Shënim historik: Si sot, 117 vjet më parë, lindi Avni Rustemi
Në Libohovë të Gjirokastrës, në 22 shtator 1895, lindi Avni Rustemi. Pasi kreu shkollën fillore në vendlindje, vazhdoi studimet në shkollën normale të Elbasanit dhe më vonë në Shën Mitër Korone (Itali). Studimet e larta për pedagogji i kreu në Universitetin La Sapienza të Romës. Avni Rustemi punoi si mësues në Libohovë (1910), në Tragjas (1913), në Tepelenë (1916-1917) e në Vlorë (1917-1918). Më 1908 braktisi bankat e shkollës për t'u bashkuar me çetën e Çerçiz Topullit , më 1910 bëri një përpjekje për të vrarë në Shkodër komandantin e ekspeditës ushtarake osmane gjeneral Shefqet Turgut pashën. Më 1914 u radhit në forcat shqiptare për çlirimin e Shqipërisë së Jugut nga pushtimi i forcave greke. Më 1918, me nismën e tij u formua në Vlorë shoqëria atdhetare e rinisë vlonjate me emrin "Djalëria e Vlorës". Në krye të saj organizoi demonstratën e 28 Nëntorit 1918. Në pranverë të vitit 1919 në Shën Mitër krijoi "Lidhjen e Rinisë Shqiptare", kurse më 13 qershor 1920 kreu dhe aktin që e skaliti emrin e tij në murin shqiptar të historisë - vrau në Paris Esat Pashë Toptanin, politikanin që e akuzonte se po bëhej pengesë për konsolidimin e shtetit shqiptar pas Kongresit të Lushnjës. Me t'u kthyer në Shqipëri në dhjetor 1920, Avni Rustemi u mor me bashkimin e disa shoqërive ekzistuese në një organizatë të vetme. Një Kongres i mbajtur më 25 prill 1921 në Vlorë krijoi një federatë që mori emrin "Atdheu". Kryetar nderi i saj u zgjodh Avni Rustemi. Me nismën e tij u krijuan edhe organizatat profesionale të mësuesve. Pas mbylljes së federatës "Atdheu", në gusht 1922 përsëri nën drejtimin e tij, më 13 tetor 1922 u krijua në Tiranë shoqëria demokratike "Bashkimi". Avni Rustemi ishte një ndër ideologët më të spikatur të kohës. Idetë e tij gjenden të formuluara në një numër fjalimesh e artikujsh publicistikë të kohës dhe në fjalimet në Asamblenë Kushtetuese të vitit 1924, ku u zgjodh deputet nga populli i ish-prefekturës së Kosovës. Ishte kritik i fortë i shpërdorimeve të aparatit burokratik të kohës, fodullëkut e injorancës dhe mbronte publikisht kauzën e ribashkimit Shqipëri-Kosovë. U vra më 22 prill 1924, në një atentat, i cili iu atribua ministrit të brendshëm të kohës, Ahmet Zogut. Re.Pu.
Comments
sa per kulture, Avni Rustemin
<p>sa per kulture, Avni Rustemin nuk e vrau Zogu, po injorantet tendencioze komuniste keshtu duan ta lexojne, sic bene me vetevrasjen e Mehmet Shehut apo vrasjen e Qemal Stafes duke sajuar... Avni u vra nga banditet e Esad Pashes si hakmarrje, nga Osman Bali e shoke... dhe Avniu as nuk e ka vertetuar nese e ka vrare ai apo dikush tjeter Esad Pashen... mjafton te lexosh kujtimet e eqerem Bej Vlores te dish se c thuhet per te.</p>
Nderuar kujtimi i ketij
<p>Nderuar kujtimi i ketij atdhetari te zgjuar, intelektual e trim!</p><p>Per fat te keq sot Shqiperia ndodhet ne nje emergjence po aq te madhe sa atehere kur dergjej nen kthetrat e anti-shqiptareve zogiste; nje Avni Rustemi sot do te na nevojitej me shume se 1000 pseudo-intelektuale sahanlepires qe ndryshojne flamur kater here ne vit.</p>
A mos jane shkruar gabim data
<p>A mos jane shkruar gabim data e lindjes dhe ndonje tjeter?</p><p>Nuk mund te besohen si te sakta, pasi prej tyne del se 15 vjec ka qene mesues, po studimet e mesme e te larta kur i kreu?</p>
e pra, me sa di une, ai nuk
<p>e pra, me sa di une, ai nuk eshte arriti t'i mbyllte studimet e larta... njs nese ka vrare esat pashe hallall i qofte si hero, po pse ska dokument qe kush e coi dhe kush e pagoi... dhe nuk ka asnje dokument te shfaqur ne media si gazeta te vjetra franceze arkivat qe te shihet. Sa per dijeni Eqerem bej Vlora ka qene nje nga personalitetet me te shquara te atyre viteve si dhe nip i ismail Qemalit.</p>
Kjo biografi eshte e mbushur
<p>Kjo biografi eshte e mbushur me te paverteta. Se pari, Avniu nuk ka kryer studime te larta ne Rome. Qenka bashkuar me çeten e Çerçizit ne moshen 12 vjeç!!! Paskesh qene edhe nje nder ideologet me te spikatur te kohes! Perveç ndonje fjalimi ne Parlament, nuk ka asnje artikull prej "ideologu" te shkruar prej tij. Mos e teproni, se beheni qesharake!</p>
Avni Rystemi eshte nje
<p>Avni Rystemi eshte nje figur historike dhe mendimet qe mund te jepen mbi kete figur duhet te argumentohen me fakte.Nese ne japim mendime thjesht me llogjiken tone ,ateher shtremberojme te verteten.Dhe faktet jane ne botimet e shtypit te asaj kohe pikerisht ne gazeten "Bashkimi"e clila ishte frut i frymes demokratike te Shoqeris "Bashkimi"e cila pati nje aktivitet te gjere ne prejudhen kohore 1922-1924 ne Statutin e saj paraqiteshin si;ligji agrar per kthimin e tokes fshatarit,,,per arsimin ,kulture etj Avni rystemi shkoi ne vlor per te hapur degen e shoqeris "Bashkimi" dhe nuk u lejua nga autoritetet vendore, por ndikimi ne mas i popullit ne kete qytete, te ideve perparimtare qe paraqiste shoqeria "Bashkimi" me udheheqes dhe nismetar Avni Rystemi e bene te mundur hapjen e deges se Shoqeris "Bashkimi"</p>
Gostivar2945@gmail.com
Shkkollat e Larta Dhe Shkkollat e Mesme Dhe 8 Dhe 9 Nga Krejt Vendeve Dhe Gjyteteve Kryegjyteteve Vende banimeve
Gostivar2945@gmail
Dhe jete perher.e AVNI RUSTEMI
Add new comment