi....</p><p> </p><p> </p>
Mandej, veç te tjerave,
<p>Mandej, veç te tjerave, Berisha ka meriten e madhe se e ka fute ( ai vete, me koke te vet dhe pa pyetur njeri) Shqiperine ne Konferencen e Vendeve Islamike afro-aziatike, pikrisht aty ku andrrojne shumica e kosovarve te devotshem ndaj islamizmit teokratik. Ata, kosovaret, i kan dy pare mend qe te mos rrehen nga nji person me emen Kristaq (edhe pse ai nuk ka kurrfare lidhje me emrin qe ka) se ai do ta mbeshtete neser futjen e Kosoves ne Konferencen e Vendeve Islamike afro-aziatike, gja qe e andrrojne edhe ato. Prandej Kristaqi kot lodhet tu vejne librave te vet emna turk-arabe "KURBANI" per ti ba per vedi. Njerzit nuk done llafe neper letra, por vepra reale. Dhe Berisha ne kete drejtim ban vepra, bile kryevepra. Ha,ha,ha.</p>
Mendoj se artikulli nuk i
<p>Mendoj se artikulli nuk i shterron te gjitha arsyet: perveç perdorjes se padiskutueshme qe Berisha i ka bere kartes nacionaliste duke i shtyre kosovaret te besojne se ai eshte e vetmja shtylle e politikes shqiptare qe i qan zemra per Kosoven, e verteta eshte se edhe Edi Rama, ne tallazet e veta per te futur fillimisht kembet e per t'u shtruar pastaj ne sofren e PS-se, nuk ka treguar asnje vemendje mbi ngjarjet ne Kosove gjate viteve te fundit; ne daljet e fjalet e tij ne publik, Kosova eshte dukur rralle (ne mos fare). Teoria e tribalitetit pa dyshim qendron, por une besoj se ne Kosove do te ishin shume te lumtur te degjonin nje udheheqes shqiptar, jo musliman, qe do te deshmonte perkushtim e vemendje ndaj halleve te shtetit sivella kosovar. Do te ishin mbase edhe me te lumtur se sa te degjonin Saliun, birin e Rame Berishes, pasi perkarshi kundershtareve te krishtere serbe, nje shqiptar, biri i nje njeriu me emrin Kristaq eshte akoma me i vlefshem si aleat, parter, vella. Nuk me duket e rastesishme qe Rama, tani qe perfundimisht konsolidoi pozitat ne PS iu drejtua Kosoves: sipas meje prioriteti i tij ka qene forcimi i pozitave ne PS e ndaj simpatia qe nuk e gezon ne Kosove eshte cmimi qe duhet te paguaje</p>
Shqiptarët e Kosovës për
<p>Shqiptarët e Kosovës për dallim prej atyre të Shqypnisë e kanë një gjë: Nuk pranojnë të digjen dy herë nga i njëjti zjarrë. Tashmë dihet se çka u ka bërë Enveri kosovarëve kështu që nuk kanë asnjë arsyje me i besu Edi Ramës. </p><p>Përndryshe kosovarët e dinë gjithashtu se ky artikullshkruesi që po mundohet me na shti në qef Ramën, me vite ka punuar për sigurimin e Enverit, Titos e Stalinit. Vetëm në Shqypni mjerisht këtyre tipave u thonë "gazetarë".</p><p> </p><p> </p>
Ke shume te drejte Arber: ne
<p>Ke shume te drejte Arber: ne shqiptaret e Shqiperise u dogjem nga Berisha ne '97 dhe pranuam serish, vetem 8 vjet me pas, ta kemi ne krye qe te na djege serish... Ju ne Kosove deri tani keni ricikluar vetem Thacin, mbase nuk eshte duke ju djegur per here te dyte? Indeksi i frikshem i korrupsionit ne Kosove nuk do jete pergjegjesi e Thacit me sa duket perderisa e zgjodhet serish t'ju qeverise</p>
Prapambetja relative e
