8 pikat e Braçes që praktikisht do ta linin LSI-në jashtë koalicionit me PS

Erion Braçe ka komentuar slloganin e LSI “Me ne (LSI) nuk humb kërkush!” duke komentuar se kjo do të thotë se “në çdo rast ne do jemi në pushtet!! Është e rëndë ta dëgjosh! Është manipulim skandaloz para zgjedhjeve! Kur them këtë nuk kam parasysh rastin aktual, marrëdhënien e tyre me Sali Berishën. Kur them këtë kam parasysh rastin kur fiton PS”

Në këtë rast, Braçe, ka renditur 8 pika që teorikisht do ta linin LSI jashtë qeverisjes së PS, nqs do të zbatoheshin:

1. në një rast të tillë së pari është PS që duhet të vendosë për qeverisjen.

2. Së dyti, është PS që duhet t’i japë fund ndarjes së shtetit me përqindje;

3. është PS që duhet t’i japë fund ndarjes së Qeverisë me ministri, madje në ministri me lekë e ministri thjesht për hall.

4. është PS që duhet t’i japë fund rekrutimit në administratë mbi baza partiake, nepotike, shoqërie, miqësie, korruptive-pra me lekë.

5. është PS që duhet të bëjë një spastrim ekstrem nga të gjithë ata nëpunës të kapur në shkelje të ligjit, akte abuzimi e korrupsioni që janë në detyrë për shkak të marrëveshjes politike.

6. është PS që duhet ta nisë nga ligji e të kthejë në detyrë cilin do nëpunës të hequr padrejtësisht-të vërtetuar nga gjykata-nga puna.

7. është PS që duhet të rikthejë menjëherë në rekrutim, meritën, konkurencën mbi baze dije, aftësije, vizioni, ndershmërie.

8. është PS që duhet të favorizojë në rekrutim një gjeneratë të re shërbyesish, pas 23 vitesh kjo gjeneratë është e aftë t’i shërbejë një Shqipërie të re!

k.c.