Han Kang fiton Nobelin e Letërsisë

Shkrimtarja koreano-jugore Han Kang është shpallur fituese e Nobelit në Letërsi për 2024 ,"për prozën e saj intensive poetike që vë përballë traumën historike me brishtësinë e jetës njerëzore".

E lindur më 27 nëntor 1970, Han Kang ka fituar Çmimin Ndërkombëtar Man Booker për letërsinë artistike në 2016 për “Vegjetarianja”, një roman rreth prejardhjes së një gruaje në sëmundje mendore dhe braktisjes nga familja e saj, i përkthyer edhe në shqip.

Kang ka shkruar kryesisht tregime të shkurtra dhe poezi. Ajo është vlerësuar me çmime letrare kombëtare dhe ndërkombëtare.

Ajo bëhet autori i parë koreano-jugor që fiton çmimin e letërsisë dhe gruaja e 18-të nga 117 çmimet e dhëna që nga viti 1901. Çmimi shpërblehet me 11 milionë korona suedeze (1 milion dollarë).

Pjesa më e madhe e veprës së Han shtron pyetjen, e shprehur nga një personazh në romanin e saj të vitit 2019 "Europa": "Nëse do të kishit mundësi të jetonit ashtu siç dëshironi, çfarë do të bënit me jetën tuaj?"

Megjithëse shumë nga protagonistët e Hanit janë gra, veprat e saj në prozë shpesh rrëfehen nga këndvështrimi i burrave.

Krijimtaria e saj është vlerësuar në Itali, Spanjë dhe Francë. Ajo është përzgjedhur si autore e 5-të për projektin "Biblioteka e së Ardhmes" në Norvegji në vitin 2019. Romani i saj "Biri im i dashur" (Dear Son, My Beloved) do të ruhet në Bibliotekën Deichman në Oslo deri në datën e botimit në vitin 2114.