Demokracia e Re

Një sondazh i fundit i kryer në Greqi nga “Rass”, për llogari të gazetës “To Paron” jep të dhëna se opinioni grek po kthehet djathtas. Sipas këtij sondazhi Demokracia e Re kryeson aktualisht me 26.2%, ose 2.8% pikë më shumë sesa Syriza e kryeministrit Alxis Tsipras që merr 23.4%. Partia Komuniste dhe Agimi i Artë vijnë në vend të tretë me nga 6.4%, ndërkohë që Grekët e Pavarur të Kamenos, kanë rënë në 2.8% duke mos arritur kutoën e hyrjes në Parlament. Me sa duket veprimet e Tsipras që ia doli të premtonte gjithçka e të bënte të kundërtën, po japin shenjat e para të pakënaqësisë. 

Eksperimentit me Aleksis Tsipras duket se po i vjen fundit. Zhgënjimi i grekëve po i jep kohë opozitës konservatore të ridimensionohet në një kohë të shpejtë.Demokracia e Re ka zgjedhur liderin e ri të saj pas dorëheqjes së ish-kryeministrit Samaras dhe drejtimit provizor të opozitës nga Vangelis Meimarakis. Kryetari i ri i Demokracisë së Re te do të jetë Kyriakos Mitsotakis, djali i ish-kryetarit dhe ish-kryeministrit Konstandinos Mitsotakis.

Adonis Georgiadis është kandidat për të drejtuar Demokracinë e Re në Greqi. Komiteti zgjedhor në këtë parti e rishikoi vendimin për të mos pranuar kandidimim e tij për shkak të vonesave proceduriale. Georgiadis shihet si kandidat për kryetar dhe siç shprehet vetë “ai nuk ka oponentë në parti”. Në një prononcim për mediat, Georgiadis u shpreh se nëse zgjidhet ai do të ketë kundërshtarë vetëm Syrizan dhe Tsipras që do t’i mundë.

Kanë surpizuar sërish grekët me preferencat e tyre elektorale në prag të zgjedhjeve të parakohshme të 20 shtatorit. Syriza që deri para pak javësh dukej e pathyeshme pas fitores bindëse në referendumin për masat shtrënguese, tashmë në sondazhe renditet parti e dytë me një diferencë shumë të lehtë me Demokracinë e Re. Në sondazhin më të fundit të kryer për llogari të kanalit televiz Mega, Demokracia e Re që tashmë udhëhiqet nga ish-ministri i Brendshëm mbledh 25.%3 për qind të preferencave të grekëve kundrejt 25% për qind të Syrizas.