bota

Banka më e madhe e kredive në Rusi, Sberbank, ka aplikuar te rregullatori kombëtar financiar për të ngritur një platformë blockchain për monedhën e saj digjitale, Sbercoin. Projekti mund të nisë që në pranverë.

Sberbank dërgoi aplikimin për platformën në Bankën Qendrore të Rusisë në fillim të vitit. Kërkesa është bërë në bazë ligjit për pasuritë financiare digjitale, që hyri në fuqi në Rusi më 1 janar.

Pas largimit nga Shtëpia e Bardhë, ndaj Trump dhe njerëzve të tij kanë nisur paditë në gjykata. Një kompani amerikane e makinerive të votimit hapi një proces gjyqësor 1.3 miliard dollarë kundër avokatit të ish-presidentit. Rudy Giuliani akuzohet për shpifje dhe mashtrim lidhur me zgjedhjet presidenciale. Kjo nuk është padia e parë që ngre kompania “Dominion Voting Systems Inc” ndaj njerëzve të ish-presidentit. Ajo më parë ka hapur një proces kundër avokatit të fushatës së Trump, Sidney Powell, të cilin e akuzoi për përhapjen e teorive të rreme të konspiracionit në lidhje me zgjedhjet.

Rasti i një studimi të publikuar së fundmi në Kanada ngre edhe njëherë shqetësimin e konkluzioneve të nxituara lidhur me SARS-Cov-2, virusi që prej më shumë se një viti qarkullon në botë, por ende nuk njihet plotësisht nga shkencëtarët. Një grup studiuesish dolën në përfundimun se kolkikina (colchicine), një ilaç që përdoret për trajtimin e inflamacionit të shkaktuar nga artriti mund të reduktojë nevojën për spital të pacientëve Covid-19.

Presidenti Joe Biden përfitoi nga një sasi rekord donacionesh nga donatorë anonimë për grupe të jashtme që e mbështesnin, si rezultat, publiku nuk do të ketë kurrë një pasqyrë të plotë se kush e ndihmoi të fitonte Shtëpinë e Bardhë. Fushata fituese e Biden u mbështet nga 145 milionë dollarë, të ashtuquajtura donacione parash të errëta, një lloj i mbledhjes së fondeve që demokratët e kanë kritikuar për vite me radhë.

Një detaj në kontratën e Pfizer me vendet që presin mbërritjen e vaksinës ka shkaktuar jo pak dhimbje koke në SHBA dhe në Europë ditët e fundit. Në SHBA, si në Evropë, kontratat përcaktohen duke marrë parasysh numrin e dozave dhe jo të shishkave.

Dy deputetë britanikë kanë kërkuar hapjen e një hetimi mbi një kompani të regjistruar në Britani, emri i të cilës del i lidhur me shpërthimin shkatërrues në Bejrut. Savaro Ltd është e regjistruar në Londër dhe në regjistrin e kompanive figuron pronare Marina Psyllou. Kjo e fundit, e kontaktuar ngë agjencia e lajmeve Reuters, është shprehur se në të vërtetë pronari është një tjetër, por nuk ka pranuar të bëjë publik emrin e tij.

Spikeri legjendar i NBC News, Tom Brokaw, njoftoi tërheqjen nga ekrani, duke ulur në këtë mënyrë siparin e një karriere prej më shumë se gjysmë shekulli.

Brokaw, 80 vjeç, mbyll mikrofonin si spikeri i vetëm që ka drejtuar tre emisionet kryesore informative të NBC: "News Nightly", "TODAY" dhe "Meet the Press".

Disa eksperimente që po kryhen nga Google kanë sjellë reagimin e Reporterëve pa Kufij. Organizata i cilëson arbitrare testet e motorit të kërkimit, të cilat do të zgjasin deri në shkurt.

Elon Musk ka në plan të ndihmojë kauzën mjedisore. Kreu i SpaceX dhe Tesla, Elon Musk, premtoi 100 milionë dollarë për zhvillimin e një teknologjie që është e aftë të mbledhë karbonin e lëshuar nga aktivtiteti njerëzor.

Një listë e re sanksionesh që përfshin shumë anëtarë të administratës së Trump u bë publike nga Ministria e Jashtme kineze, ndërkohë që Joe Biden betohej si president i ri i SHBA-ve. Në listë janë emrat e 28 politikanëve amerikanë që Kina i quan “anti-kinezë" dhe që Pekini i akuzon për kryerjen e një "serie lëvizjesh të çmendura" që minuan rëndë interesat e Kinës dhe marrëdhëniet kino-amerikane, ofenduan popullin kinez dhe ndërhynë në punët e brendshme të vendit.