<p>Prapambetja relative e shqiptareve te Kosoves ne krahasim me ata te Shqiperise, influenca e krahinarizmit dhe sidomos e fese myslimane, - jane, sipas mendimit tim, arsyet kryesore qe kosovaret nuk e duan Ramen, por adhurojne Berishen. Ne qofte se do te gjykonin me llogjike dhe ftohtesi, ne baze te fakteve dhe ndodhive, duhej te ishte e kunderta. Por kosovaret gjykojne me mentalitetin e klanit. Jo me kot kane ngelur ende je shoqeri bajrraktare dhe tribale. Pra ky eshte i yni, ky flet si ne, ky e ka emrin si ne, pra kete duhet te duam. Roli i fese ne kete qendrim po ashtu nuk eshte i vogel. Fatmiresisht kosovaret kane vene gjithmone kombin dhe gjuhen mbi fene. Por kur vjen puna per te zgjedhur midis nje socialisti me origjine ortodokse dhe nje ish - komunisti mysliman, zemra e tyre shkon dukshem nga ky i fundit. Madje kam pershtypjen se urrejtja e forte e kosovareve ndaj "shkijeve" kishte perveç faktorit etnik, edhe ate fetar. Fatmiresisht ne nje pjese te ndriçuar te shoqerise kosovare, si psh te Qosja, te drejtuesit e UCK-se, pra te spektri i majte i shoqerise kosovare, ky mosbesim ndaj PS-se dhe Rames nuk ekziston. Por ata jane pak ne ate mjedis qe eshte pushtuar nga skifteret e ndarjeve krahinore ne gege dhe toske, pro dhe kunder standartit te gjuhes, te krijuesve te identiteteit kosovar etj etj. Ndriçimi i mendjes i shoqerise kosovare do te ndikoje ne afrimin e kesaj pjese te kombit shqiptar me pjesen tjeter te tij. </p>
..."Fatmiresisht ne nje pjese
<p>..."Fatmiresisht ne nje pjese te ndriçuar te shoqerise kosovare, si psh te Qosja,..." hahahahaha, o i mjerë he i mjerë duket që nuk ke qenë kurrë në Kosovë dhe nuk njerh intelektualët e vërtet të Kosovës që para 70-80 vjetësh kanë studjuar nëpër qendrat më më të ndritura perëndimore të dijes, po merresh me fundrrina të komunizmit envero-jugosllav si Qosja. </p>
Tek e fundit ci duhet Kosova
<p>Tek e fundit ci duhet Kosova Rames..... per elektorat nuk i hyn ne pune. Per te rregualluar opinionin apo per tu treguar kush eshte Saliu ? Ata e dine shume mire se kush eshte por sa do i lig qe eshte , nuk ka ku te veje me shume....Ai eshte i shtepise se tyre ( i te njejtes ane...) Ai eshte Baca i tyre bajraktar........................Mentaliteti injorant dhe miop i tyre......</p>
E njoh mire personazhin me te
<p>E njoh mire personazhin me te cilin je prezantuar,domethene Joseph Fouche-ne.Nderroje kete emer.Je ne kontrast te madh me te.Ai nuk flet me kete gjuhe,katunaresh si flet ti.Gjej nje emer tjeter me te pershtatshem nese ke frike te dalesh me emrin tend.Eh or qun kush ka qene Joseph Fouche-ja!!??</p>
Nuk njeh asgje Jacque Michel
<p>Nuk njeh asgje <strong><font color="#000000">Jacque Michel dhe ajo eshte nje emer kot qe perdoret...ska asnje lidhje .....</font></strong>. Ti je cope idioti qe shkruan keshtu........Sa per Saliun ai nuk ka ku vete me keq se c'eshte ......Me i Lig se ben me nena...........Sa per kosovaret ata kane njerez qe vertete jane larte duke filluar nga Rexhep Qosja......por perkrahja qe i bejne Saliut ......................eshte nje Miopizem dhe ketu ben edhe pjese Jacque Michel.....Mos shkruaj me .... se tregon qe je nje cope injorant .......</p>
