Në fillim është kryeministri që denoncon kontrabandën; pastaj është policia që bën arrestime
Në seancën parlamentare të 6 gushtit 2012, ndërsa diskutohej për heqjen e imunitetit të deputetëve, kryeministri Berisha ka thënë, duke polemizuar me deputetin Tahiraj, se “ky i fundit e kundërshton heqjen e imunitetit, pasi kërkon të ruajë biznesin e ilaçeve”. Shqiptarja.com në numrin e sotëm ka sjellë të plotë ndërhyrjen e Berishës atë ditë: “Ai xhandari juaj vrapon tek trarët e doganës dhe rri me doganierë. T’i jap me dokumenta unë. Me ty e kam. Ke punë shumë me dogana e ilaçe. Prandaj të duhet imuniteti. Thuaj se ke kompanitë e mamit.”
Fjala e tij është pak e çoroditur, siç ndodh shpesh, por thelbi merret vesh. Kryeministri i vendit është i informuar në detaje mbi bizneset familjare të një deputeti. Kryeministri nuk ka pse ta ketë këtë informacion, por ai e ka. Ia ka dhënë policia me siguri. Dhe është e njëjta polici që ka arrestuar të atin e Tahirajt (Prokuroria është krejt jashtë kësaj loje, thuhet në Shqipin e sotëm). Në fillim pra është kryeministri që denoncon kontrabandën, pastaj është policia që arreston, pastaj është shtypi që e njofton në faqe të parë si titull kryesor, me gërma të mëdha.
Është fajtor Bashkim Tahiraj? Pse jo? Por hajde dhe besoje në këto rrethana, kur gjurmimi i kontrabandës fillon me denoncimin me emër e mbiemër nga ana e kryeministrit në parlament e përfundon me ndërhyrjen e policisë! Kjo është e para. E dyta gjë që duhet thënë është e një natyre tjetër. Kryeministri, me plaçkitjet që i ka bërë tok me të vetët, me fëmijët e tij gjithashtu, pasurisë publike, ka krijuar një standard pandëshkueshmërie të tillë, sa që arrestimi i një tjetri me akuzën e një kontrabande që shkon deri në 10 mijë euro, të sillet si padrejtësia më e madhe. Në fakt, ka dhe të tjerë që arrestohen e dënohen për shumë më pak. E treta gjë ka të bëjë me traun e doganës, që ngrihet për njerëzit e bandës së Berishës, të cilët nuk ka polic që t’i arrestojë, ndonëse kontrabanda është e niveleve që arrijnë qindra mijra euro me një të ngritur të këtij trau.
M.Nano.
Comments
o Z. Nano po ju tregoj nje
o Z. Nano po ju tregoj nje histori tjeter qe kam qene deshmimtar okular vete dhe nuk asnje lidhje me ngjarjen. Ne dt. 29 shtator 2012 nese jam i sakte me daten ndodhesha prane komisariatit nr.6 per arsye te miat. Ate mbasdite kishte ndodhur ndalimi i z.Arben Frroku se kishte ushtruar dhune kunder dy policeve. E dini juve ke kam pare duke protestuar ate dite per lirimin e tij?! z. Sajmir Tahiri, z. Eduard Shalesi, z. kryetar te njesise bashkiake nr.6. Ju tregova gjithe keto per te dale ne pyetjen: A nuk mendon se keta jane po aq te perlyer ne mos me te kqinj se krahu i kundert?!
A mos juve dhe gjithe mediat e tjera super opozitare jane duke u munduar t'i lajne keta 'para te pista' me cdo lloj detergjenti te mundshem duke fshehur nje pjese te se vertetes ne lidhje me veprimtarine e ketyre personave deputete ose jo?!
Nqs pergjigjia do ishte 'jo' atehere dhe juve jeni pjese e ketij sistemi te kalbur, ne mos po prisni ftesen per t'u bere deputet nga kushdo krah qofte..
Justifikimet per Tahirin me
<p>Justifikimet per Tahirin me duken feminore e te mbrapshta! Po mor zoteri ka qene i mbrojtur nga pushteti po me ato leke qe hyri dhunshem ne PS duke bere zhurme per Braçen e Ulqinin<br />Nese eshte bosja e ilaceve e jema kjo gjendet kollaj ne QKR nuk ka pse ta thote policia<br />Do denohet mor zotri se ilacet pa "bar-code" jane vetem per spitale, ska rendesi vlera apo cfare mjekimi<br />Njerez qe nuk kane punuar asnje dite nuk kane si denoncojne per popullin ja ky eshte horri i babit boss<br /> </p>
Shume kontradiktor dhe konfuz
<p>Shume kontradiktor dhe konfuz ne kete shkrim, zoti Nano. Dhe cudi, se eshte nje shkrim i shkurter. </p><p>Diku ju thoni: "Kryeministri nuk ka pse ta ketë këtë informacion, por ai e ka.<strong> Ia ka dhënë policia me siguri</strong>.".</p><p>Por ne te njejtin paragraf thoni "<strong> Në fillim pra është kryeministri që denoncon kontrabandën, pastaj është policia që arreston, </strong>pastaj është shtypi që e njofton në faqe të parë si titull kryesor, me gërma të mëdha." e me poshte "Është fajtor Bashkim Tahiraj? Pse jo? Por hajde dhe besoje në këto rrethana, kur<strong> gjurmimi i kontrabandës fillon me denoncimin me emër e mbiemër nga ana e kryeministrit në parlament e përfundon me ndërhyrjen e policisë</strong>!"</p><p>Pra kryeministri eshte informuar nga policia ( e cila si c'mesojme, ka kohe qe e investigon kete afere) dhe ketu nuk e di se cfare ju ben te habiteni. Pra ju nuk keni hic te drejte te aludoni pa asnje fakt se ishte Berisha qe e ideoi kete kurth dhe pastaj policia e tij e bindur e "krijoi' rastin qe ideja e kryeminstrit te realizohej me sukes. behu me profesional dreqi ta haje. Nuk eshte e veshtire: mjafton te jesh i ndershem me veten tende kur shkruan dicka.</p><p> </p>
E si mund të besoshë që
<p>E si mund të besoshë që krekontrabandjeri denonconë kontrabandën kjo është njësojë si ajo që ndollë nëpër dogana që kapin 100,200 i 300kg drogë dhe nga ana tjetër kalojnë tonelata se po të jetë ndryshe ska si shpegohet që shpërndahet kaqë shumë</p>
Shkrime te tilla nuk jane te
<p>Shkrime te tilla nuk jane te nivelit tuaj zoti Mustafa! Nuk duhet te perfshini domosdo Berishen ne vjedhje ordinere. Nese e ka bere turp te kete ai dhe i Biri qe del e ben paragona me kecenime per Argiten etj.</p><p>Mua me duket paksa tendencioze kapja e tij, por gjithsesi Tahiri nuk eshte etaloni i virgjereise morale ne PS dhe si rrjedhoj nuk e gjen gje PS- se u burgosen 3 vjedhes ordinere.</p><p>Nje hajdut i lagjes time ka 6 muaj ne bur se e kapen me 2 thase miell gruri. Eshte nga ato familje qe e bejne buken ne shtepi... askush nuk flet. Ai vodhi miell po nuk ka asnje deputet e gazete qe ta mbeshtese ne veprimin e tij te denueshem.</p>
Add new comment