Slideri Kryesor

Problemet me OSHEE-në kanë nisur të kërcasin pavarësisht përpjekjeve për të mbuluar situatën me ngecjen e reformës energjetike dhe abuzimet e mëdha financiare. Një ditë më parë ishte Drejtori Ekzekutiv i Sekretariatit të Komunitetit të Energjisë, Janez Kopac që lëshoi kritika të ashpra madje duke thënë se kompania kishte injoruar letrën e Sekretariatit për zvarritjet në ndarjen e OSHEE në dy ndërmarrje dhe fillimin e liberalizimit të tregut të energjisë.

Që prej janarit 2017, Shërbimi i fshehtë Gjerman (BND) për botën e jashtme mund të bëjë pa e vrarë ndërgjegjia atë që ka bërë vite me radhë ilegalisht: të përgjojë gazetarët. Lejen për këtë e dha Bundestagu, pas zbulimeve të Edward Snowdenit. Në kuadër të aferës së përgjimeve të NSA, të cilën e bëri publike Snowdeni u bë e ditur edhe se Shërbimi Informativ Federal gjerman bashkëpunonte ngushtë me NSA. Me skandalin transatlantik të përgjimit u mor për tri vjet me radhë edhe një Komision Hetimor Parlamentar, i cili paraqiti në verë 2017 raportin e tij përfundimtar.

Edhe Edi Rama e shiti detin. Ja një tezë të cilën opozita parlamentare po përpiqet t’ja ngecë njerëzve si halë dyshimi dhe ankthi të vazhdueshëm për të bindur se tradhëti dje, tradhëti edhe sot. 
Rekordin e theu z. Berisha që me disa statuse rresht në Facebook, foli edhe për parimet e marrëveshjes së vitit 2009, për shitjen e Ramës etj..

Arkivi i Autoritetit të Informimit mbi Dokumentet e ish Sigurimit të Shtetit është ende i paplotë. Kryetarja e Komisionit të Autoritetetit të Dosjeve, Genta Sula shprehet se kjo situatë vështirëson punën e institucionit dhe, si pasojë, në disa raste përgjigja nuk ka qenë definitive. Ajo kërkon që institucionet dhe personat që kanë informacionet që parashikon ligji për autoritetin e dosjeve t’i dorëzojnë ato. Mungesa e të gjitha dokumentacioneve të mundshme, ka bërë që ky institucion në disa raste të mos jap përgjigje përfundimtare.

Vetë Ali, vetë Kadi. Kështu mund të përkufizohet drejtimi i Operatorit të Shpërndarjes së Energjisë nga Ardian Çela, i cili jo vetëm që nuk ka përmbushur një prej kërkesave kryesore të Sekretariatit Komunitetit të Energjisë në Vienë, por refuzon të kthejë përgjigje përse ka zvarritur ndarjen e OSHEE-së në dy ndërmarrje.  

Zbatimi i ndryshimeve kushtetuese në Republikën e Maqedonisë shihet si formula që mund të zhbllokojë zgjidhjen e çështjes së emrit me Greqinë. Gazeta greke "Ta Nea" duke iu referuar burime të Ministrisë së Jashtme shkruan se pas bisedimeve me negociatorin ndërkombëtar Methju Nimetz, Athina kërkon një zgjidhje të përgjithshme që do të mbulojë të gjitha përdorimet.

Talibanët kontrollojnë  70% të këshillave drejtues të periferisë së Afganistanit. Sipas BBC ata  administrojnë plotësisht 4% të tyre dhe janë të pranishëm në 66% të tjerat.Këto vlerësime të bazuara në 1 200 burime në të gjitha rajonet e Azisë Jugore sugjerojnë se prezenca e rebelëve islamikë është shumë më e gjerë se sa vlerësimi që ka bërë së fundmi koalicioni ndërkombëtar  nën komandën e NATO-s që vepron kundër talebanëve.

Ministri i Jashtëm i Shqipërisë, Ditmir Bushati, sqaroi dje në emisionin “Opinion” në Tv Klan sesi po veprohet për heqjen e ligjit të luftës nga Greqia. Sipas Bushatit akti final do të jetë dekreti i Presidentit me kundërfirmat e ministrave dhe kryeministrit në formën e një vendimi që është ekuivalent me dekretin e vitit 1940.

Kemi bërë disa diskutime me palën greke.

Donald Tramp zbuti tonet e ashpra kundër emigrantëve dhe i shtriu dorën e bashkëpunimit në Kongres rivalëve demokratë, në fjalimin vjetor i gjendjen e vendit, i njohur botërisht si “State of the Union”. Në një fjalim që zgjati 1 orë e 20 minuta Presidenti amerikan shpalosi planin e ri për emigrantët e jashtëligjshëm, duke lënë të kuptohet se askush nuk do të dëbohet, pas shfuqizimit të të ashtuquajturit “ligj të ëndërrimtarëve” të administratës Obama. 

 Ka një përpjekje për të presuar në maksimum qeverinë për negociatatat e Korçës me Greqinë. Përveç faktit se ato janë mbajtur të fshehta, është deklarimi i fundit i ministrit të Jashtëm grek, Nikos Kotzias, ajo që ka provokuar më shumë debate në Tiranë. Mesa duket Kotzias është njohës i mirë i teknikës mediatike dhe ia ka dalë të kushtëzojë me fjalët e veta raportin e së vërtetës për këto çështje mes qeverisë së Tiranës dhe qytetarëve shqiptarë.