Pukë, makina në ecje qëllohet me armë, shpëton shoferi 25-vjeçar

Një automjet është sulmuar me armë zjarri ndërsa ishte duke lëvizur në aksin rrugor Pukë-Vau i Dejës. Sipas policisë së Shkodrës makina tip Wolsvagen me targa AA 354 KM është qëlluar në “Qafë Çelë” në orën 21:30 dhe nga të shtënat janë thyer xhamat anësorë të saj.

Automjeti drejtohej nga 25-vjeçari me inicialet E.D banues në Tiranë, i cili fatmirësisht nuk është lënduar nga ky sulm.

Grupi hetimor i Policisë së Shkodrës po punon për gjetjen e gëzhojave dhe zbardhjen e plotë të kësaj ngjarjeje.