Slideri Kryesor

Në Kosovë, parlamenti është thirrur në seancë të jashtëzakonshme për ndotjen e ajrit në Prishtinë. Lajmi bëhet i ditur nga mediat kosovare që i referohen një njoftimi të kreut të Kuvendit, Kadri Vesesli sipas të cilit seanca do të zhvillohet “që të kërkojmë nga të gjitha institucionet ndërmarrjen e masave të menjëhershme konkrete për përmirësimin e kësaj gjendjeje. Po ashtu, është e nevojshme që të kemi një plan nacional të mirëfilltë dhe afatgjatë, me të cilin do të evitohej kjo situatë që po na përsëritet”.

Policia ruse ka arrestuar kreun e opozitës Alexei Navalny pak para se të merrte pjesë në një takim ku do të bëbte thirrje për bojkot të zgjedhjeve presidenciale të18 marsit që sipas tij janë të fiksuara.  Ai është liruar pas protestave që janë zhvilluar në Moskë.

Задержание одного человека теряет малейший смысл, если нас много. Кто-нибудь, придите и замените меня pic.twitter.com/TODVdF5lEm

Pikëpamjen se "populizmi, nacionalizmi dhe irredentizmi” kërcënojnë Ballkanin shpreh në një intervistë për Agjencinë e Lajmeve të Athinës, Komisioneri për Imigracionin, Punët e Brendshme dhe Shtetësinë, Dimitris Avramopoulos.

Komisioneri grek në intervistën e tij vë në dukje se "udhëheqësit e këtyre vendeve duhet të kuptojnë se është e nevojshme që të mendojnë dhe të veprojnë në frymën evropiane" dhe theksoi se "vendet si Greqia mund të luajë një rol kyç në ndërtimin e urave që do të sjellin Ballkanin Perëndimor më afër familjes evropiane.

Opozita shqiptare fitoi dje me protestën e zhvilluar në Tiranë, betejën afatshkurtër me pasigurinë e pjesëmarrjes së njerëzve.

Ciladoqoftë shifra që jepet, apo planet me dron që duan të minimizojnë numrin e njerëzve që dolën në bulevard, thelbi mbetet i paprekur: mijëra njerëz dolën për të kundërshtuar qeverinë e Edi Ramës. Në kushtet e një bojkotimi masiv që iu bë Partisë Demokratike edhe nga anëtarët e vet në zgjedhjet e 25 qershorit, pjesëmarrja e djeshme është një moment frymëmarrjeje.

"Falenderime të ngrohta ambasadores së SHBA, Nikkey Haley për mikpritjen e saj. SHBA është një partner strategjik i pazëvendësueshëm për Shqipërinë", shkruan Kadare në profilin e saj në Twitter. Takimi vjen pak kohë pas votës për Jeruzalemin ku Haley deklaroi se ShBA nuk do ta harronte votën kundër, e cila u hodh edhe nga vendi ynë. 

Opozita paralementare mblodhi sot jo pak njerëz në bulevardin kryesor të Tiranës. Ajo kërkoi largimin e Edi Ramës dhe të qeverisë së tij. Foli për krimin dhe mjerimin e popullit, për drogën dhe trafiqet dhe tregoi se ka jo pak mbështetës.
Çka do të thotë se qeveria ka bërë jo pak të pakënaqur qëkurse privatizoi tepsinë me votë plebishitare.

Llafeve pa fund dhe pa kuptim të folësve u gjeti një përmbledhje ish-kryeministri Sali Berisha që përcolli mesazhin kryesor në një prononcim për mediat:

Opozita zhvilloi protestën e paralajmëruar duke mobilzuar njerëz dhe struktura nga gjithë Shqipëria për të mbushur bulevardin Dëshmorët e Kombit. Parë në dy aspekte, protesta pati një masivitet që nuk mund të shpërfillet. Por më tepër se presion ndaj qeverisë, ajo i shërben Lulzim Bashës për të forcuar kontrollin mbi Partinë Demokratike dhe rikonfirmimit si lider i opozitës. Edhe gjuha e tij ishte përgatitur mbi këtë shtrat, me fokus gjendjen e vështirë ekonomike.

Sektori i naftës në Shqipëri duket se po kalon një fazë tranzitore për ecurinë e së cilës nuk mund të thuhet shumë për momentin.

Kompania shtetërore e naftës, Albpetrol,  njofton se ka ndryshuar së fundmi administratorin e saj, Endri Puka. Në vend të tij është caktuar shefi i sektorit teknik ing. Kastriot Bejtaj.

Në njoftimin e vet, kompania bën me dije se drejtimi nga Endri Puka ka rezultuar me fitime dhe theksohet se për vitin 2016, shoqëria ka realizuar fitim prej 1.5 miliardë lekësh.

Ekstradimi i Nezar Seitit i njohur ndryshe edhe si financieri i grupit të Habilajve është bërë në anashkalim të Prokurorisë së Krimeve të Rënda dhe vendimit të Gjykatës që e ka lënë atë në arrest me burg. Ky është përfundimi i verifikimit që ka bërë Prokuroria e Përgjithshme me urdhër të kryeprokurores, Arta Marku. Në njoftimin zyrtar ngarkohet me përgjegjësi Prokuroria e Krimeve të Rënda se nuk ka informuar për vendimin e masës arrest me burg dhënë nga Gjykata e Tiranës për Seitin.

Para tri ditësh bëri njëfarë buje lajmi se besimtarët myslimanë në Kosovë po luteshin për suksesin e fushatës turke në Siri. Duket se nuk janë vetëm. Një lajm vjen nga Turqia që “zë disi në befasi”, teksa njoftohet se mbështetjen për operacionin antikurd “Dega e Ullirit”, presidenti turk, Reçep Tayyip Erdogan e ka marrë së fundmi edhe nga Patriarku Orthodhoks i Stamboollit, Bartholomeu I.

Mediat raportojë për një letër të tij drejtuar Erdoganit, përmes së cilës shpreh mbështetjen për fushatën turke dhe uron fitoren.