katarsis

Debatin mes dy partive kryesore të kualicionit qeverisës e ka vijuar edhe deputetja e qarkut të Lezhës e Lëvizjes Socialiste për Integrim, Monika Kryemadhi. Teksa ishin në një takim me gjimnazistë të Lezhës së bashku me zv/ministren e arsmit Nora Malaj, ajo tha se miratimi i ligjit për arsimin e lartë ishte një kompromis politik i gabuar i forcës politike që ajo përfaqson, duke shtuar se gjithçka ndodhi për hir të kualicionit.

Partia Demokratike që sot përfaqëson opozitën e vendit denoncoi nga foltorja e selisë sistemin e drejtësisë, duke i faturuar Edi Ramës përgjegjësinë e vendimit të Gjykatës për të ndryshuar masën e sigurisë ndaj administratorit socialist të Kaçinarit, i arrestuar për trafik lëndësh narkotike.
Ish-ministri i Drejtësisë, Enkelejd Alibeaj tha shprehimisht: "Gjykata e Edi Ramës lë të lirë trafikantin që kapet me gjysëm tonë drogë, sepse ky gërhet natën. Sepse Edi Rama e do të lirë trafikantin e tij, e do në shërbim, për delegatët e kongresit e për votat e zgjedhjeve që po afrojnë".

Dy ministra të qeverisë dolën këtë të mërkurë në konferencë për shtyp për të sqaruar pozicionin e tyre mbi akuza që i implikojnë për favorizime në tendera dhe shpërdorim të detyrës. Të dy ministra të paralelit rozë të koalicionit, thënë ndryshe të emëruar nga Partia Socialiste dhe kryetari Edi Rama.