ekonomi

Popullsia në moshë pune në Itali është në rënie të vazhdueshme dhe deri në vitin 2050 pritet të bjerë me gati gjashtë milionë.

Rënia e numrit të lindjeve dhe plakja e popullsisë nga njëra anë dhe kërkesat e kompanive për profile me aftësi që janë të vështira për t'u gjetur po bën që shkalla e vendeve të lira të punës të rritet.

Vendlindja e revolucionit industrial ka nevojë urgjente për inovacion. Pengesë janë bërë bankat e ngarkuara me hipotekë të Britanisë.

Britania - shpikësi i sistemit të fabrikës, motorit me avull dhe hekurudhave - është në ballë të një ngadalësimi të produktivitetit global të shekullit të 21-të. Rritja e produktivitetit në Britani ose prodhimi për orë pune, është përgjysmuar që nga kriza financiare, duke bërë që disa politikëbërës ta quajnë këtë epokë dekada e humbur e Britanisë. Ndër shtatë ekonomitë më të mëdha të zhvilluara në botë, vetëm Italia ka ecur më keq.

Rusia ka përllogaritur se Bashkimi Europian ka humbur të paktën 1.5 trilion dollarë që pas vendosjes së sanksioneve ndaj saj. Zëvendësministri i Jashtëm rus, Aleksandr Grushko, e bëri të ditur shifrën gjatë Forumit Ekonomik Euroaziatik në Uzbekistan.

"Të gjitha humbjet që BE-ja pësoi për shkak të vendosjes së sanksioneve dhe vendimeve për të kufizuar bashkëpunimin me Rusinë kanë arritur, sipas një vlerësimi konservativ, rreth 1.5 trilion dollarë," u tha Grushko gazetarëve.

Ishte planifikuar që kompania koncensionare e shërbimit të dializës të investonte mbi 4.2 milionë euro në infrastrukturë dhe pajisje mjekësore, e megjithëse kanë kaluar mbi 7 vjet nga firmosja e kësaj kontrate, këto investime nuk janë bërë realitet.

Në një raport për periudhën 2020-2022, Kontrolli i Lartë e Shtetit rendit disa shkelje që vijnë si pasojë e mosrespektimit të kontratës koncensionare, të cilat lidhen edhe me mungesën e shërbimit të dializës për pacientët që vuajnë nga problemet në veshka, nëse nuk janë në stadin më të rënduar të sëmundjes.

Aksionet e "Siemens Energy" kanë rënë në mënyrë drastike pasi u mor vesh se kompania gjermane, një nga prodhuesit më të mëdhenj në botë për turbinat e energjisë nga era, ishte në bisedime me qeverinë për të shmangur falimentin.

Siemens Gamesa ka kërkuar një garanci prej 15 miliardë euro nga qeveria gjermane, pasi defektet në modelet e reja të turbinave çuan kompaninë në humbje.   

Shqipëria ka dalë zyrtarisht nga lista gri e Komisionit Europian për pastrimin e parave.

Lajmin e dha këtë të premte ministri i Financave, Ervin Mete, gjatë një konference për shtyp bashkë me shefen e misionit të FMN në vendin tonë dhe guvernatorin e Bankës së Shqipërisë, Gent Sejko.

Sapo është marrë vendimi nga FATF, që Shqipëria të dalë nga lista gri apo njohur ndryshe si monitorimi i shtuar. Vendimi i marrë sot vjen si pasojë e progresit të shtuar nga vendi ynë në zbatimin e rekomandimeve.

Borxhi i bizneseve ndaj Institutit të Sigurimeve, ka arritur në 17 milardë lekë në fund të vitit 2022.

Në raportin e auditimit të Kontrollit të lartë të shtetit, për periudhën 2021-2022, trendi i detyrimeve të prapambetura në Institutin e Sigurimeve Shoqërore shkon drejt rritjes, borxhe të cilat i përkasin mbi 109 110 subjekteve debitorë.

Në raport thuhet se 58% e debitorëve janë subjekte juridikë dhe 38% biznese të vogla.

Grekët kanë shpenzuar 22.7 miliardë euro për lojërat e fatit përgjatë tetë muajve të 2023. Sipas të dhënave të mbledhura nga Komisioni Helen i Lojërave (EEP), të cilave u referohet Kathimerini, lojtarët humbën 1.7 miliardë euro në një periudhë tetëmujore.

Turqia do të zgjasë përtej tre muajve të parashikuar fillimisht ndalimin e eksportit të vajit të ullirit. Prodhuesit njoftuan se kërkesa është në rënie dhe paralajmëruan rritje të çmimit për vajin e prodhuar këtë sezon. Kufizimi nuk prek eksportin e vajit të ambalazhuar dhe të paketuar, por lidhet vetëm me vajin e ullirit me shumicë dhe me fuçitë. Vitin e fundit ka pasur një rritje të kërkesës për ullinjtë dhe vajin e prodhuar në Turqi. 

Kundërshtimi i Austrisë për pranimin e Rumanisë në zonën Shengen është implikuar në ndërtimin e një gazsjellësi. Neptun Deep, një fushë gazi në brigjet e Rumanisë, pritet të pompojë 10 miliardë metra kub gaz në vit që nga viti 2027. Pronare e një pjese të fushës së gazit është kompania austriake energjetike OMV.

Kryeministri rumun, Marcel Ciolacu, ka lënë të kuptohet se qeveria nuk do të kalojë një ligj që lidhet me gazsjellësin nëse Austria nuk heq veton për pranimin e vendit të tij në Shengen.