Nano, Baze e Stefani u bëjnë nga një pyetje Berishës, Metës, Ramës, Spahiut e Topit. Shanset që të marrin përgjigje për të tëra, duken të vogla...

Dita sjell sot pyetjet që 3 nga analistët më të njohur në vend, Adrea Stefani, Mero Baze dhe Mustafa Nano do të donin t’i bënin 5 liderëve të forcave kryesore në zgjedhjet e qershorit, Berishës, Ramës, Metës, Spahiut e Topit.

Interesant është fakti që Mero Baze nuk ka asnjë pyetje për t’i bërë Metës. “jam i qartë për të” përgjigjet. Baze, pyet Ramën: “na thuaj muajin që u binde se pa Ilir Metën nuk fitoje?”.

Mustafa Nano, do donte të pyeste Kreshnik Spahiun, “çfarë mendon juristi Spahiu për kërcënimet me burg që bën nëpër sheshe politikani Spahiu?” dhe Bamir Topin: “si shpjegohet që ju është dashur kaq shumë kohë për të krijuar një mendim të qartë mbi Berishën?”

Andrea Stefani i ka tuajse të tëra pyetjet në lidhje me votimet. Pyet Metën nëse “ e përjashton mundësinë që sido të dalë rezultati i zgjedhjeve t’i çoni votat e majta përsëri te Berisha, apo...”; Spahiun: “E përjashtoni me 100% bashkimin e votave me Berishën pas zgjedhjeve?”; Topin: “E përjashtoni me 100% bashkimin e votave me Berishën pas zgjedhjeve, ose qoftë dhe me PD-në e Berishës?”

k.c.