trump

Ish-Sekretari i Shtetit, Henry Kissinger, deklaroi gjatë një fjale në universitetin e Oslos se paragjykimi mbi Donald Trump dëmton analizën objektive dhe nxit keqkuptimet. Ai ka bërë thirrje që debate të përqendrohet mbi politikat amerikane, e jo mbi retorikën e fushatës elektorale. Duke pranuar se një njeri si Donald Trump nuk ka precedentë në historinë politike moderne amerikane, Kissinger apeloi që “administratës së re i duhet dhënë një shans që të vërë në jetë vizionin e vet".

Revista gjermane “Der Spiegel” shkruan në numrin e saj të datës 10 dhjetor për një lëvizje në rreth të ngushtë mes drejtuesve europianë për të rishikuar strategjinë e mbrojtjes bërthamore. Sipas revistës që citon diplomatë, drejtuesit europianë nuk e kanë përmendur idenë në asnjë prej takimeve të NATO-s, duke këmbëngulur që çështja të qëndrojë me çdo kusht larg debatit publik. Kjo nismë ende në embrion, ka marrë udhë nga fitorja e Donald Trump dhe qasjet e tij për të rishkuar de facto kontratat e anëtarësisë në Aleancë.

Donald Trump fitoi. Dhe fitoi zgjedhjet duke patur kundër të gjithë. Një pjesë e establishmentit që mendonte se do ta kalonte lehtë, është zhgënjyer shumë nga populli amerikan, të cilit duket se nuk i thotë dot hapur që “nuk mbush”. Kështu që u gjet teza se zgjedhjet u afektuan nga lajmet false dhe nga propaganda ruse. Por ky establishment ka vesin se nuk zhgënjehet asnjëherë nga vetja, nga dështimi i vet.  

Paralajmërim të rreptë në adresë të SHBA-ve dërgoi presidenti i Iranit Hassan Rouhan lidhur marrëveshjen për programin bërthamore pas deklaratave të James Mattis i cili pritet të marrë detyrën e Sekretarit të Mbrojtjes, në administratën e ardhshme amerikane.

“Presidenti Trump është njeri i zgjuar dhe do t’i kuptojë shpejt përgjegjësitë e veta”. Kështu u shpreh presidenti rus, Vladimir Putin, gjatë një interviste dhënë në Vladivostok. Putin ka shtuar se përpjekjetër krijimin e një bote një polare dështuan. Kjo e fundit një një ide që ndahet edhe nga Henry Kissinger, personalitet në fushën e politologjisë dhe marrëdhënieve ndërkombëtare, sipas të cilit ShBA-të duhet të pranojnë realpolitikën dhe një botë të rajoneve gjeopolitike.

James Mattis një ish-marin i cili ka shërbyer në Irak dhe Afganistan është zgjedhur sekretar mbrojtjeje. Lajmi është dhënë nga presidenti i zgjedhur Donald Trump i cili ka nisur një tur për të falenderuar qytetarët amerikanë që e zgjodhën në krye të shtetit.Mattis i njohur ndryshe si Mad Dog, ose qeni i cmendur ka qënë një nga kritikuesit kryesor të politikës së jashtme të Obamës në Lindjen e Mesme, sidomos në Iran.

Çështja e zgjedhjeve është rihapur në Shtetet e Bashkuara të Amerikës pas një kërkese për rinumërim të Jill Stein e të gjelbërve në Wisconsin. Lajmi ishte se Stein mblodhi shumë shpejt para për një kohë shumë të shkurtër, rreth 6 milionë dollarë, për të mbështetur kostot e rinumërimit. Ata që mbështesin kandidaten Stein flasin se këtu është fjala më tepër për parimet sesa për të ndryshuar diçka në rezultat. Stein dhe Gary Johnson morën gjithësej 7 milionë vota në planin kombëtar, por në Wisconsin, sikurse në disa shtete të tjera, diferenca mes dy kandidatëve kryesorë ishte shumë e vogël.

Një lajm “pa rëndësi” qarkulloi sot edhe në disa media shqip. Donald Trump anulloi një intervistë me gazetën e njohur “New York Times”. Arsyet i dha vetë presidenti i zgjedhur i SHBA-së, i cili përmes dy postimeve në twitter ka sqaruar ndjekësit se: “Kushtet dhe termat [e takimit] u ndryshuan në minutën e fundit.  Aspak mirë”.

Në një postim të dytë ai shton: “Mbase një takim i ri do të caktohet me New York Times. Në ndërkohë, ata vazhdojnë t’i mbulojnë ngjarjet e mia në mënyrë jo korrekte dhe me një ton të ndyrë”.

Presidenti i zgjedhur i SHBA-së, Donald Trump ka publikuar një video mbi urdhërat ekzekutivë që do të japë 100 ditët e para. Trump thotë se puna e tij bazohet në një parim të thjeshtë bazë: Amerika në plan të parë. Ai ka deklaruar se do të njoftojë tërheqjen nga Pakti për Tregëtinë e Transpaqësorit. “Marrëveshjet bilaterale tregëtare do ta zëvendësojnë atë”, shtoi Trump.

Ndryshim rreegulloresh për energjinë dhe një mbikëqyrje më e madhe ndaj sulmeve kibernetike ndaj infrastrukturës. Kjo e fundit është një masë që çon tek akuzat se Rusia ka vepruar kundër SHBA në këtë drejtim.