bota

Në Rusi është hapur një program universitar për monitorimin e ekstremizmit në internet. Dega e re në universitetin më të madh të menaxhimit do të formojë profesionistë që do të mbajnë nën vëzhgim mediat sociale për postime me natyrë ekstremiste.

Mbështetur nga Komiteti Kombëtar Anti-Terrorist i Rusisë, programi i Akademisë Ruse të Ekonomisë Kombëtare dhe Administratës Publike (RANEPA) do të trajnojë paralelisht edhe zëdhënësit e ministrive qeveritare dhe kompanive shtetërore.

Menaxhimi i mbetjeve është bërë problem edhe në Greqi dhe landfillet sipas kryeministrit Kyriakos Mitsotakis janë “gjë që i përket së shkuarës”. Për Peleponezin, qeveria ka një projekt të menaxhimit të integruar të mbetjeve që pritet të përpunojë 95 000 tonë.

Ministria izraelite e Inteligjencës ka hedhur idenë e zhvendosjes së refugjatëve palestinezë jashtë vendit. Rreth 1.4 milionë palestinezë janë zhvendosur nga Gaza, ndërsa të tjera largohen çdo ditë. Ndërsa shumica e tyre i janë drejtuar kufijve me Egjiptin në jug, pasi Forca Mbrojtëse e Izraelit po godet në veri, aty ku janë përqendruar forcat e Hamasit, vendi se ku do të zhvendosen 2 milionë palestinezët e Gazës u kthye në shqetësim për Perëndimin.

Kryeministri izraelit, Benjamin Netanyahu, është "shkatërruar emocionalisht" nga dështimi i tij masiv në sigurinë kombëtare dhe tani po i bën llogaritë gabim. Ehud Olmert, paraardhësi i Netanjahut, thotë në një intervistë për Politico se kryeministri izraelit është rrezik për vendin.

Arrigo Sacchi është 77 vjeç dhe pesëdhjetë prej tyre i ka kaluar si trajner. Trajneri që më shumë se kushdo tjetër ka shënuar dhe ndryshuar historinë e futbollit modern, përshkruan Italinë në një intervistë për Corriere-n.

Një vend i përkushtuar ndaj taktikave, ku duket se ka rëndësi vetëm e mira individuale dhe jo kolektive, ku njohjet kanë më shumë rëndësi se dija.

Kancelari gjerman Olaf Scholz ka pranuar, pas një mbledhjeje maratonë me liderët rajonalë të Gjermanisë, që të shohë mundësinë e trajtimit të një marrëveshjeje Britani-Ruanda për migracionin. 

Qeveria Federale do të shqyrtojë nëse mbrojtja e statusit të refugjatit mundet po ashtu të përcaktohet në të ardhmen në vende të treta apo tranzite, në përputhje ne Konventën e Gjenevës mbi Refugjatët dhe Konventën Europiane mbi të Drejtat e Njeriut

 është shprehur Scholz. 

Në Itali, rreziku për shpërthimin e vullkanit të Napolit është rritur. Ministri i Mbrojtjes Civile, Nello Musumeci, gjatë një raportimi në Dhomën e Ulët të Parlamentit, tha se analizat kanë treguar praninë e magmës në sipërfaqen e Fushave Flegraeane, çka e bën të domosdoshëm monitorimin e vazhdueshëm.   

Në Francë, ministri i Drejtësisë pritet të dalë para gjykatësve, ndërsa mban ende detyrën. Rasti i paprecedent në historinë e pushtetit gjyqësor francez lidhet me emrin e Eric Dupond-Moretti.

Ai ka refuzuar të japë dorëheqjen, ndërsa pritet të paraqitet në gjykatë më 17 nëntor, raporton France 24.  

Përdorimi i bombës bërthamore në Gaza është një mundësi reale për një ministër në qeverinë e Izraelit. Amichai Eliyahu, ministri i Trashëgimisë, la të kuptohet se kjo mund të ishte një zgjidhje për konfliktin ndërsa fliste në një intervistë me radion Kol Berama, të cilës i referohet Times of Israel.  

I pyetur nëse Izraeli mund të hedhë një bombë atomike në enklavën palestineze, ai u përgjigj se "kjo është një nga mundësitë".

Për ish-ministrin e Jashtëm gjerman, Joshka Fisher, njohës i mirë i Lindjes së Mesme, konflikti në Gaza ka potencialin për ta futur në luftë të gjithë rajonin.

“Është e vështirë të mos mendosh për vitin 1914, kur ngjarjet morën një dinamikë të pakontrollueshme dhe sollën si pasojë Luftën e Parë Botërore”, thotë ai..