kqz

Nëse dispozitat e Kodit Zgjedhor anashkalohen, atëherë është hapur rruga për çdo ankimim në të ardhmen

Partia Aleanca Popullore e drejtuar nga Artur Dojaka nuk ka ndërmend të tërhiqet nga ankimi I vet në Kolegjin Zgjedhor ku ka depozituar kërkesë kundërshtinë e vet për listat e kandidatëve. Kolegjji ka vendosur të shtyjë në datën 22 maj shqyrtimin e kërkesës së PAP dhe në seancë do të thirren 15 partitë që janë regjistruar për zgjedhjet e 18 qershorit.

Mbetet e paqartë strategjia e opozitës, e cila sot ka kundërshtuar përmes përfaqësuesve të vet në KQZ përmbajtjen e fletës së votimit, ndërkohë që i konsideron zgjedhjet e 18 qershorit si farsë me qeverinë aktuale. Ankimimi në Kolegj e fut procesin politik të protestës në moment delikat, pasi zgjedhjet ose i njeh, ose i konteston. Në fakt PD-ja po ecën në një rrugë që lë shtegun hapur për pjesëmarrje, por përtej 18 qershorit, kur formalisht përfundon mandati i qeverisë aktuale. 

Avokati i Popullit, Igli Totozani në një rekomandim drejtuar Kryetarit të KQZ-së Denar Biba i kërkon shpalljen e pavlefshmërisë absolute të vendimit të KQZ-së që detyron mediat të transmetojnë “materialet e vëna në dispozicion nga subjektet zgjedhore gjatë fushatës”. Sipas Avokatit të Popullit,  dispozitivi i vendimit në fjalë, përbën në mënyrë të qartë ndërhyrje të KQZ-së në lirinë e shprehjes që medias i garantohet me Kushtetutë, duke e kufizuar atë rast pas rasti me anë të vendimmarrjes me karakter administrativ.

Tre anëtarët e Komisionit Qendror të Zgjedhjeve, Hysen Osmanaj, Vera Shtjefni dhe Klement Zguri e quajnë të paligjshëm  regjistrimin e subjekteve zgjedhore në KQZ përtej datës 28 Prill. Sipas tyre afati që korrespondon me datën 29 Prill është bërë në tejkalim të çdo kompetence ligjore dhe me një interpretim subjektiv të nenit 67 të Kodit Zgjedhor. "Deklaratat e KQZ të ditëve të fundit (datat 29 dhe 30 prill 2017) nuk përfaqësojnë asnjë vendimarrje të KQZ.

Nëse në zgjedhjet e 2013 morën pjesë gjithsej 66 parti politike në 18 Qershor do të garojnë vetëm 17 subjekte. Pushteti do të konkurojë me parti të vogla dhe të krijuara rishtaz, nga të cilat do të dalë dhe opozita legjitime, nëse i referohemi percaktimit kushtetues apo deklaratës së ambasadorit amerikan. Të paktën 7 nga këto parti kanë qenë në koalicion me Partinë Socialiste. Me këto parti në garë nuk ka shumë dilema se si do të jetë konfigurimi i parlamentit të adhshëm, pikëpyetjet janë deri ku do të shkojë marrëzia për t'i futur më zgjedhje pa një numër të madh partish në opozitë. 

Të hënën më datë 10 prill përfundon afati ligjor pr regjistrimin e partive politike për zgjedhjet e 18 qershorit. Kjo përcaktohet në Kodin Zgjedhor, por në kushtet e mosregjistrimit nga partitë e opozitës, ky afat do të shkelet. Hapësira e gjetur? Interpretime preferenciale të së drejtës ndërkohë që kodi shkelet: 

Prej dy ditësh socialistët janë përfshirë në një minidebat me LSI-në për hyrjen ose jo në zgjedhje pa PD-në dhe partitë e opozitës. Por sot, Balkanweb citon burime nga LSI-ja sipas të cilave kjo parti ka dorëzuar tashmë kërkesën për t’u regjistruar në KQZ për pjesëmarrje në zgjedhje. Agjencia në fjalë publikon edhe dokumentin zyrtar të kërkesës që shqyrtohet dhe pritet të miratohet nesër.  Dokumenti I jep fund hamendësimeve duke lënë vetëm opozitën e djathtë me një deklaratë politike për mospjesëmarrje në zgjedhje.

Ndonëse Prokuroria kërkoi heqjen e mandatit për  bashkiakët socialistë të Poliçanit dhe Tepelenës, katër përfaqësuesit e mazhorancës në Komisionin Qëndror të Zgjedhjeve hodhën poshtë kërkesën e organit të akuzës për Adriatik Zotkajn dhe Tërmet Peçin. Argumentimi i Prokurorisë ishte se Zotkaj dhe Peçi kishin fshehur dënimet që kishin marrë të të kaluarën edhe pse ato nuk ishin shkak për ndërprerjen e mandatit. Por sipas organit të akuzës vetëm mosdeklarimi  mjafton për heqjen e mandatit të bashkiakëve socialistë. 

Armando Prenga ka dorëzuar mandatin e deputetit dhe letrën e dorëheqjes ia ka dorëzuar kreut të Kuvendit Ilir Meta në 25 shkurt. Pak ditë më parë, Prokuroria i rider goli KQZ kërkesën për të ndërprerë mandatin e deputetit, pasi ky i fundit sipas organit të akuzës nuk ka respektuar kërkesat e ligjit për plotesimin e të dhenave, duke mos deklaruar, më së pari, një denim të formës së prerë nga Gjykata e Kurbinit, si edhe precedentet penalë në Itali.

Prokuroria e Përgjithshme kërkon nga Komisioni Qendror i Zgjedhjeve që të ndërpresë mandatin e deputetit Armando Prenga. Kërkesa i është përcjellë KQZ-së që drejtohet nga një militant partiak si Denar Biba.