rusia

Sot 99 vjeç, Henry Kissinger mbetet ende njëfarë orakulli në fushën e marrëdhënieve ndërkombëtare. Ish-sekretari amerikan i Shtetit ka këshilluar të gjithë ata që janë ulur në tryezën e presidentit në Shtëpinë e Bardhë që nga Kennedy e këtej. Një nga shkrimet e tij mbi Ukrainën, edhe pse i përket vitit 2014, është sërish aktual.

Franca dhe Gjermania vijojnë të jenë në kontakt të drejpërdrejtë me Rusinë, në përpjekje për t’i dhënë konfliktit me Ukrainën një zgjidhje diplomatike. Presidenti Putin ka zhvilluar një bisedë telefonike me homologun francez, Emmanuel Macron, dhe kancelarin gjerman, Olaf Scholz.

Pasi lufta në Ukrainë ka nisur dhe pasi Europa është para faktit të katastrofës humanitare dhe ekonomike nëse ajo vazhdon, një ndër zyrtarët e lartë të BE-së, kreu i politikës së jashtme të Unionit, Josep Borrell, ka pranuar disa gabime.

Rusia pretendon se "grupe radikale ukrainase", të kontrolluara nga shërbimet speciale të Shteteve të Bashkuara, kanë përgatitur disa akte provokimi me "lëndë kimike toksike" në përpjekje për të fajësuar Moskën për përdorimin e dyshuar të "armëve kimike kundër popullatës civile".

Rusia duhet t’i përgjigjet me pragmatizëm sanksioneve dhe bllokadës tërësore që po i bën Perëndimi.

Lufta në Ukrainë ka provokuar masa absurde dhe që priren të provokojnë ndarje afatgjata në një botë që presupozohej se ishte e ndërlidhur. Së fundmi, Meta, konglomerati që drejton Facebook dhe Instagram, ka lejuar thirrjet për dhunë dhe vdekjen e ushtarëve rusë të inkuadruar në njësitë që luftojnë në Ukrainë, duke provuar kështu se deri ku mund të shkojë radikalizimi i atij që pretendon se është sistemi i demokracive liberale.

Ish-kancelari gjerman, Gerhard Schröder, është mediatori i radhësnë Moskë. Ai ka udhëtuar drejt kryeqyteti rus për të takuar presidentin Vladimir Putin në përpjekje për të ndërmjetësuar fundin e luftës në Ukrainë.

Siç bën të ditur Politico.eu, ata janë takuar të enjten në mbrëmje, por detaje mbi atë çfarë është arritur nuk ka ende.

Takimi mes dy ministrave të jashtëm, atij të Rusisë, Sergey Lavrov dhe atij të Ukrainës, Dmitry Kuleba, ka prodhuar të paktën një zhvillim pozitiv: mundëisinë e një takimi mes dy presidentëve, Purtin dhe Zelenskiy. Pas takimit të mbajtur nën ndërmjetësimin e Turqisë, Lavrov ka thënë ndër të tjera se:

Agresioni ushtarak i Rusisë tregoi se marrëveshjet mund të rezultojnë pa vlerë edhe nëse mbajnë firmën e superfuqive. Në një intervistë për gjermanen Die Zeit, presidenti ukrainas, Volodymyr Zelenski, duke iu referuar Memorandumit të Budapestit, thotë se ndëshkimi i Rusisë nga Perëndimi është e vetmja mënyrë për të rikonfimruar legjitimitetin e traktateve ndërkombëtare. Lidhur me kërcënimin bërthamor, Zelensky thotë se Putin po luan blofin, pasi do të ishte vetëvrasje.