Nje shkrim teper i zakonshem
<p>Nje shkrim teper i zakonshem i M. Nanos. Por komentet qe jane shkruar ne kete shkrim me teper vjedhin vjedhin vrere ndaj kosovareve sesa japin ndonje mendim per shkrimin. Me vjen shume keq per keta komentshkruese. Jam muslimane dhe kosovare. Ashtu ndjehem. Ka mundesi kjo t'ju pengoj 'juve' shqiptareve. Por ja qe keshtu ndjehem une. Jam shkolluar ne dy universitetet me te mira te Gjermanise. E tani jam kthyer te sherbej ne vendin tim. Kam perjetuar modernizmin ne kohen kur 'ju' ishit dele te Enver Hoxhes dhe Ramiz Alise. Por heqa dore nga ai sepse e pashe se nuk ishte tjeter pos nje mashtrim dhe permbushje i lakmive kafsherore te njeriut. Tani jam ne rrugen e All-llahut xh.sh.. E cka qe kjo nuk u pelqen 'shqiptareve'! Pas çlirmit te Shqiperise, shqiptaret erdhen ne perendim dhe si te hutuar shikonin 'civilizimin' perendimor, kurse ne kosovaret 'injorante' i ndihmonim ata te integroheshin. Tash kam filluar te bindem se rinia shqiptare eshte rini raciste, sepse nje shoqeri qe ka dale nga zgjedha komuniste e pa fe, ajo do te behet ose raciste ose kriminele. I riu shqiptar nuk ka rruge tjeter perpara, ai duhet te zgjedh ose racizimin ose krimin (lexo: trafkimin me te gjitha deget e tij), por e ka edhe rrugen e trete nese do: fene. Edhe une kur vizitoj Shqiperine hase ne shume injorance por ate e perceptoj si ne cdo vend tjeter te botes dhe nuk jam e prirur te them se shqiptaret te gjithe qenkan injorante dhe te pakulturuar. Edhe shrkimi i NANOs deshiron te thote se kosovaret e duakan Beridhen vetem per shkak emrit, sepse keshtu i paska Migjeni. E po keshtu eshte kur opinioni i nje intelektuali krijohet vetem ne thenie te tjereve dhe nuk mundohet te hulumtoje dhe te mesoje te verteten. </p>
Qenke kontigjent per
<p>Qenke kontigjent per terroriste,si ai kosovari qe vrau ushtaret amerikan ne Gjermani.Kujti behet vone qe je me universitete apo muslimane.Meqe qenke kaq e ditur,nuk mund te akuzosh te gjithe shqiptaret si kriminela.Shkolla e ndryshon njeriun, por kur feja te humb arsyen, atehere dihet fundi i nje personi.</p>
Sigurisht qe,intelektualet si
<p>Sigurisht qe,intelektualet si Qosja jane paradigma e inteligjences kosovare(e kane provuar me kohe)dhe nuk i ndyen dot me "diarre gojore".</p><p>Sigurisht qe, vulgu i Kosoves nuk eshte ne nivelin e vulgut te Shqiperise kurrsesi(faktore kulturore kryesisht).</p><p>Sigurisht qe, myslimanet e Shqiperise i perkasin pjeses se ndricuar te kombit(toleranca fetare e ka aty thelbin dhe kufirin).</p><p>Sigurisht qe,popullsia e kultivuar urbane e Shqiperise nuk ka ndjere kurre inferioritet ndaj modernitetit,qe i "mungonte"prej izolimit(produktet kulturore e intelektuale e Shqiperise ishin te prointegruar dhe lene gjurme kudo),nderkohe qe nuk behet viktime e katakombeve te fanatizmit.</p><p>Sigurisht qe,Sali Berisha do ish kryeministri me i perhshtatshem per kosovaret,por sigurisht qe,sa me shume shqiptaret e Dardanise i largohen zgjedhes jokombetare,aq me shume i afrohen pararojes kombetare.</p><p> </p><p> </p><p> </p><p> </p>
Ra ky mort dhe u pame, Arta.
