Versioni zyrtar: Kacifas vrau veten me dy plumba

Postuar në 15 Shkurt, 2020 14:41

Kostandin Kacifas, shtetasi shqiptar me kombësi greke që më 28 tetor 2018 ditën e dëshmorëve të Greqisë, ka qëlluar me breshëri kallashnikovi kundër policisë shqiptare në fshatin Bularat të Gjirokastrës, sipas ekspertizës ka rezoltuar  të mos jetë vrarë nga forcat e RENEA-s, por të ketë kryer vetëvrasje. Një konstatim i tillë është kryer nga ekspertët mjeko-ligjorë të policisë shkencore por dhe gjatë hetimeve të kryera nga prokurori i Krimeve të Rënda, Njazi Seferi, dhe së fundi nga prokurorët e Gjirokastrës, ku dosja prej muajit janar 2020 është transferuar pikërisht në këtë prokurori.

Nga konkluzionet e aktit të ekspertimit mjeko-ligjor të kryer në trupin e viktimës ka rezultuar se Kacifas, ka marrë dy plumba, një në pjesën poshtë nofullës, ku plumbi nga qenë tejshkues, duke hyrë nga poshtë lart, dhe një tjetër ka në pjesën e gjoksit.

Nga të gjitha konkluzionet e ekspertizave të administruara në këtë dosje, prokurorët thonë se Kostandinos Kacifas, ka kryer vetëvrasje. Kjo pasi ekspertizat kanë qartësuar se plumbin e marrë në kokë, arma ka qënë me puthitje, duke argumentuar se ka qënë vetë Kacifas, ai që ka drejtuar armën nga vetja.

Kacifas, është rrethuar nga forcat e policisë dhe RENEA në një zonë malore në dalje të fshatit Bularat. I vënë nën presionin e policisë dhe duke mos dashur të dorëzohet, pavarësisht thirjeve të vazhdueshme me autoporlant nga negociatorët e RENEA-s,  Kacifas ka qëlluar veten duke kryer vetëvrasje. Prokurorët argumentojnë se ai ka marë dy plumba nga arma automatike kallashnikov që kishte me vete.

Pritet që në muajt në vazhdim prokuroria e Gjirokastrës të marë një vendim përfundimtar për këtë çështje, duke i kërkuar gjykatës pushimin e dosjen penale, për shkak se vetë personi Kostandinos Kacifas, i rrethuar nga policia ka qëlluar veten me automatik, duke kryer vetëvrasje.

Comments

Submitted by marko (not verified) on

E ca doni me tregu me numrin e plumbave me te cilet ka vrare veten ky shtetasi shqiptar me kombesi greke? Nuk besoni me demek?

Submitted by redaksia on

Vallahi para reformes nuk do e besonim. Por pas reformes nuk kemi me dyshime te tilla. Numri i plumbave eshte me.shume si bicim kurioziteti. Mund te ishin edhe tre, njeri dixhital. 

Submitted by Anonymous (not verified) on

Duket si autogol i qellimte! Me nje fjale, po japim nje version vetdemtues! Pse?...
Dy plumba -veshtire te besohet per vetvrasje! Aq me teper qe njeri plumb i qenka drejtuar gjoksit, (ku, ne zemer, apo ku?), dhe tjetri ne nofullen e poshteme! Goditja me plumb ne nofull nuk ndodh kurre ne vetvrasje! Njeriu ose e fut revolen ne goje, ose qellon ne temtha! Plumbi i nofulles ku ka dale?

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.