ukraina

Si në çdo situatë problem kryesor që do të mbetet është narrativa, ajo që njerëzit besojnë, apo qëndrimi që ata marrin. Në luftën aktuale në Rusi, krijohet ideja se vetëm një pjesë e rusëve e kuptojnë atë që Putin po bën dhe se gjithë bota ose është kundër, ose qëndron neutrale. Deri më tani, argumenti bazë që e izolon Rusinë është sulmi mbi një vend sovran, por ky argument do të qëndrojë në këmbë si pjesë e shqetësimit publik deri në momentin kur sanksionet të kenë gjeneruar një faturë e cila tejkalon shkeljen e sovranitetit të një vendi.

Ambasadori i ri britanik në Athinë, Matthew Lodge, e cilëson ndërhyrjen ushtarake në Ukrainë një "sipërmarrje e shëmtuar dhe barbare e Vladimir Putin". Në një intervistë për greken “Kathimerini”, Lodge thotë se sanksionet që Perëndimi ka vendosur deri tani mund të mos jenë të mjaftueshme, ndërsa parashikon fundin e luftës në Ukrainë me dështimin e Putinit.  

Ministrat e Jashtëm të BE-së kanë arritur një marrëveshje politike për të asistuar Ukrainën me 500 milionë euro të tjera armë dhe pajisje ushtarake.

Kryediplomati i bllokut, Josep Borrell, riafirmoi unitetin e bllokut kundër Rusisë, duke u zotuar të vazhdojë të gjitha llojet e mbështetjes për vendin e goditur, duke përfshirë mbështetjen financiare, humanitare dhe ushtarake.

Presidenti ukrainas, Volodymyr Zelenskyy, ka bërë thirrje përsëri për bisedime të drejtpërdrejta me homologun e tij rus Vladimir Putin, duke thënë se ai është gati për një kompromis për t'i dhënë fund luftës gati njëmujore që ka shkaktuar një krizë të paprecedentë refugjatësh dhe ka shkatërruar qytetet e mëdha të Ukrainës.

Zelenskyy tha të hënën se statusi i territoreve të kontestuara në lindje të vendit mund të jetë temë për debat dhe se Kievi ishte i gatshëm të hiqte dorë nga ambiciet e tij për NATO-n në këmbim të tërheqjes së forcave ruse.

E ashtuquajtura rusofobi, pas ndërhyrjes ushtarake në Ukrainë, sa vjen e zgjerohet. Këtë muaj, dirigjenti Valery Gergiev dhe sopranoja operistike Anna Netrebko ishin ndër ata që humbën punën prestigjioze në Perëndim për shkak të lidhjeve të tyre me regjimin e Vladimir Putinit.

Mediat amerikane raportojnë se në Rusi kanë nisur arrestimet e zyrtarëve të lartë për atë që Kremlini po e sheh si dështim në nismën për të vënë nën kontroll Kievin. The Wall Street Journal raporton se një komandant i lartë i agjencisë së inteligjencës të Shërbimit Federal të Sigurisë të Rusisë është vënë në arrest shtëpie.

Europa bëhet gati për rrezikun potencial bërthamor. Bashkimi Evropian ka përshpejtuar planet për të "përmirësuar përgjigjen e vendeve ndaj një incidenti të mundshëm bërthamor", duke inkurajuar vendet anëtare që të rrisin rezervat e pilulave të jodit, kostumeve mbrojtëse dhe ilaçeve të tjera. Ndërkohë, paralelisht po punohet për plane që adresojnë pasojat e mundshme të sulmeve kimike dhe biologjike.

Deri kur Europa dhe NATO do të mbeten në pozitat e spektatorit ndaj luftës në Ukrainë? Kjo është një pyetje e natyrshme që merr në konsideratë arsyet e ekzistencës së atij që quhet Perëndim dhe mënyrën sesi është postuluar parimi funksional i sigurisë kolektive. SHBA ka bërë të qartë se NATO do të ndërhyjë kur një vend anëtar i saj të cenohet, mirëpo ky qëndrim që synon të shmangë një konflikt botëror, injoron faktin se mjedisi i sigurisë infektohet strukturalisht nga konflikte të kësaj natyre si ky në Ukrainë. Për ish-këshilltarin e Sigurisë së Presidentit amerikan, Trump, H.

Kryeministri britanik, Boris Johnson, e krahason rezistencën e Ukrainës ndaj invazionit ushtarak rus me vendimin e Britanisë së Madhe për t'u larguar nga Bashkimi Evropian në vitin 2016. Johnson tha se të dy rastet tregojnë gatishmërinë e një populli për të luftuar për lirinë e tij.

"Unë e di se është instinkti i njerëzve të këtij vendi, si populli i Ukrainës, që të zgjedhin gjithmonë lirinë", tha Johnson në Konferencën e Partisë Konservatore të shtunën.

Një event që ilustron rrezikun e kthimit të situatës në Ukrainë në konfliktin më të madh mbi tokë që nga Lufta e Dytë Botërore. Me këto fjalë e përshkroi presidenti i Ukrainës tubimin e organizuar në Moskë në përjetorin e aneksimit të Krimesë.

Zelensky paralajmëroi Rusinë se vazhdimi i pushtimit do të kthehet në kosto për brezat.