<p>Ra ky mort dhe u pame, Arta. Por me sa duket edhe ju kosovaret e paskeni memorjen e shkurter...</p>
Në Kosovë lexohen dhe
<p>Në Kosovë lexohen dhe pëlqehen si Fishta, Mjeda apo Migjeni, autor këto që nuk janë myslyman. Kazusi është më kompelks, për të trajtuar problemet e ndasive geg-tosk duhet të keshë njohuri të thella të antropologjisë së këtyre dy grupimeve. Nuk besoj se mund të ndërtohet një analizë e mirë arsyetuara në bazën e perceptimeve tona personale. Mendoj se për këto çështje duhet folur, por më parë duhet të flasin antropologët, historianët apo socilologët që të na e zbërthejnë me anë të metodologjive shkencore të kalurën tonë, kryesisht atë të Luftës së II Botërore dhe të Komunizmit, për të cilën ka më shumë ndasi krahinore.</p>
Edvin Kristaq
<p>Edvin Kristaq Ramen,shqiptaret ne Kosove nuk e duan,se nuk eshte per t'u dashur,si njeri ne radhe te pare ,pastaj si qenie politike,shoku Nano.Qytetaret e Kosoves nuk kane qene kurre dhe kurre nuk jane "NJERI I RI" shoku NANO.Ne gjykim jane shume me racionale dhe me prane te vertetes se ne.Nuk janq kaq te qorruar dhe fanatike politike si ti,e si shumica e shqiptareve.Te garantoj se ky Berishe ,edhe nga Qeparoi po te ishte ,kete vleresim do kishte nga ana e kosovareve.Edhe ti,nese nuk e din kete fakt,nuk dike asgje.Vazhdo te shkruash dhe te besh analiza,do shtosh edhe me shume dashurine e kosovareve per Sali Berishen,jo pse eshte ngjitur me ta.</p>
Shumë gabim që për reference
<p>Shumë gabim që për reference merret mendimi i një njeriu që në Kosovë e llogarisin si të çmendur dhe që nuk merret askush me të. Migjen Kelmendi është një malësor që normal që e shikon tribunë e tij, pasi që është gatuar asi soji.<br />Shqiptarët e Kosovës masovikisht e kanë dashur Ibrahim Rugovën, i cili ka qenë mik i ngusht i Sali Berishës. Kush ka qenë kundër Berishës ka qenë edhe kundër Ibrahim Rugovës. Duhet të kujtojmë se Rugova në kohën e Nanos nuk e kishte vizituar as edhe njëherë Shqipërinë.<br />Po kështu dihet se në kohën e Berishës, deri në 97-tën secili shqiptar i Kosovës që ka qenë pjesë e ilegales së Kosovës ka qenë i ndjekur nga regjimi i Berishës - SHIK-u.</p><p>Mirëpo pjesa tjetër e shqiptarëve të Kosovës që nuk kanë qenë pjesë e adhurimit të koncepteve të Ibrahim Rugovës ka qenë tradicionalisht e lidhur me të majtën e Shqipërisë dhe kryesisht Fatos Nanon.</p><p>Vetëm shikoni për adhurimin e madh që e ka Pandeli Majko në Kosovë. I vetmi problem për Ramën pse nuk e kanë 'dashur' shqiptarët e Kosovës është se ai nuk është marrur kurrë me ta. Kurr nuk ka deklaruar asgjë për ta, kurrë asgjë nuk kanë reaguar për problemet e Kosovës.<br /><br />Tash erdhi, na vizitoi, foli për problemet tona, reagoi ndaj arrestimit të shqiptarëve në Tetovë. Kjo është të gjithë ajo që presin shqiptarët jashtë kufijve të Shqipërisë zyrtare. Presin që kryeministri i ardhshëm të mendojë kombtarisht. Të gjithë i kanë sytë nga Tirana.<br />Nëse Rama do të jetë kryeministër më 2013 dhe që uroj të jetë, atëherë duhet ta dijë që ka përgjegjësi për të gjitha problemet e shqiptarëve në Ballkan.</p><p>Berisha ndoshta demagog, por bile ka arritur t'ia marrë zemrat shqiptarëve duke folur për problemet e tyre.<br /> </p><p>Shqiptarët e ish-Jugosllavisë duan që të kenë vëmendjen e Tiranës zyrtare. Çështja shqiptare nuk ka përfunduar, prandaj bartësit e institucioneve në Tiranë janë bartës të çështjes kombëtare. Mos ta harrojmë këtë. <br />Përfundimisht - nuk ka lidhje a Rama a Berisha apo filan fisteku. Suksese Shqiptarisë. </p>
Add new comment