Blloku Në Vëmendje

Gjuhëtarja Anila Omari thotë se ka nevojë për një reformim të metodikës së mësimdhënies së gjuhës shqipe, e cila sipas saj po lihet në hije nga anglishtja. Sipas Omarit, rolin më të madh në këtë drejtim duhet ta luajë shkolla.  

Për përvetësimin e gjuhës standarde, është shkolla që ka rol kryesor.

Do një ndërmarrje nga të katër anët, shoqëria dhe shteti, por në radhë të parë merr synim te shkolla, probleme ka në lëndën e gjuhës, por edhe nga lëndët e tjera, dëgjohen shumë ankesa, që nuk arrijnë ta përvetësojnë mirë nxënësit.

Shteti shqiptar desh kapi terroristë disa netë më parë. Me policinë profesioniste që ka patur që më 1912, u ndaluan disa persona që hynin nga Kosova e që rezultuan se ishin aktorë dhe artistë. 10 orë në komisariate dhe përvoja e tyre me Shqipërinë e Londrës theksohet në një vërejtje, jo në një akuzë:

Sekretari i Përgjithshëm i Partisë së Lirisë, Tedi Blushi, ka publikuar sot një dokument që sipas tij tregon se si kryebashkiaku Erion Veliaj preku fondet për arsimin për të paguar inceneratorin e Tiranës. Sipas Blushit kjo është një tjetër provë se Erion Veliaj është pronari faktik i inceneratorit të Tiranës. Ai i ka bërë thirrje SPAK-ut që të administrojë urgjentisht edhe këtë shkresë të Bashkisë së Tiranës dhe të marrë të pandehur Veliajn.

Përgjatë vitit 2023 zyra përmbarimore Tiranë ka mundur të ekzekutojë vetëm 30 nga 1600 vendime të gjykatës për pension ushqimor, pas divorcit. Kjo për shkak të numrit të lartë të dosjeve por edhe të faktit se shumë prej prindërve janë të pasiguruar apo gjejnë mënyra të ndryshme për të shmangur këtë detyrim financiar. Përmbaruesja shtetërore Anxhela Doleci tha për MCN TV se:

Ish-zv.kryeministri Arben Ahmetaj ka folur dje në një intervistë për Syri Tv përmes së cilës ka deklaruar se ai nuk ka asnjë rol si titullar në inceneratorin e Elbasanit dhe të Fierit dhe se thashethemin se dosjen e inceneratorëve ia ka kaluar Ilir Metës është përhapur nga Erion Veliaj dhe Belinda Balluku, por që sipas tij Edi Rama nuk e ka besuar por e ka përdorur.

Në  një intervistë dje në emisionin “Të Paekspozuarit”, ish-deputeti Besnik Baraj, ka folur për ndotjen në Tiranë e cila sipas matjeve të tij, rezulton e rrezikshme për shëndetin. Baraj arriti deri aty sa sugjeroi në mënyrë kuptimplotë:

Shkoni bëni Pazar, por mos merrni fëmijët me vete!

Duke iu referuar këtu sidomos qendrave tregtare.

Ngritja e dy inceneratorëve në Fier dhe Elbasan si dhe plani për të vënë në punë edhe një incinerator në Tiranë duket se ka penguar projektin për menaxhimin e integruar të mbetjeve, ku një vend kryesor zë riciklimi.

Drejtuesja e programit të qeverisë gjermane GIZ, Christine Koenig, na zbulon se Shqipëria renditet si një nga vendet me normën më të ulët të mbetjeve të ricikluara në Europë, ndonëse direktivat e Brukselit janë për reduktimin e sasive të mbetjeve që shkonjnë në landfille. 

Gazeta "Tema" sjell sot një reagim të ish-kryeprokurores Ina Rama, sipas së cilës pamjet filmike të 21 janarit 2011, të realizuara nga Kryeministria bashkë me serverin përkatës janë zhdukur. Gazeta shton se kaq mjafton që Sali Berisha të procedohet për prishje të provave. 

Më poshtë një pjesë nga një shkrim i INA Media për riciklimin në sistemin e drejtësisë të të njëjtave mbiemra të cilët vettingu i krasiti. Një copëz nga teatri i reformës që në fakt nuk bëri asgjë me pasurinë e atyre që dolën nga sistemi: 

Familjarët e të shkarkuarve, në sistem

"Politico" shkruan së fundmi për mundësinë e dështimit të neogociatave ndërkombëtare për një Traktat mbi Pandemitë, duke lënë pas krahëve përvojën traumatike të CoVid-19. Negociatat udhëhiqen nga Organizata Botërore e Shëndetësisë dhe synojnë miratimin e një kuadri rregullator detyrues në eventualitetin e një pandemie të re si dhe për të mos lejuar më diskriminimin në shpërndarjet e bareve imunizues siç ndodhi me vaksinat kundër CoVid-19.