Turqia

Turqia e Recep Tayyip Erdogan kërkon rishikimin e Marrëveshjes së Dejtonit të vitit 1995 që i dha fund luftës në Bosnje – Hercegovinë. Gjatë një konference për shtyp në Ankara me homologen kroate, Kolinda Grabar Kitaroviç, Erdogan deklaroi se marrëveshja e vitit 1995 nuk ka sjellë paqen.

Ankaraja duket se ka një plan alternative për të vënë dorë mbi rezervat e gazit në Egje dhe për t’i dhënë tjetër pamje gjeopolitikës së këtij rajoni. Të paktën sipas deklarimeve të kryepeshkopit Chrysostomos të Qipros, Turqia po planifikon sjelljen në ishull, konkretisht në zonën veriore që kontrollohet prej saj, 300 mijë kolonë turq për të ndryshuar balancën demografike. Sipas tij, Turqia ka për qëllim marrjen nën kontroll të të gjithë Qipros dhe jo gjetjen e një zgjidhjeje të dakordësuar me pjesën greke.

Vende si Spanja, Italia, Qipro, Greqia  dhe Turqia do të kenë çekuilibrimin më të madh të furnizimit me ujë në Evropë. Një studim i Qendrës së Përbashkët Kërkimore (JRC) të Komisionit Evropian parashikon rritje të thatësirës në këto vende. Kjo do të thotë se furnizimi me ujë i hidrocentraleve do të reduktohet dhe se përveç sektorit të energjisë do të ndikohen negativisht edhe bujqësia e transporti.

Fondacioni për Shoqërinë e Hapur (Open Society) i miliarderit George Soros njoftoi përfundimin e aktivitetet në Turqi, pas deklaratave të Presidentit Erdogan ndaj manjatit amerikan javën e kaluar.

Erdogan akuzoi Soros për mbështeje të filantropit turk Osman Kavala, i burgosur në Turqi një vit më parë me dyshimin se "sponsorizoi" protestat anti-qeveritare në vitin 2013 dhe nxiti një tjetër tentativë për grusht shtetit qnë vitin 2016, akuza që janë hedhur kategorikisht poshtë nga Soros.

Komisionieri për Zgjerimin i Bashkimit Europian, Johannes Hahn, ka deklaruar se negociatat e pranimit me Turqinë, duhen mbyllur.

Në planin afatgjatë do të ishte më e ndershme për Turqinë dhe BE-në që të ndiqnin një drejtim të ri dhe të mbyllin bisedimet e pranimit

është shprehur Hahn në një intervistë për gazetën gjermane “Die Welt”, citon “Kathimerini”.

Të njëjtin qëndrim ka shprehur më herët edhe Parlamenti Europian, ndërkohë që Austria, vendi i Hahn, ka marrëdhënie shumë problematike me Ankaranë zyrtare.

Agjencia shtetërore e lajmeve në Gjermani, Deutsche Welle, ka publikuar sot në seksionin shqip një koment të shkurtër që është botuar fillimisht në gazetën “Frankfurter Allgemeine” në të cilin i bëhet jehonë pozitive propozimit turk për një samit katërpalësh për Sirinë. Turqia ka propozuar që në datën 28 tetor, Rusia, Franca, Gjermania dhe Rusia të diskutojnë për Sirinë në formatin e krijuar në Astana. Për mediat gjermane, e mesa duket edhe për Berlinin zyrtar kjo është një mundësi e mirë: 

Ish-ministri i Jashtëm grek, Nikos Kotzias ka deklaruar se Greqia shumë shpejt do të zgjerojë ujërat e veta territoriale nga 6 milje në 12 milje në vijnë perëndimore të saj. Fjala është për vijën që nis nga ishujt e Diapontit në very të Korfuzit e deri në ishullin e Anktikytheras që ndodhet mes Peleoponzit dhe Kretës.

Nëse Shqipëria do të ishte një shtet me standarde minimale do të ishte duke trajtuar sot nevojën për trajtimin e raporteve ndërshtetërore me dy shtete: Turqinë dhe Greqinë.

Turqia ofrohet të ndihmojë Shqipërinë jo vetëm në çështje të ekonomisë, por edhe në sistemin e edukimit. Kjo u përmend nga ministri i Jashtëm  Çavuşoğlu gjatë një takimi në Tiranë të dy Dhomave të Tregëtisë e Industrisë, ndërsa u konfirmua më vonë në konferencën me ministrin Bushati ku shefi i diplomacisë turke premtoi hapje shkollash dhe universitetesh turke në Shqipëri.

Këshilltari i Presidentit amerikan për Sigurinë, John Bolton, ka deklaruar se kriza në  marrëdhëniet me Turqinë mund të mbarojë në çast nëse Ankaraja do të lëshojë patorin Andrew Brunson. 
Bolton bëri komente rreth kësaj çështjeje gjatë një interviste për Reuters në Izarel, ku ndodhet për vizitë. 

Qeveria turke bëri një gabim shumë të madh duke mos e lëshuar pastorin Brunson

është shprehur Bolton.