rusia

Paul Schwartz, ekspert dhe bashkëpunëtor i Qendrës për Studime Ndërkombëtare dhe Strategjike ka dhënë një intervistë për “European Western Balkans” në të cilën vë theksin te roli në rritje i Rusisë dhe mundësitë e destabilizimit të rajonit. Skenarët që janë hedhur së fundmi për nëj Ballkan që merr sërish flakë janë shumë, por teza ruse është këmbëngulëse në shumicën e analizave që duhet thënë se kanë një predispozitë për të kërkuar te prezenca e Moskës një problem sigurie.

Marijana Toskoviç, një agjente e pasurive të patundshme në Mal të Zi, ka arsye për të qenë kundër hyrjes së vendit të saj në NATO. Ajo varet nga klientët nga Rusia për më shumë se gjysmën e të ardhurave të saj, teksa qeveria ruse po u kërkon qytetarëve të saj që të mos udhëtojnë në Mal të Zi.Opozita kërkon ta bashkojë Marijanën me pothuajse gjysmën e qytetarëve të ish-republikës së Jugosllavisë, të cilët sipas sondazheve  janë të ndarë për bashkimin me aleancën ushtarake, duke pasur parasysh historinë e hidhur të konflikteve në Ballkan.

Ministri i Jashtëm i Shqipërisë, Ditmir Bushati hedh poshtë zërat se faktori shqiptar në Ballkan po ecën sipas një axhende që nënkupton Shqipërinë e Madhe. Në një intervistë për të përditshmen kosovare “Koha Ditore”, Bushati e mbështet qëndrimin e tij në argumentin se shqiptarët janë në pjesën dërrmuese properëndimorë dhe se çdo aspiratë e tyre lidhet me Bashkimin Europian.

Shkarkimi i kreut të FBI-së, James Comey, nuk po kalon aq lehtë sa ndoshta presidenti Trump mendonte. Pakkush beson se shkarkimi i tij nuk lidhet me hetimin e FBI-së për marrëdhëniet me Rusinë gjatë zgjedhjeve, ndërkohë që vetë akti po vlerësohet si i dëmshëm në raport me demokracisë amerikane.

Ligji për sanksionet e SHBA ndaj Koresë së Veriut kanë tensionuar edhe njëherë marrëdhniet ruso-amerikane. Siç raportohet në ligj SHBA I jep të drejtë vetes që në kuadër të sanksioneve, të inspektojë portet kineze, iraniane, ruse dhe siriane. Për pjesën e Rusisë ky lloj autorizimi përfshin portet e Nakhodka, Vanino dhe Vladivostok. Ky përshkrim ka sjellë reagimin e kreut të Dhomës së Lartë të Dumës ruse, Konstandin Kosachev, që deklaroi se shpreson që ky ligj të mos zbatohet, pasi ai do të thotë deklaratë lufte”.

“Albanian Daily News” i ka marrrë një intervistë zv.ministrit të Jashtëm të Rusisë, Grigory Karasin. Ai pyetet gjerëisht për marrëdhëniet e Rusisë me Perëndimin, situatën në Europë, Ukrainë, Ballitik dhe Poloni. Karasin shpreh pikëpamjet ruse në këtë drejtim, për t’u ndalur në një koment edhe për marrëdhëniet shqiptaro-ruse, që janë të pazakonta.

Fronti Nacional në Francë po goditet me të gjitha mjetet e mundshme legale pasi një fitore e mundshme e zgjedhjeve presidenciale nga Le Pen, do të thotë pasiguri totale për BE. Gazeta “Euobserver” raporton sot për një investigim të kryer nga media franceze sipas të cilit Fronti Nacional ka përfituar 11 milionë € nga Rusia, përmes skema e të ndërlikuara të transferimit të parave. Transferat janë kryer përmes Qipros nga banka apo fonde të lidhura me Kremlinin.

Presidenti sirian, Bashar al - Assad ka deklaruar gjatë një interviste për agjencinë ruse të lajmeve “Sputnik” se ndërhyrja me trupa tokësore nga Rusia në Siri nuk përjashtohet.

“Ndoshta në të ardhmen, nëse armiqtë tanë dhe mbështetësit e tyre, terroristët e tyre, ushtarët që bëjnë punën e tyre, e ndryshojnë strategjinë dhe sjellin më shumë terroristë nga bota...mund të na nevojitet mbështetje tokësore nga Rusia. Nuk mendoj se tani ka nevojë për trupa tokësore”, tha presidenti sirian.

Ambasadori rus në Tiranë, Aleksander Karpsuhin, ka dhën para dy ditësh një intervistë për emisionin “Diplomaticus” në Neës24. Ai ka folur për situatën në Siri, goditjet e SHBA dhe presidentin Assad. Sipas Karpushin, Moska sheh te rrëzimi i Assad me forcë, kalimin e Sirisë në skenarin libian, që do të thotë shpërbërje. Ambasadori ka folur edhe për situatën në Maqedoni, duke kërkuar të sqaroj qëndrimet e Moskës zyrtare për Platformën e Tiranës. Më poshtë komenti i ambasadorit, që është në fakt një kundërshtim i deklarimeve të qeverisë shqiptare në këtë drejtim(minuta 22:50):

Politika e Jashtme amerikane e këtyre dy dekadave ndodhet nën një sulm të vazhdueshëm argumentesh që kanë autorsëinë e Kremlinit zyrtar. Goditja e Serbisë në vitin 1999 po përdoret në vijimësi nga Rusia si pika kulmore e kërcënimit të rendit ndërkombëtar të pas Luftës së Dytë Botërore nga veprimet e njëanshme dhe jashtë mandatit të OKB-së. Duke bashkuar këtë qasje me krizën e reagimit të SHBA-së në Siri, ministri I Jashtëm rus, Sergei Lavrov, nuk ka munguar të kthejë konferencën e përbashkët për shtyp me sekretarin amerikan të Shtetit, Rex Tillerson, në një moment leksioni.