Zogaj i bën një letër Ramës, dhe njofton divorcin me të pas katër vitesh bashkëpunim

Preç Zogaj, që ka qenë pranë PS-së pas zgjedhjeve të vitit 2009, bëri sot divorcin me opozitën. Ai e motivon këtë me aleancën Rama-Meta, por në të vërtetë një krisje kish filluar përpara e të përvijohej kjo aleancë. Zogaj i ka dërguar një letër publike Ramës, dhe aty, me një gjuhë shumë korrekte e të kujdesshme, i bën të ditur ndarjen e pakthyeshme mes të dyve.

“Me argumentin e bashkimit për fitoren, ju i keni drejtuar sot një ftesë për koalicion parazgjedhor LSI-së. Personalisht, duke përshëndetur largimin e LSI-së nga qeveria, do të kisha preferuar votimin veç e veç të kësaj force politike dhe të Opozitës së Bashkuar. Publikut nuk i duhet hequr mundësia të gjykojë me votë, drejtpërsëdrejti, histori politike të rralla si kjo e LSI-së gjatë këtyre katër viteve. Është e drejta juaj të mendoni ndryshe. Është e drejta juaj të ndërtoni koalicionet që i mendoni me të efektshme në funksion të marrjes së pushtetit. Por ftesa që i keni drejtuar një partie qeveritare në fund te mandatit qeverisës prodhon në rrafshin politik efekte të tjera, që nuk mund të mos mbahen shënim.”, i thotë ai mes të tjerash.

Letrën e mbyll me fjalët përshëndoshëse “Ju uroj punë të mbarë dhe suksese”. Të gjithën mund ta lexoni në linkun http://www.gazetatema.net/ëeb/

Re.Pu.