maturantet

Pranimet në universitet publike në Shqipëri këtë vit kanë lënë të pa kënaqur shumë maturantë. Edhe pse një pjesë e konsiderueshme e tyre rezultonin nxënës më rezultate mjaft të mira ata kanë rezultuar që të mos jenë shpallur fitues në listat e publikuara nga universitete. Për këtë arsye një pjesë e konsiderueshme e nxënësve dhe prindërve kanë vendosur që të ngrejë zërin dhe që ti bëjnë publikë rastet porsa i përket mënyrës së shpalljes së fituesve.

“Tema Tv” raporton sot për një seri ankesash që maturantë të shumtë kanë adresuar në këtë televizion për mosfunksionimin e portalit unik shtetëror “e-albania”. Portali ka fituar të drejtën përmes një VKM-je të marrjes dhe transmetimit të aplikimeve, por siç informon TT-ja, ai nuk është në punë dhe po pengon maturantët. Më tej, përfaqësues të Agjencisë Kombëtare të Shërbimit të Informacionit kanë mohuar që të jetë përgjegjësi e tyre kjo situatë, duke adresuar tek Ministria e Arsimit. Një sorrollatje që na kujton ankesat e dikurshme të qytetarëve për numrin 126 të policisë.