tenderi

Televizioni Top-Channel promovon sot si lajm kryer në faqen e vet online një lajm lokal për...Bashkinë e Tiranës. Ja se çfarë thuhet në lajm:

Ndoshta për herë të parë në Shqipëri, nxënësit e shkollave nuk marrin dëftesa pas përfundimit të sezonit shkollor, situatë që nuk ka ndodhur as në vitin 1997. Kjo për shkak të burokracive në Ministrinë e Arsimit që nuk ka zhvilluar në kohë tenderin për printimin e dëftesave. Drejtoresha e arsimit ne Tirane Arjola Byzyka thotë se shpërndarja e dëftesave te notave mund te behet vetëm pas verës. Kjo pas dëftesat e notave per mijëra nxënës nga klasa e pare deri ne te 11 ende nuk janë prodhuar. Ndërkohë është zgjidhur problemi për 7 mijë maturantet qe do te aplikojnë per studime jashtë vendit.

Prokuroria e Tiranës ka sekuestruar të gjithë dokumentacionin e nevojshëm për hetimin e tenderit të zhvilluar për rikonstruksionin e ish-hotel “Dajtit”, tender i kryer nga Banka e Shqipërisë. Hetimi është nisur pas një padie të shoqatës së ndërtuesve, ndërkohë që siç raporton Vizion Plus, prokuroria po heton edhe për akin e blerjes së ish-hotelit nga Banka në shumën e 30 milionë eurove.

Prokuroria e Tiranës ka filluar hetimet për tenderin për rikonstruksionin e ish–Hotel Dajtit, një projekt që kushton 16 milionë euro. Organi i akuzës do të hetojë për dy akuza të rënda: atë të shkeljes së barazisë në tendera dhe atë të shpërdorimit të detyrës, raporton Tv Klan. 

Banka e Shqipërisë ka dalë dje me një deklaratë të posaçme përmes së cilës jep versionin e saj pëër rikonstruksionin e hotel “Dajti”. Rikonstruksion që sipas saj do të kushtojë 16 milionë euro, në sajë të rivlerësimeve që iu bënë shifrës fillestare prej 18 milionë eurosh.

Banka e Shqipërisë vazhdon të heshtë lidhur me procedurën që ka ndjekur ndaj kompanisë që i ka dhënë ndërtimin e ish-Hotel Dajtit pas një tenderi me vlerë 18 mln euro. Edhe Shoqata e Ndërtuesve është shprehur se ky tender është zhvilluar në mungesë të plotë transparence. 
Drejtues të saj sqaruan se, në procese të ngjashme, entet publike konsultohen me shoqatën dhe ajo i ve në dispozicion një listë me kompani, të cilat kanë aftësi teknike të mira për të ndërtuar vepra të ngjashme.

Kina po kërkon të zgjerojë forcën e saj gjeopolitike, duke u përhapur deri në Lindjen e Mesme. Industritë shtetërore kineze janë bërë pjesë e një tenderi multi-milionësh i quajtur “Red-Dead Water”.

Projekti, i nisur  nga Izraeli, Jordania dhe autoritetet palestinze pritet të kapë vlerën e 1.1 miliard dollarëve. Pjesë e tenderit janë edhe firma franceze, japoneze apo koreano-jugore. Ai parashikon marrjen e 2 miliardë metër kub ujë nga Deti i Kuq, për të çuar në Detin e Vdekur, duke stabilizuar nivelin në rënie të tij.

Ministria e Mjedisit ka hapur tenderin për ndërtimin e landfillit, inceneratorit dhe rehabilitimin e venddepozitimeve të mbetjeve ekzistuese në Tiranë. Tenderi sugjeron formën e një Partneriteti Publik Privat me kohëzgjatje 30 vjet.

Kontrata parashikon “ndërtimin e një impianti të ri të mbetjeve në jug dhe lindje të zonës së venddepozitimit ekzistues në Tiranë”.

Tenderi ndërkombëtar për të dhënë me koncesion për 99 vite zonën e lirë tekonologjike të Spitallës ka dështuar për herë të dytë, por kësaj here pa shumë bujë. Në bazë të dokumentacionit, ministria e Zhvillimit Ekonomik dhe Sipërmarrjes, ka hapur ofertat në datën 23 dhjetor të vitit që shkoi, por asnjë kompani nuk ka paraqitur interes. Burimet pranë kësaj ministrie thonë se Komisioni i Vlerësimit të Ofertave është mbledhur në ambientet e ministrisë në orën 10.00 të kësaj date, dhe pasi ka pritur disa orë, është shpërndarë.

Kontrolli i Lartë i Shtetit ka kallëzuar në Prokurori 10 anëtarët e Komisionit të Vlerësimit të Ofertave që tenderuan blerjen e kamerave të trupit për punonjësit e policisë. AbcNews raporton se kallëzimi është kryer për “shkelje të barazisë në tendera” për një prokurim që kap vlerën e 5.7 milionë eurove.