Metamorfoza e Alepos (foto, videoreportazh)

Aleppo ka pësuar një metamorfozë katastrofike gjatë luftës. Dikur  ishte një metropol i lulëzuar dhe një destinacion popullor turistik, i njohur për arkitekturën mesjetare dhe trashëgiminë  e pasur kulturore. Një nga qytetet më të mëdha në Siri dhe një nga qytetet më të vjetra të populluara në botë, i cili në vitin 2006 u shpall "kryeqytet i kulturës islame".

Çdo gjë ndryshoi kur shpërtheu lufta në mars të vitit 2011. Mijëra jetë njerëzish kanë humbur dhe mijëra të tjerë kanë ikur nga vendi. Rreth 275.000 sirianë jetojnë ende nën rrethim në Aleppo, pasi ikja nga tmerret e luftës nuk është e mundur. Lagje të tëra janë shkatërruar tashmë, ndërsa luftimet vazhdojnë. Fotot që pasojnë janë shkrepur para 2011 dhe tregojnë një Aleppo tjetër.