protesta

Një protestë është zhvilluar sot para Ministrisë së Energjetikës. Ajo është organizuar nga banorë të Tropojës dhe aktivistë të shoqërisë civile që kundërshtojnë ndërtimin e hidrocentraleve në Valbonë. “Komuniteti është kundër këtyre hidrocentraleve sepse shkatërrojnë natyrën, cenojnë ekonominë dhe zhvillimin e turizmit. Sot kërkojmë të anulohen këto projekte, të ruajmë identitetin e Parkut Kombëtar si dhe të investojmë në zhvillimin e ekoturizmit”, thonë aktivistët. Qeveria ka dhënë disa kontrata konçesionare në Valbonë, pa pyetur për dëmin që shkaktohet në mjedis.

Prokuroria e Tiranës ka nisur procedim penal për protestën e dy ditëve më parë të organizuar nga Bashkia e kryeqytetit pranë selisë së Gjykatës Administrative. Përmes një njoftimi zyrtar bëhet e ditur se, organi i akuzës e ka ndërmarrë nismën e tij për veprat penale “organizim të manifestimit të paligjshëm” dhe “kanosje e fyerje ndaj gjyqtarëve”. Sipas njoftimit, Prokuroria e Tiranës ka kërkuar sekuestrimin e pamjeve filmike të protestës së 11 majit, të transmetuara në televizione.

Presidenti i Republikës, Bujar Nishani ka paditur kryetarin e Bashkisë së Tiranës, Erjon Veliaj, për shpifje të konsumuara gjatë një interviste televizve. “Natyrisht që një njeri, kushdoqoftë ai, që vjedh, ka vetëm një emër, hajdut. Dhe unë besoj se shqiptarët nuk mund të kenë në krye të shtetit një hajdut. Hajduti e ka vendin në qeli. Prandaj kjo është një çëshjte që i kalon që sot drejtësisë. Drejtësia ka për qëllim ose të vërtetojë akuzat e Presidentit si hajdut ose përdhosësi të përballet me ligjin.

Kryeministri në detyrë i Serbisë, Alexander Vuçiç, ka paralajmëruar përmes një konference të jashtëzakonshme, se situata në Republikës Srpska, pjesë e Bosnje Hercegovinës, ka gjasa të destabilizohet. Vuçiç ka shprehur shqetësim për mbajtjen e protestave të njëkohëshme nga opozita dhe nga partitët qeverisës më 14 maj,  çka sinjalizon konfrontim. Vuçiç e ka lexuar këtë sitautë në kontesktin e interesave të Serbisë, e cila prej disa kohësh po përpiqet të riinstalojë imazhin e paqebërësit në Ballkan. “Paqja dhe stabiliteti janë kushtet pa të cilat Serbia nuk mund të ecë përpara.

“Eshte e papranueshme te sulmohet uniforma e Policise se Shtetit, qofte edhe nga nje grua, por absolutisht edhe me e papranueshme dhe e patolerueshme te reagohet fizikisht, sidomos ndaj nje gruaje Kam kerkuar pezullimin e menjehershem te punonjesit e policise dhe lirimin e tij nga detyra Policia qe duam nuk mund te jete kjo qe na treguan pamjet e konfliktit mes punonjesit te policise dhe nje qytetareje. Cdo punonjes policie duhet ta dije kete dhe kushdo e harron nuk do te tolerohet ne asnje rast e per asnje arsye”.

Situata në Irak është përkeqësuar ndjeshëm ditën e sotme, teksa aktivistë myslimanë shiitë kanë hyrë në parlament dhe kanë kërkuar ndryshimin e qeverisë. Protestuesit janë mbështetës të klerikut Moqtada Sadr të cilët ia dolën të çajnë barrikdata në atë që njihet si Zona e Gjelbër. Qeveria ka deklaruar gjendjen e Jashtëzakonshme në Bagdad, ndërkohë që vetë Sadr ka bërë të qartë se kërkon një ndryshimi qeverie me kryeministirn aktual Haider al-Abadi dhe ministra teknokratë. Këto kërkesa nuk janë marrë parasysh nga partitë parlamentare.

Po shkohet drejt një bote politike me natyrë përherë e më shumë policore. Aparati represiv i shteteve kryesore po njeh financime të mëdha, tashmë jo vetëm në përmbushje të objektivave ushtarakë, apo të Politikës së Jashtme, por edhe në funksion të përmbajtjes, kontrollit dhe dominimit të tensioneve sociale që sa vijnë e bëhen problematike. Një raport i realizuar nga “sandlerresearch.org” jep disa vlerësime për atë që quhet Tregu i Sistemit të Kontrollit të Protestës Globale, që për periudhën 2016-2020, mendohet të rritet me 5.3%.

Ky është titulli që media shtetërore gjermane “Deutsche Welle” ka zgjedhur për të përkufizuar një aspekt të situatës politike në Maqedoni. Një titull i vendosur në seksionin shqip të medias në fjalë, që shkon si mesazh për shqiptarët e Shqipërisëe të cilët emigrojnë në vend që të protestojnë. Protesta është rruga e vetme për të mbyllur rubinetin e marrëzisë dhe paaftësisë që po i likujdon perspektivën një vendi të tërë. Njësoj si në Maqedoni, me gurë, thyerje xhmash, përplasje, gjithnjë me synimin për të marrë atë që kriminelët që janë në Parlament ia kanë grabitur Publikes.

Maqedonia është në një gjendje destabilizimi por kësaj radhe jo për shkak të tensioneve ndëretnike, por si pasojë e kthimit të shtetit në shërbim të korrupsionit. Akti i Presidentit George Ivanov për të amnistuar të gjithë politikanët e përfshirë në manipulime zgjedhore ka provokuar reagime të cilat sot kanë mbërritur deri në zyrën e tij e cila është djegur.

Më poshtë disa pamje:

Lëviz tregu në Tiranë, lëviz edhe në qytete të tjera. Bëhet parkimi me pagesë në Tiranë, pak javë më pas e njëjta gjë ndodh edhe në qytete të tjera. Rritet çmimi i ujit në Tiranë, kjo gjë me siguri do të ndodhë edhe në qytete të tjera të Shqipërisë, siç ndodhi së fundmi në Sarandë. Kjo pa asnjë nevojë konkrete dhe reale, thjesht sepse Tirana është modeli që socialisti i modës, Erjon Veliaj, imituues i verbër dhe profesionist i Edi Ramës, rrezaton edhe në mendjet e kryetarëve të bashkive socialiste nëpër Shqipëri.