bota

Lidershipit të rrëmujshëm të Boris Johnson në krye të qeverisë britanike i shtohen edhe disa komente aspak pozitive për presidentin francez. Ish-drejtori i komunikimit në Downing Street, Guto  Harri, zbulon në një podcast të ri detaje të bisedave informale të ish-kryeministrit, njëkohësisht një nga figurat kryesore të lëvizjes Vote Leave, që i parapriu daljes së vendit nga BE-ja.   

Bashkimi Evropian do t’i bashkohet Konventës Evropiane për të Drejtat e Njeriut, një traktat i vjetër që përcakton standardet e të drejtave të njeriut, i ratifikuar nga 46 vende evropiane.

Njoftimin e bënë presidentja e Komisionit Evropian, Ursula von der Leyen, dhe Presidenti i Këshillit Evropian, Charles Michel, në një konferencë të përbashkët të mbajtur gjatë samitit të Këshillit të Evropës në Reykjavik, Islandë.

Gatishmërisë së Britanisë për t’i dërguar Ukrainës raketa me rreze të gjatë veprimi, Rusia i është përgjigjur me kërcënimin e një përgjigjeje ushtarake.

Sekretari britanik i mbrojtjes, Ben Wallace, njoftoi se Ukrainës do t’i jepen raketa "Storm Shadow", për të cilat ka raportime sa kanë arritur tashmë në destinacion, raporton Sky News.

"Kur i thërret Atdheu, kadetët marrin armët pa hezitim dhe ngrihen për të mbrojtur tokën e tyre amë". Kjo është diçitura e njërës prej fotove të njësisë ushtarake Cascade, e cila mbledh politikanë rusë të karrierës dhe fëmijët e tyre në moshën e ushtrisë. Në kanalin e saj në Telegram, Njësia OBTF Cascade ka plot video që tregojnë dronët rusë që bombardojnë, ndërsa në sfond luhet muzikë metal. Fotot tregojnë ushtarë të përgatitur fizikisht e të pajisur mirë.

Por realiteti në front është krejt tjetër nga ai që ata i tregojnë botës.

Gjuhëtari Noam Chomsky ka qenë shpesh kritik i zëshëm i politikës së jashtme. Për herë të parë, në vitin 1967, eseja e tij «Përgjegjësia e intelektualëve» botuar në New York Review of Books, akuzoi klasën intelektuale amerikane se po u jepte tone të buta veprimeve të qeverisë amerikane dhe mizorive të kryera në Vietnam.

Presidenti rus, Vladimir Putin, ka nisur procedurat parlamentare për t'u tërhequr zyrtarisht nga Traktati për Forcat Konvencionale në Evropë (CFE). Lajmin e bën të ditur RT. Moska e kishte pezulluar pjesëmarrjen e saj në këtë traktat që nga viti 2015.

Në fuqi që nga viti 1990, traktati CFE ishte një nga gurët e themelit të tentativës për de-përshkallëzimin e tensioneve midis bllokut të Paktit të Varshavës dhe NATO-s gjatë ditëve të fundit të Bashkimit Sovjetik.

Një rrjet kompjuterësh të hakeruar kanë furnizuar Rusinë me informacion mbi vendet perëndimore për rreth 20 vjet. FBI zbuloi sot se ka nxjerrë jashtë funksionit rrjetin që spiunët rusë e kanë përdorur prej vitesh për të marrë informacione sensitive nga të paktën 50 vende, përfshirë qeveritë e vendeve të  NATO-s.

Shërbimi i brendshëm i inteligjencës ruse, FSB, dyshohet se e ka përdorur mjetin e sofistikuar të hakerimit për të depërtuar në agjencitë diplomatike dhe ushtarake të SHBA dhe perëndimore për gati dy dekada.

Ajo që mendohej se ishte një vetëvrasje masive, po rezulton një krim i mirëorganizuar në Kenia. Një varrezë masive u zbulua muajin e kaluar në qytetin Malindi, pranë brigjeve të Oqeanit Indian. Në të u gjetën trupat e qindra ndjekësve të një kulti fetar, të cilëve autopsia zbuloi se u mungonin organe.

Policia beson se shumica e trupave u përkasin ndjekësve të pastorit të vetëshpallur Paul Nthenge Mackenzie, i cili akuzohet se i urdhëroi ata të vdisnin nga uria "për të takuar Jezusin".

Shkencëtari bërthamor Siegfried S. Hecker, 79 vjeç, është një nga figurat më të rëndësishme të programit bërthamor të Shteteve të Bashkuara. Për 34 vjet, ai kreu kërkime në Laboratorin Kombëtar të Los Alamos, ku u zhvillua arma e parë bërthamore në fillim të viteve 1940 si pjesë e "Projektit Manhattan". Nga viti 1986 deri në 1997, Hecker shërbeu si drejtor i institutit dhe u bë pasuesi i katërt i Robert Oppenheimer, "babai i bombës atomike".

Brukseli propozon sanksione ndaj kompanive kineze që mbështesin makinerinë ruse të luftës. Ideja e kthyer për herë të parë në një propozim formal pritet të rrisë tensionet e BE-së me Pekinin.

Shtatë biznese kineze të akuzuara për shitjen e pajisjeve që mund të përdoren në armë janë renditur në një paketë të re sanksionesh që do të diskutohet nga vendet anëtare të BE këtë javë, bën të ditur “Financial Times”.