Blloku Ekonomi

Ky vit shënon një pikë kthese në raportimin mbi turizmin. Ajo që përflitej prej kohësh mes njerëzve, pra diferencimi që subjektet në Shqipëri aplikojnë ndaj kategorive të ndryshme turistësh, ka dalë në sipërfaqe hapur. Pak ditë më parë ishte Deutsche Welle që shkruante për një sjellje jo të mirë ndaj turistëve kosovarë në Shqipëri, ndaj të cilëve aplikohen çmime të diferencuara. Pati kundër reagime, por fakti është se me kosovarët është luajtur keq këto vite duke abuzuar. Dhe abuzimi ka një kosto të merituar.

Zyra e Inspektorit të Përgjithshëm, Shkëlqim Hajdari njoftoi të martën për një takim të tij me ambasadoren e Gjermanisë në Shqipëri, Susanne Schütz. Më shumë se takim bëhet fjalë për një raportim të zyrtarit shqiptar tek përfaqësia diplomatike e Gjermanisë në Shqipëri. Kjo për shkak të autorizimit që Berlini ka marrë nga qeveria shqiptare për të drejtuar reformën e inspektoriatave në Shqipëri. Njoftimi jep edhe detaje nga ndryshimet që pritet të përfshijnë inspektoriatet shtetërore të shtrira pranë qeverisjes qëndrore dhe asaj vendore.

Gazeta “Shekulli” sjell në vëmendje disa ndryshime që rrjedhin nga ligji në fuqi për personat që dalin në pension në vitin 2018. Sipas një shkrimi me autor Neritan Gjergon, në vitin që vjen pëson rritje si mosha e daljes në pension, ashtu edhe kohëzgjatja e viteve të siguruara. 

Kontrolli i Lartë i Shtetit ka bërë të ditur të dhënat mbi kontrollet e  ushtruara ndaj istitcioneve buxhetore ne 6 muajt e parë të  këtij viti. Sipas KLSH dëmi që administrata i ka shkaktuar buxhetit të shtetit është 590.6 milionë euro, shkelje financiare që lidhen me aktivitetin ekonomiko-financiar në vitet 2014-2016.

Një ditë pasi u luajt teatri PS-LSI në këshillin Bashkiak të Tiranës për tarifën e re të ujit të pijshëm, vjen edhe një surprizë e vockël për kryebashkiakun Erjon Veliaj. Enti Rregullator I Ujit, publikon në faqen e vet një deklaratës sipas të cilës sqarohet se Bashkia e Tiranës, zyrtarisht pas ndërmarrjes UK Tiranë ka dorëzuar aplikimin për tarifat e reja më 30 qershor. Ndërkohë dëgjesa e Bashkisë me banorët u bë vetëm dje, pra pas miratimit të tarifës së re në shkelje prcedurash.

Erjon Veliaj gënjeu paq edhe kësaj radhe dhe i eci. Ai tha se çmimi i ujit rritet për ta barazuar të paktën me Kamzën dhe si shembull tjetër solli Korçën ku sipas tij uji paguhet me 99 lekë/m3. Sot televizioni i mikut të tij, Carlo Bolino, “ReportTv” që për këtë çështje është pozicionuar kundër kryebashkiakut, raporton se kjo është e pavërtetë. Sipas këtij televizioni në Korçë uji paguhet me 65 lekë/m3 dhe çmimi nuk ka ndryshuar për 15 vjet.

Debati për rritjen e çmimit të ujit të pijshëm në Tiranë pritet të marrë sot një përgjgje nga mbledhja e Këshillit Bashkiak të kryeqytetit. Por përtej eksperimenteve që kërkon të imponojë kryebashkiaku, meriton vëmendje një argument i sjellë prej tij për çmimet e diferencuara të ujit të pijshëm në bashki të ndryshme në Shqipëri. Veliaj u shpreh se çmimi i ujit është ndryshe në Kamëz, ndryshe në Korçë e Pogradec e kështu me radhë. Në fakt uji është pasuri pubike dhe çmimi i tij, sa kohë që administrohet nga kompani shtetërore duhet të jetë i unifikuar në mbarë territorin.

Fondi Monetar Ndërkombëtar e rendit Shqipërinë si vendin e parafundit për cilësinë e infrastrukturës edhe pse taksapaguesit shqiptarë kanë investime miliarda euro për investime publike. Sipas FMN, për periudhën 2005-2016, qeveria shqiptare ka shpenzuar çdo vit mesatarisht 5.5 për qind të prodhimit kombëtar për vepra publike, kryesisht rrugë, porte dhe segmente të tjera të infrastrukturës.

Partia Demokratike ka deklaruar se do të kundërshtojë nesër në mbledhjen e Këshillit Bashkiak të Tiranës propozimin për rritjen e çmimit të ujit. Sipas këshilltarëve të saj më së pari duhet çuar ujë te konsumatori, mandej të rritet çmimi.

LSI-ja nga ana e vet ka thirrur në një seancë dëgjimore kryetarin e Bashkisë Erjon Veliaj, pas së cilës në emër të këshilltarëve të vet ka lëshuar një deklaratë sipas të cilës çmimi i rritur nuk duhet të përfshijë shtresat në nevojë dhe biznesin e mallrave të shportës. Në deklaratën e vet, grupi i këshilltarëve të LSI-së nënvizon edhe se:

Nëkryetari i Bashkisë së Tiranës, Arbian Mazniku, thotë në një prononcim për Top-Channel se ndërhyrja e tanishme sjell ujë të pijshëm në rubinet pas 5 vjetësh.