KQZ-ja heq mandatin e deputetit për Aqif Rakipin dhe Gledion Rehovicën

Postuar në 05 Janar, 2018 15:19

Komisioni Qendror i Zgjedhjeve u ka hequr mandatin deputëteve Aqif Rakipi dhe Gledion Rehovica. KQZ-ja ka votuar me 5 vota pro në favor të kërkesës së Prokurorisë, e cila kishte depozituar materiale nga Interpol Roma sipas të cilave Rakipi dhe Rehovica kanë përdorur identetitete të rreme dhe kanë marrë sende të vjedhura. Në mbledhjen e datës 3 janar, KQZ-ja kërkoi materiale shtesë për Rakipin dhe ato u vunë në dispozicion.

Vendimi është ndeshur me argumentin e avokatëve, Theodhori Sollaku dhe Ardian Visha, sipas të cilëve kërkesa e organit të akuzës nuk pajtohet me dispozitat e ligjit për dekriminalizimin, pasi Prokuroria nuk disponon as akte dënimi dhe as vendime dëbimi dhe as process hetimor.

Sidoqoftë KQZ-ja ka vendosur heqjen e mandatit për të dy, duke vendosur kështu një situatë të re përfaqësimi në Parlament.

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.