Shpipëri Hesapi

Ajo çfarë po ndodh me banorët e zonës së Astirit mishëron në një episod dramatik atë kaos dhe marrëzi të këtyre 25 viteve. Aty kemi nga të gjitha krahët, por kryesisht filli ecën në një kah: dikush, dikur nga vitet ’90, apo edhe më vonë u nis drejt Tiranës me idenë për të blerë apo zënë një copë truall, për të ndërtuar një shtëpi dhe mandej për të nisur jetën nga e para. Shembulli më i qartë i një vendi pa strukturë ekonomike, pa siguri juridike dhe me një shoqëri që është në mëshirën e politikanëve që tallen. 

Opozita e përfaqësuar nga Partia Demokratike në Parlament, ka arritur në fund të fundit një fitore propagandistike: ka ngulitur idenë se qeveria aktuale ka lidhje organike me krimin. E ka bërë këtë në mënyrë metodike, të vazhdueshme, me dhe pa LSI-në në qeverisjes dhe ka patur edhe fatin e një ekipi, skandalet e të cilit nuk kanë të sosur. Megjithatë PD-ja nuk ka krijuar frymën e nevojshme për ndryshim, ndonëse së fundmi ka nisur të flasë edhe për përmbysje. Pak më herët z. Berisha fliste për revolucion, term ky që nxiste proporcionalisht acarimin parlamentar të Flamur Nokës.

Twitter-i i Mirela Kumbaros mbi dobinë seksuale të librave padiskutim do veçohet në CV-në e saj si ministre e Kulturës në një qeveri që për çështje etike, i vuri filtra vetes qëkurse erdhi në pushtet, ku dëshmi e parë e Të Qënit Ndryshe ishte Kodi i Etikës, sipas një rregulloreje të hartuar nga këshilltari i kryeministrit, Endri Fuga.

Sandër Lleshaj, zv/ministri i Brendshëm që një ditë më parë mori detyrën me kompetencat e ministrit mësohet se ka dhënë dy urdhërat e parë si titullar. Njëri për administratën dhe tjetri për Policinë e Shtetit. Nuk lidhen me luftën kundër krimit apo korrupsionit, por me luftën kundër veseve në administratë dhe ndotjes së mjedisit.

Një debat i pazakontë është konsumuar në emisionin “Opinion” mes drejtuesit Blendi Fevziu dhe deputetit të Partisë Demokratike Flamur Noka. Një ankesë e këtij të fundit për mbyllje mikrofoni ka përshkallëzuar në akuza dhe sulme ndaj Fevziut se “i bën fresk qeverisë”.

Në debat e sipër gazetari në fjalë që ka lidhje informacioni të nivelit të parë me politikën është shprehur se

fresk qeverisë i bën opozita. Ju i keni drejtuar mesazhe Fatmir Xhafës se si të hoqi etj.. Ky është turp

Paska thënë Edi Rama në librin e tij “Kurban”, një ditar politik si prej udhëtari, këshilltari dhe vëzhguesi në Shqipërinë orientale:

Qeveria dhe kryeministri Edi Rama ndodhen sot para një krize për Ministrinë e Brendshme. Teknika e menaxhimit të saj është e njohur: kopeja e portaleve leh zhurmon pafundësisht derisa të gjithë, apo një shumicë të binden se këtu është një stan bagëtish. 

Vizion Plus raporton sot se Ministria e Shëndetësisë ka vënë me detyrim kontraktual për mjekët e familjes realizimin e planit për kontrollin mjekësor bazë. Nga kontratat e siguruara nga ky televizion, rezulton se mjekëve u ngarkohet përgjegjësia që të realizojnë planin, të ndjekin check up etj., ndërkohë që ky shërbim është koncesionuar te një kompani private.

Kryeministri akuzon sot mediat se po shkruajnë se Avokatja e Shtetit, Alma Hicka është shkarkuar. Me fjalorin e tij të zakonshëm përmes të cilit zbulon veten në përpjekje për të mbuluar hallet e veta, Edi Rama shkruan se Hicka iku vetë.

Me këtë rast, si avokat i korrektesës dhe i transparencës, kryeministri ka detyrimin të sqarojë për të gjithë: pse Iku, dha dorëheqjen, e hoqën, apo të gjitha bashkë ministri i Brendshëm Fatmir Xhafaj?

Fatmiri iku. Me ndërgjegje të qetë siç tha. I qeshur si përherë. Me siguri po të shkëmbehesh në rrugë të flet njësoj si dikur kur ishte vetëm deputet. Tani ka nisur puna e mediave që të gjejnë arsyet dhe shkaqet, të shpjegojnë intrigën e pushtetit, të ndërtojnë alibitë, të rishpikin pra Shqipërinë normale. Atë që nuk ka qeder nga pisllëqet. Dhe alibia e sotme e pushtetit është se ministri i Brendshëm iku vetë. Ai dha dorëheqje sepse është njeri i lirë. Nuk a patur tensione, as përplasje në qeveri. Jo. Në kulmin e sukseseve ministri iku sepse ka parime.