reforma ne drejtesi

Kryeministria ka reaguar sot pndaj padisë që Partia Demokratike ka depozituar ndaj kryeministrit Edi Rama lidhur me çështjen e fotos me Barack Obamën dhe pretendimin se për të janë paguar 80 mijë dollarë. Padia e ka vënë praktikisht nën hetim kryeministrin që sot është kundërpërgjigjur sërish me thirrjen për reformën në drejtësi.

Zv. Presidenti amerikan Joe Biden do të jetë në Tiranë më 26 gusht. Kështu shkruan “Vizion Plus” që e lidh vizitën me reformën në Drejtësi. “Nëse ajo miratohet, burimet thanë se zv/presidenti Biden, do të japë shpërblesën për palët që punuan për kalimin e amendimeve kushtetuese. Por nëse ajo dështon, atëherë mesazhi i tij, pritet të jetë edhe më ndëshkues për faktorët politikë”, raporton VP. Vizita paraprihet nga ajo e ndihmës sekretares së Shtetit, Victoria Nuland më 10 korrik të këtij viti.

Shqipëria rrezikon edhe heqjen e statusit të vendit kandidat për në Bashkimin Europian nëse nuk miratohet reforma në drejtësi. Ky skenar është artikuluar për herë të parë sot nga Kryetari i Komisionit për Çështjet Europiane në “Bundestag”, Gunther Krichbaum.

Lëvizja Socialiste për Integrim ka përjashtuar nga Grupi i saj Parlamentar, deputetin e Dibrës, Përparim Spahiu. “Grupi parlamentar i LSI vendosi përjashtimin e deputetit Përparim Spahiu si anëtar i grupit parlamentar të LSI për shkak të qëndrimeve personale të përsëritura të cilat nuk kanë qenë në pajtim me vendimet e Kryesisë dhe grupit parlamentar të LSI.

Përparim Spahiu i Lëvizjes Socialiste për Integrim është bërë sot lajm. Një status i tij në rrjetet sociale, ku ai shprehte kundërshtimin për statusin e misionit të Monitorimit për procesin e Vetingut për gjyqtarët, e ka vënë deputetin e LSI-së në një situatë presioni mediatik. Spahiu shprehej se fakti që vetingu do të bëhet nga të huajt është çështje e sovranitetit, por kjo është cilësuar nga partia e Ilir Metës si një deklaratë personale. Disa raportojnë edhe se Spahiu mund të përjashtohet nga Grupi Parlamentar!!!

Reforma në drejtësi nuk po gjen dot rrugën e miratimit pavarësisht numrave të shumtë me blerje vote që po tentohen nga shumica qeverisëse. Nga ana tjetër një reformë e votave të blera është e cenuar në planin e legjitimitetit të vet, pasi nis me gap të gabuar një proces që shpallet si shërues i sistemit. Deputeti i Partisë Socialiste, Pandeli Majko, bën një propozim që e deklaron si “opinion personal”. “Opinioni im personal është që le te shkojmë në zgjedhje dhe në referendum së bashku në një ditë.

"Zgjedhja e presidentit nga populli është propozim i duhur por është i vonuar e me sa duket i pamundur për t'u arritur”. Kështu mendon juristi Çlirim Gjata i cili propozon gjithashtu edhe senatin. Madje ai propozon një reformë të plotë kushtetese. Në një intervistë për TemA TV, Gjata flet edhe për rolin e ndërkombëtareve në procesin e Reformës në Drejtësi, të cilin e konsideron të dështuar.

Kryetari i Partisë Demokratike, Lulzim Basha, duke përsëritur kushtin e panegociueshëm të opozitës për Reformën në Drejtësi, deklaroi sot se nëse shumica do veprojë njëanshëm duke provokuar destabilitet, demokratët do të kërkojnë votën e shqiptarëve në zgjedhjet e ardhshme për të realizuar reformën në drejtësi të pakapur nga Rama. “Platforma jonë është rruga e daljes nga kriza e gjithanshme. Jemi të bashkuar në vlera dhe në zgjidhje. Shqipëria do të ketë një sistem zgjedhor të lirë dhe të ndershëm. Pyetja është a do t’ia dalim bashkë me sovranin sot?

Nuk është më sekret që për reformën në drejtësi ka ndasi edhe brenda vetë shumicës qeverisëse. Një shembull që e provon këtë, por edhe faktin se LSI-ja e Ilir Metës po luan në situatën trepolare si faktor që mban opozitën të angazhuar në skenarin e saj të “Nenit 88”, është shtyrja e përfshirjes së draftit në kalendarin e punimeve të Kuvendit. “Administrata e Kuvendit të Shqipërisë nuk e ka pranuar kërkesën e Partisë Socialiste për ta çuar nismën kushtetuese nga Komisioni i posaçëm për Reformën në Drejtësi direkt në seancë plenare.