Zogaj do ta priste me falënderim një "ftesë nga PD-ja"

Koordinatori i koalicionit opozitar, Preç Zogaj, në një intervistë të gjatë për Panoramën, thotë se një ftesë të PD do e priste me falënderim: Pyetjes: Si do ta prisnit ju një ftesë për t’u rikthyer në PD?- ai i përgjigjet: 
"Me falënderim, sigurisht. Por nuk shtrohet çështja për t’u ftuar në  kuptimin protokollar të fjalës. Sa kohë që dera është e hapur, ftesat janë pa sens. Vendimi për t’u bashkuar apo ribashkuar me një parti  është një çështje e bindjeve politike dhe njëherësh e vlerësimit të gjendjes, e stadit të demokracisë së brendshme atje, e tjerë e tjerë. Rikthimi im në PD, pavarësisht nga nostalgjia e kuptueshme, nuk mund të shmangë këtë vlerësim..."

Kurse pyetjes: E keni ndjerë presionin e aktit të Selamit për të bërë si ai? - i përgjigjet:
"Jo. Jo kështu siç e shtroni ju në pyetjen tuaj. Rasti im është rasti im. Po t’jua them me shaka, unë jam në xhiron e dytë të këtij fati. Atë që disa figura të larguara po e bëjnë tani, unë e kam bërë në shkurt të vitit 2000. Atëherë PD ishte në opozitë të vështirë, ishte nën agresionin e politikave dhe stratagemave të pushtetit të kohës  për ta zëvendësuar me opozita të klonuara në kulisa. Kam përshtypjen se jam i pari që jam rikthyer nga gjithë fluksi i të larguarve gjatë dekadës së parë. Nuk u ktheva sepse ndjeva erë ndryshimi, por për të marrë pjesë, bashkë me një grup liberalësh të rinj, në ringritjen nga hiri të PD-së, në prodhimin e erës së re të ndryshimit. Të gjithë ata që u kthyen dora-dorës pas lajmit që dhanë nga selia blu, Spartak Ngjela, Besnik Mustafaj, Mero Baze, unë e të tjerë, janë atje, në detyra të rëndësishme. Duket disi paradoksale që nuk janë ata që “dhanë” lajmin. Politikë është kjo, do të thoshte Ngjela. Personalisht jam larguar për herë të dytë në vitin 2009, në kushtet e mbylljes së çdo mundësie për të sqaruar me Berishën arsyet e caktimit tim i shtati në qarkun e Shkodrës..." a.n.

 Në foto:

Zogaj, duke folur gjate nje aktiviteti homazh në Akademine e Arteve në nderim të 4 viktimave të 21 janarit (LSA 21 Janar 2012)

Një pjesë e intervistës:http://www.panorama.com.al/2013/03/25/zogaj-ceshtjet-qe-me-ndajne-me-ram...