Shpipëri Hesapi
Njerëzit e Vitit 2018
Mediat kanë rendur këto ditë të nxjerrin njeriun e tyre të vitit. Mes çmimeve që shpiken natë e ditë bie në sy fytyra e zakonshme e politikanëve që kanë bërë të pamundurën për Shqipërinë, apo që kanë qenë më marifetçinjtë e 2018-ës.
Gazeta "Dita": Një nga ministret e reja pi kafe me Linda Ramën, tjetra i ka zgjedhur perdet
Gazeta “Dita” ka gjetur disa arsye të ndryshme, “jo politike” të cilat mund të qëndrojnë pas përzgjedhjes së ministrave të rinj që hynë në qeverinë e Edi Ramës. Në një editorial të vetin, gazeta në fjalë shkruan se pas emrave qëndron njohja private e kryeministrit dhe asgjë më shumë. Ja disa sugjerime të gazetës për çelësin e suksesit të ministrave:
Oh, sa e mirë është tallavaja!
Grupimi “Tifozat Kuq e zi” ka akorduar sot çmimin “O Sa Mirë Me Qenë Shqiptar” për Lorik Canën. Lajmin e bën të ditur televizioni kombëtar, Top-Channel që i bën një asist edhe gazetarit folklorik Merin Mema, për të cilin shkruan se është pritur me ovacione në takimin e mbajtur me këtë rast. Madje lajmi për ovacionet ndaj Maros është më i gjatë sesa lajmi për vetë çmimin dhënë Lorik Canës.
Partia e shokut Edi...
Edi Rama, kryeministër, kryetar partie, ka sqaruar sot se çfarë është disktutuar në mbledhjen e kryesisë së saj. Zoti Rama ka pranuar se socialistët nuk janë të pagabueshëm. Dhe me gabimin në këtë rast, ai amniston fajet, përgjegjësitë penale të njërit ministër dhe një tjetri. Gabimet janë të tilla kur shpallen prej vetë këtij zotërie, pasi në raste të tjera ato janë llafe kazani.
"Edi Rama e ka kuptuar..." - del garant Sokol Balla
Sokol Balla ka publikuar sot një opinion në javanews.al që e titullon: Qeveria e re që lind për Krishtlindje.
Ballës, një gazetar që rron profesionalisht për vanitetin, i pëlqejnë frazat që “ngjisin” dhe godasin. Ndaj edhe ky titull krijon idenë se Edi Rama, kryeministri ynë i veçantë, po na bën një dhuratë shpirtërore për Krishtlinjde: një qeveri të re.
Nëse lexon panegjirikun e Ballës, atëherë shkrimi mund të riformulohej në titullin: Edi Rama e ka kuptuar.
Qeverisja e Tiranës, çështje morali. Nga 1 Marsi hiqen stripclub-et
Nga 1 Marsi në Tiranë nuk do të lejohen aktivitetet e klubeve të njohura si stripclub. Me propozim të Erion Veliajt Këshilli Bashkiak vendosi që këto aktivitete të zhvendosen në periferi apo zona të caktuara siç do të bëhet edhe me pikat e basteve.
Po ashtu për këto aktivitete licencën do ta japë bashkia e Tiranës.
"Hapje dosjesh" sipas nevojave të Pushtetit
Protagonist i seancës plenare të kësaj të enjte ishte deputeti i Partisë Demokratike, Endri Hasa, i cili qëlloi me vezë kryeministrin teksa ky i fundit fliste në foltoren e parlamentit. Incidenti prishi disi humorin e kryeministrit, i cili komentoi nga rubrika “Përgjigjia ime” gjestin e deputetit të PD-së, të cilin e quajti trim koteci.
Të tilla trima ka nga të dyja palët mjafton të kujtosh kapërcimin e Taulant Ballës mbi kordonin e policisë në Komisionin Qëndror të Zgjedhjeve, kur mandati i kryebashkiakut kalonte nga Edi Rama te Lulzim Basha.
Parodia e një proteste!
Në diskutimin e tij me studentët e Arkitekturës, kryeministri Edi Rama është përballur me një kërkesë pak “të çuditshme”.
Një prej studentëve ka deklaruar se askush prej stduentëve nuk e ka mesataren mbi notën 9 ndaj për këtë arsye duhet parë tarifimi.
Një kërkesë që pranon një problem themelor e që manifestohet si probleme që duhet të trajtohet nga shoqëria.
Është një nga ato kërkesa që e kalon topin te studentët që janë në rrugë për të kërkuar të drejta por pa qenë në gjendje të mbështetin logjikisht pretendime të caktuara.
Sa kate nuk tregon akoma Bodrumi?
Nga dje deri sot ndodhi një incident nga më tipikët, më qesharakët e mundshëm të këtij vendi. Lulëzim Basha, formalisht kryetar i Partisë Demokratike, ishte i ftuar në një emision në “Report Tv”. Aty ai këputi mufkën e radhës: Report Tv sipas tij është i kapur dhe është një lloj ERTV. Më tej ai tha se ka edhe disa ERTV të tjerë.
Abetare sa s'të dua...