Blloku Ekonomi

Arsyeja se përse kundërshtohet importi i mbetjeve është se ato do të digjen në inceratorët që po ndërtohen në Shqipëri. Sipas kreut të AKIP Andi Tepelena, Djegia e tyre është vdekjeprurëse. Sipas Tepelenës mbetjet duhen ricikluar dhe jo të digjen. 

TemaTv

S2 Albania, kompania që po zbaton marrëveshjen koncesionare për skanimin në dogana, ka deklaruar në tatime të ardhura prej rreth 1.5 miliardë lekësh për vitin 2016, apo 11.3 milionë euro.  

Monitor raporton se subjekti nuk ka dorëzuar bilanc për vitin 2016, por të dhënat bëhen të ditura nga tatimet. Në krahasim me vitin 2015, kur xhiro e deklaruar në bilanc ishte 1.5 milionë euro, të ardhurat janë rritur me 73 herë. Me kontratën që filloi të zbatohej në 7 shtator 2015, 2016-a ishte viti i parë i plotë i aktivitetit.

Ligji i shumëdebatuar  i mbetjeve do të rishqyrtohet në kuvend. Drafti është futur në kalendarin e punimeve të Kuvendit për periudhën 18 shtator - 13 tetor dhe Ligjin “Për manaxhimin e integruar të mbetjeve” u miratua në Kuvend më 22 shtator 2016, por ai nuk u dekretua nga Presidenti i Republikës, i cili e riktheu në Kuvend më 14 tetor 2016.

Qeveria shqiptare ka miratuar dje vendimin për vulën elektronike, duke hapur rrugën që dokumentet e printuara nga entet që ofrojnë shërbime publike elektronike të kenë të njëjtën vlerë ligjore me ato që lëshohen nga zyrat fizike. Vendimi për “Miratimin e Rregullave të Shërbimeve Publike Elektronike” sanksionon ndër të tjera se: “Dokumentet administrative elektronike që përfitohen nga transmetimi elektronik i të dhënave, me vulë elektronike, kanë të njëjtën vlerë ligjore dhe fuqi provuese si çdo dokument tjetër zyrtar”.

Dështimi i Tiranës zyrtare për të negociuar një zgjidhje për zhbllokimin e linjës së intekonjeksionit Shqipëri-Kosovë ka detyruar Berlinin të investohet vetë në zgjidhjen e ngërcit mes Beogradit dhe Prishtinës. Linja me Kosovën e cila kushtoi 42 milionë euro, me nje financim te bankes gjermane KFV, ka përfunduar në vitin 2016, por nuk është vënë në funksion pasi Serbia nuk njeh Operatorin e Transmetimit të Kosovës.

Kompanitë  të cilat operojnë në fushën e naftës dominojnë borxhin tatimor ndaj shtetit. Ato zënë afro 40% të të gjithë shumës prej 220  milionë euro të listës së debitorëve në drejtorinë e tatimeve.

Edhe pse mbi disa prej këtyre kompanive  është vendosur masa e sekuestors, borxhi tatimor ende nuk është arritur të mblidhet, pasi një pjesë e mirë e firmave ndodhen në proçese gjyqësore për të shpallur falimentin, ndërsa  një pjesë tjetër e kanë ankimuar vlerësimin e drejtorisë së tatimeve.

Shqipëria duket se ka hyrë tanimë në vëmendjen e operatorëve turistikë ndërkombëtarë si një ndër destinacionet e reja të preferuara të Mesdheut. Përtej retorikës së qeverisë, publicitetit emocional në rrjetet sociale që duan të shmangin problemet, vendi ynë, posaçërisht Saranda me mundësitë penetruese që ofron për turistët, është në axhendën e operatorëve. Kjo konfirmohet edhe nga interesi i kompanive që kryejnë aktivitet në tregun e turizmit me anije shëtitëse – korçera.

Shqipëria, ministria e Energjetikës, ka prezantuar së fundmi një projekt fizibiliteteti që lidh gazsejëllësin Transadriatik(TAP) me Bosnje – Hercegovinën dhe Kroacinë. I ashtuquajturi gazsjellësi adriatiko-jonian është mbëshetur shpesh nga qeveria shqiptare, por ky projekt i fundit ka edhe një faturë financiare: 618 milionë euro për një korridor, për finacimin e të cilit kërkohet edhe ndihma e BE-së.

Edhe lumi i Shalës, kthyer së fundmi në një destinacion turistik të preferuar, do të jetë vendndërtimi i një hidrocentrali. Tv Klan raporton sot se “Ministria e Energjisë dhe Industrisë ka shpallur fituese një shoqëri me seli në Irlandë, por që është bashkimi i një firme turke, shqiptare dhe irlandeze. Ajo do të do ta ndërtojë hidrocentralin mbi lumin Shalë”.

Shifrat e investimit thuhet se shkojnë deri në 100 milionë dollarë dhe pritet të përfundojë brenda 3 vitesh.

Qeveria është e vendosur që vitin e ardhshëm të vjelë tatimin mbi fitimin për kompanitë që prodhojnë naftë. Deri më sot konçesionarët që operojnë në kërkimin dhe prodhimin e naftës kanë shtyrë në vite pagesën e tatimit mbi fitimin, deri në momentin që realizojnë koston e investimit.

Me anë të një shkrese drejtuar Ministrisë së Financave, Ministria e Energjisë dhe Industrisë kërkon që me përgatitjen e paketës së re fiskale për vitin 2018-të, të merret parasysh edhe ndryshimi në mënyrën se si do të mbledhet tatimi për kompanitë që kanë marrëveshje hidrokrabure.