Gjermania shmang industrinë amerikane në planin e saj të riarmatimit

Plani i ri i Gjermanisë për riarmatimin që kap vlerën e 83 miliardë eurove, do të shkojë kryesisht në industrinë europiane. “Politico” raporton se plani i prokurimit ushtarak parashikon që vetëm 8% e shpenzimeve të shkojë për blerje në industrinë amerikane, çka i jep një goditje ambicieve të Donald Trump që industria amerikane të shihet si prioritet.

Bëhet fjalë për 154 kontrata të mëdha për vitet 2025-2026 dhe ligji gjerman parashikon që çdo kontratë që tejkalon vlerën e 25 milionë eurove, duhet të marrë miratimin e parlamentit.