Shqiperia

Ambasadori i Rusisë në Shqipëri, Aleksandër Karpushin ka folur sot gjatë një aktiviteti me temë: “Politika e jashtme e Rusisë: Shqipëria dhe çështje strategjike”, organizuar nga Instituti i Studimeve Ndërkombëtare, për marrëdhëniet dyplaëshe. Ai i është referuar raporteve njerëzore të trashëguara nga koha e pas luftës së Dytë Botërore, për të nënvizuar një shembull të mirë që sot sipas tij pengohet të zhvillohet më tej.

Kryetarja e delegacionit të Parlamentit Europian në Komitetin Parlamentar të Stabilizim-Asociimit, BE-Shqipëri, Monica Macovei  kërkoi nga klasa politike shqiptare më shumë përpjekje në luftën kundër korrupsionit. Ajo u shpreh se ka shumë hetime, por nuk ka ndjekje penale dhe se korrupsioni shemb çdo aspiratë për të qenë pjesë e familjes europiane.

38 470 është numri i gulenistëve të dënuar në Turqi së fundmi. Lajmi bëhet i ditur nga gazeta “Hurriyet” e cila shton se listës së anëtarëve të organizatës së Fetullah Gulen i pasojnë kurdët e Partisë Popullore dhe anëtarë të Shtetit Islamik. Gazeta i referohet të dhënave të marra nga Ministria e Brendshme titullari I të cilës, Soylu ka deklaruar se vetëm në vitin 2017 në Turqi janë arrestuar për lidhje me Gulenin, 48 305 njerëz.

Shqipëria mund të ecë më shpejt se Serbia në rrugën e anëtarësimit për në BE. Të paktën ky është mendimi që përcillet nga një editorial i “Financial Times”, që citohet nga agjencia ruse “Sputnik”.

Editoriali është një analizë mbi vendimet e fundit të Komisionit Europian që zbuloi se në parim e pranon zgjerimin e BE-së drejt Ballkanit Perëndimor. Në përfundimin se Shqipëria mund të parakalojë Serbinë, editoriali arrin tërthorazi:

Tani që Shqipëria dhe Greqia po ecin drejt një “fushe me lule”, gjembi që do të mbetet mesa duket është çështja e çamëve.  Teksa problemet që  lidhen me  kufirin detar, ligjin e luftës, varrezat e ushtarëve grekë, tekstet shkollore apo lehtësitë konsullore kanë marrë rrugën e zgjidhjes, çështja e çamëve mbetet dritëhija e fundit e një raporti historik të dy popujve që ruan ende shumë të panjohura, po të marrim parasysh edhe një ndjenjë përkatësie që po “zgjohet” tek të ashtuquajturit arvanitas.

Shaban Murati, ish-diplomat dhe ish-këshilltar i ministrit të Jashtëm, shkruan sot në një opinion në “Gazeta Shqiptare” për realitetin e negociatave ku ka hyrë Shqipëria me vende të BE-së.

 Ka një përpjekje për të presuar në maksimum qeverinë për negociatatat e Korçës me Greqinë. Përveç faktit se ato janë mbajtur të fshehta, është deklarimi i fundit i ministrit të Jashtëm grek, Nikos Kotzias, ajo që ka provokuar më shumë debate në Tiranë. Mesa duket Kotzias është njohës i mirë i teknikës mediatike dhe ia ka dalë të kushtëzojë me fjalët e veta raportin e së vërtetës për këto çështje mes qeverisë së Tiranës dhe qytetarëve shqiptarë.

Kryetari i grupit për Europën Juglinore në Bundestagun gjerman, Stephan Albani në një  intervistë për “DW” thotë se Shqipëria nuk e ka ende besueshmërinë në shkallë ndërkombëtare për të marrë hapjen e negociatave me Bashkimin Europian.

Ai sjell si shembull qëndrimin e mazhorancës në çështjen e  ish-ministrit të Brendshëm, Saimir Tahiri, duke thënë se nuk mund të përfitohet asnjë imunitet përpara një procedure ligjore që synon zbardhjen e një çështjeje.

Duket se viti 2018 filloi me ngjarje të nxehta dhe zhvillime, të cilat pasqyrojnë natyrën e rajonit të Ballkanit – duke përfshirë edhe Shqipërinë – dhe si rezultat ndikojnë mbi to.

Komisioneri i BE-së për Zgjerimin, Johannes Hahn është shprehur për agjencinë austriake, APA, se vendet e Ballkanit që kanë probleme kufitare, ose probleme të tjera me njëri-tjetrin, nuk do të pranohen në BE. 

Ne sigurisht që nuk do të pranojmë ato vende që kanë çështje të hapura me fqinjët. Konfliktet kufitare si Sllovenia dhe Kroacia nuk mund të ekzistojnë më në Union. Sigurisht Serbia duhet të zgjidhë së pari çështjen me Kosovën dhe pastajnka çështje të hapura mes Serbisë dhe Kroacisë, Malit të Zi dhe Kosovës, Shqipërisë dhe Greqisë