Fevziu shpjegon pse Berisha nuk shkon në Opinion, dhe pse ai nuk mund të shkojë në studio dosido

Moderatori i programit Opinion në TV Klan, Blendi Fevziu, ka dhënë një intervistë të gjatë për Mapon. Është një intervistë dhënë kryeredaktorit Arion Sulo, dhe në fokus ka letrën e hapur që Berisha i ka dërguar Çilit, në të cilin na bën me dije se, në rrethanat e dashurisë së sapozbuluar me rrjetet sociale, ka rënë interesi i tij për studiot televizive; qoftë dhe për studion e Fevziut, të cilën e ka pasur të preferuarën e vet.

Ka një moment, ku Fevziu, në përpjekje për të hedhur poshtë idenë se kryeministri “ka më shumë xhan” atë se sa të tjerët, zë e legjitimon sjelljen e Berishës, duke marrë si pa dashje rolin e zëdhënësit të tij. Ja çfarë thotë Fevziu:

“Me përjashtim të Top-channel-it, me të cilin kryeministri ka një moment të pakapërcyer provokimi të bërë nga televizioni në fjalë, ai ka qenë në të gjitha ekranet e tjerë. Ka dhënë intervista për Pezën, për Babaramon, për Pekën, për Patrik Sadikajn, për Vizion Plusin, për Ora News-in, për Klan Kosovën, për ABC-në, për RTK-në. Por nëse ju mendoni se kryeministri duhet të jetë në çdo ekran, edhe me një për qind shikueshmwri, thjesht për gjeografi televizive, unë mendoj se kjo është e gabuar. Një njeri politik me ndikim bën një zgjedhje. Nëse juve do t’ju ftonin si kryeredaktor në një seri emisionesh, a do kishit një filtër? A ka emisione ku do të çonit dikë tjetër nga gazeta? Përse kryeministrit i kërkohet të bëjë atë që ne të tjerët s’e bëjmë në jetën e përditshme?”

Në po të njëjtën intervistë, bën disa pohime interesante:

• Dy ditë para se të intervistoja Ramën, kisha Haradinajn, i cili doli nga studioja i djersitur. “S’e kam ndeshur kurrë me gazetarë të tjerë ritmin që ka intervista me ty”, më tha.
• Berisha nuk m’i ka kërkuar kurrë pyetjet e intervistës gjatë 15 viteve që e bëj këtë punë.
• Për intervistën me Ramën jam përgatitur për pesë ditë rresht, duke punuar nga 10 orë në ditë.
• Me sa di unë, Berisha nuk e ka ndjekur intervistën që i bëra Ramës.

Re.Pu.