shba

Ajo që pritej të ishte një vizitë që do t’i jepte kredenciale të reja, rezultoi ndryshe. Ilir Meta kthehet nga SHBA me zero rezultate, njësoj si kryeministri me të cilin bashkëqeveris, i cili ishte aty disa javë më parë e që deri më tani nuk është pritur në Washington. Arsyet e këtij qëndrimi të SHBA-së ndaj politikanëve kryesorë shqiptarë mund të jenë të shumta, por një është e padyshimtë: lidhja me krimin dhe fakti se ekipi që drejton vendin tonë prej 25 vjetësh duket se ka rënë dakord të marrë si rol ekonomik për Shqipërinë edhe plehrat e Europës, apo paratë e pista që mbeten.

Ajo që shpesh mund të përflitet si një dyshim që rrjedh nga teoritë e konspiracionit se ISIS mund të jetë krijesë e Shteteve të Bashkuara tashmë ngrihet zyratisht edhe si pyetje nga ambasada ruse  në Tiranë. Përmes një njoftimi në muret e ambasadës që i ngjan më tepër një shpallje publike, selia diplomatike e Rusisë kërkon që media shqiptare të mos i referohet vetëm burimeve apo lajmeve të mediave  perëndimore që sipas saj janë të prirura të dezinforojnë për këtë çështje.

Drejtuesi i Dhomës Amerikane të Tregtisë, Mark Crawford, i është kundëpërgjigjur kryeministri Edi Rama i cili një ditë më parë tha se: “të shohin se çfarë ndodh në SHBA nëse nuk merr kuponin tatimor”. Sipas Crawford, në SHBA nuk të burgosin për kuponin tatimor. “Nuk di të ketë ndonjë shtet tjetër ku burgosesh nëse nuk merr kuponin tatimor. Ne jemi ndër të parët që kemi kërkuar luftë kundër informalitetit, por nuk duhet bërë me represion. Deri tani rezultatet kanë qenë negative”, tha Crawford, sipas “News24”. 

Spartak Ngjela gjuan edhe një herë. Nuk dihet sa funksionon apo sa ndikim ka, por qasja e tij kundër Edi Ramës, po bashkohet me qasjen antisistem. Për ish-aleatin e ngushtë të Edi Ramës, Perëndimi është një destinacion i panegociueshëm për shqiptarët, të cilët duhet të mbajnë parasysh se kjo mazhorancë mund t’i çojë edhe drejt Moskës apo Pekinit. Ndaj Ngjela sugjeron embargo: “Ne sot humbasim 3 miliardë Euro ndihma strukturuese në vit; sepse kryeministri shqiptar, kjo maxhorancë dhe vëtë opozita, nuk e duan reformën në drejtësi.

Marina amerikane ka testuar për herë të parë sistemin e mbrojtjes raketore në Europë. Prova u krye të martën nga hapësira e Britanisë së Madhe me një raketë me rreze të shkurtër Terrier Orion. Ajo u interceptua nga dy anije të tjera, një prej të cilave kreu qitje të një rakete tjetër (SM-3) Block IA. Parashikohet që stacione interceptimi të ndërtohen në Rumani dhe Poloni. Në këtë të fundit madje parashikohet që instalimet në Redzikowo të jenë gati në vitin 2018. Sistemi është një sinjal i qartë për Moskën e cila e ka kundërshtuar shumë vendosjen e një sistemi të tillë në Europë.

Shtetet e Bashkuara të Amerikës përsërisin qëndrimin e tyre për rëndësinë e reformës në drejtësi në Shqipëri. Duke iu përgjigjur disa pyetjeve të shtruara nga televizioni “Ora Neës”, ambasada amerikane në Tiranë, përmes zëdhënësit Ryan Roberts ka dhënë këtë përgjigje: “Procesi i reformës në drejtësi paraqet një shans kritik për Shqipërinë dhe nëse do të jetë i suksesshëm, mund të përbëjë reformën më të rëndësishme që prej rënies së komunizmit. Në sistemin e drejtësisë ka nga ata që duhen shkarkuar për korrupsion dhe disa duhet të shkojnë në burg.

Donald Trump është sot kandidati për president i SHBA-së që është më i përfoluri. Deklaratat e tij për shumë çështje janë përtej gjuhës së kujdesshme të kandidatëve të tjerë, sulmet dhe polemikat e tij në media me njerëz publikë, ndonjëherë u ngjajnë inateve të llogaritura për të bërë shoë dhe më e bukura: Trump krenohet me pasurinë e tij. “Unë jam i pasur dhe kjo është një pjesë e bukur tek unë”, thotë ai. Ndonëse trashëgoi nga familja, suksesi i tij është meritë personale: Trump nuk i është ndarë jetës publike asnjëherë dhe ka qenë pranë politikës së të dyja krahëve.

“Situata aktuale është shenja e fundit e dezintegrimit amerikan në vendosjen e rregullit në Lindjen e Mesme, i prishur që nga lufta e vitit 1973”, shkruan në një opinion të tijin ish-sekretari i Departamentit amerikan të Shtetit, Henry Kissinger botuar në gazetën “Wall Street Journal”. “Shtetet e Bashkuara të Amerikës kanë nevojë për një strategji të re dhe për prioritetet të tjera në këtë pjesë të botës”, theksoi ai. “Uashingtoni duhet të vendosë për rolin që duhet të luajë në shekullin XXI dhe padyshim që Lindja e Mesme do të jetë prova jonë e parë dhe ndoshta më e vështirë.

BBC raporton se SHBA dhe Rusia do të zhvillojnë bisedime të reja për sigurinë ajrore në Siri pasi, kohët e fundit avionë të të dy fuqive sulmonin shumë pranë njëri-tjetrit. Do të mbahet një raund i tretë bisedimesh ndërkohë që dy vendet kërkojnë të gjenjë mënyrat për shmangie e një konflikti aksidental. Sekretari amerikan i mbrojtjes Ash Carter tha se ai ishte në pritje të një marrëveshjeje shumë shpejt. Nga ana tjetër Rusia tha se do të vinte me propozime të reja për t’u diskutuar gjatë video-konferencës.