Kortezia e Zogajt ndaj PD-së, dhe gazetarët që “fabrikuan ikjen e tij nga opozita”

Preç Zogaj në një intervistë të sotmen te Mapo është përpjekur të dërgojë një mesazh te koalicioni i majtë, duke përsëritur se po verifikon arsyet e mbetura të qendrimit në tryezën e tij [Ramës]. “Nuk është në statusin tim të kem pakënaqësi”, thotë Zogaj, por “kam qendrime, mendime”. Megjithatë, ai shprehet se Rama e ka garantuar disa herë, madje për herë të fundit para pak ditësh, se “do të jetë fjalëmbajtës për paktin që kemi bërë në këtë opozitë”.

Gazetari Lela e pyet për deklaratën e tij “do e prisja me falenderime një ftesë të mundshme të PD-së”, deklaratë që u konsiderua e papërtypshme nga “disa gazetarë afër PS-së”, që (sipas Lelës) “fabrikuan apo folën për ikjen tuaj nga opozita”. Dhe Zogaj përgjigjet:

“Mjerisht, ata konfonduan shprehjen e edukatës njerëzore apo nostalgjinë time për PD-në me qëndrimet koherente prej opozitari që pasonin këtë paradhënie falenderimi për një pyetje hipotetike. Në këtë episod pashë të dilte sërish në pah mendësia e vjetër e vështrimit bardh-e-zi të gjërave”

Pra, krisma nuk ka pasur.

k.c.