be

Kryeministri italian, Matteo Renzi, ka përsëritur disa herë kohët e fundit se Bashkimi Europian duhet të përshpejtojë anëtarësimin e vendeve të Ballkanit Perëndimor, përfshirë edhe Shqipërinë. Ka disa arsye pse Italia këmbëngul në këtë drejtim, e bashkë me të edhe Austria.

Së pari janë arsyet e sigurisë, pasi përfshirja e Ballkanit Perëndimor në BE, do të kthente sigurinë në këtë zonë në përgjegjësi të përbashkët.

George Soros është shfaqur sot me një opinion të vetin në “Project Syndicate”, i cili mund të cilësohet si një thirrje për kujdes dhe reagim ndaj Rusisë së Vladimir Putinit. Miliarderi, i njohur për agazhime shumëplanëse dhe për ndikimin në politikën e lartë, nënvizon se ideja e SHBA dhe BE-së se Putin mund të jetë aleati i tyre në luftën kundër ISIS është krejtësisht i gabuar dhe niset nga premisat e deklaratave të presidetit rus.

Greqia po përballet me një qëndrim të ashpër nga ana e partnerëve lidhur me çështjen e refugjatëve. Disa prej shteteve anëtare të BE po insistojnë se duhen gjetur mënyra për tjera për të kufizuar flukset e refugjatëve që mbërrijnë në vendet e tyre.
Përherë e më tepër po shtohen skenaret, sipas të cilave vendet e BE do të bashkëpunojnë më shumë me Maqedoninë dhe Serbinë se sa me Greqinë.

Nga Yanis Varoufakis, “The Guardian”

Një marrëveshje e re për Europën – kështu titullohet shkrimi i ekonomistit të njohur francez, Thomas Piketty, që publikohet në anglisht nga “The New York Review of Books”. Me një term që huazohet nga përvoja amerikane e viteve ’30 të shekullit të të 20-të, Piketty e ndërton argumentin e vet me një premisë: kriza financiare europiane provoi brishtësinë dhe inkoherencën e institucioneve europiane.

Ndërkohë që Europa po adopton legjislacion të ngjashëm me “Patriot Act” në SHBA, si pasojë e akteve terroriste, në planin e jashtëm, gjërat kanë kahje të kundërt. Komisioni Europian njofton përmes një deklarate për shtyp se është arritur një marrëveshje me SHBA-të për krijimin e një kuadri transatlantic për shkëmbimin e të dhënave personale. “Mburoja BE-SHBA e Privatësisë”, siç quhet buron si nevojë e një vendimi të Gjykatës Europiane të të Drejtave, të datës 6 tetor 2015, sipas të cilit Kuadri ekzistues nk është më i sigurtë.

U mbyll pa marrëveshje takimi i së dielës në mbrëmje mes kryeministrit britanik David Cameron dhe presidentit të Këshillit të Europës, Donald Tusk. Të dy liderët nuk e kanë gjetur ende gjuhën e përbashkët për sa i përket kërkesave të Londrës ndaj Brukselit, për të shmangur të shumëpërfolurën Brexit, apo daljen e Britanisë së Madhe nga Bashkimi Europian.

Politikanët nacionalistë europianë, pjesë e grupit Europa e Kombeve dhe Lirisë në Parlamentin Europian, po zhvillojnë kongresin e tyre të parë në Milano të Italisë. Aktiviteti vjen një vit pasi grupi u krijua dhe ai është hapur nga Marine Le Pen e Frontit Nacional të Francës. Kjo e fundit e ka pagëzuar që në fillim drejtimin e politikës së tyre, kur ka nënvizuar se “imigrantët do t’i varfërojnë kombet europiane dhe do të asgjësojnë qytetërimin e tyre përgjithnjë”. Partitë nacionaliste po zënë përherë e më shumë vend në zgjedhjet e europianëve.

Një tjetër pengesë shfaqet për gazsjellësin Transadriatik(TAP), ndërkohë që palët janë bërë gati për investimin. Një grup prej 37 OJQ-së në BE kanë përpiluar një letër përmes së cilës i kërkojnë Bankës Europiane të Investimeve të mos lëëvrojë kredinë për Korridorin Jugor të Gazit, 3500 km, që sjell gazin nga Azerbajxhani në Europë. Letra kërkon që kredia, më e madhja që banka ka dhënë ndonjëherë, të mos i akordohet konsorciumit, i cili është ngarkuar me zhvillimin e seksionit perëndimor të Korridorit, pra TAP.

Bashkimi Europian ka kërkuar një kopje të praktikës së prokurorisë në hetimin e çështjes së Ardian Fullanit. Lajmi raportohet nga “Report Tv”, që flet për një grup ekspertësh që ka depozituar kërkesën në fjalë. “Burime nga Prokuroria kanë thënë për “Report Tv” se, “tashmë një kopje voluminoze e vjedhjes së Bankës së Shqipërisë dhe shpërdorimit të detyrës në ngarkim të ish-guvernatorit është bërë gati dhe javën e ardhshme do t'i dorëzohet ekspertëve të BE-së”.