Blloku Ekonomi

Alternativa për djegien e mbetjeve në Shqipëri përmes inceneratorëve është parë nga qeveria si formë efikase për trajtimin e tyre, ndërsa ka gjetur kundërshtim nga opozita dhe përfaqëësues të shoqërisë civile. Tashmë, në funksion është incineratori në Elbasan, dhe pas tij janë projektuar dy të tjerë në Fier e Tiranë. Vizita e ministrit Damian Gjiknurit në Elbasan këtë fundjavë pasoi në komentin e tij, se impanti ka nevojë për më shumë mbetje, dhe vlera e dytë e shtuar përpos eliminimit të tyre është prodhimi i energjisë.

Sasia e parave që qarkullojnë jashtë sistemit bankar në Shqipëri kap vlerën e 2.6 miliardë eurove. Një analizë e Fondit Monetar Ndërkombëtar thotë se kjo vlerë është sa 17 % e prodhimit të brendshëm kombëtar.

“Një ekonomi me informalitet të lartë, ku sipas disa vlerësimeve është në nivelin 40% të GDP, mbështet preferencën e popullsisë për të mbajtur Cash, para jashtë sistemit bankar.” thotë studimi.

Në kohën kur debati i punësimit është kthyer në përplasje shifrash, ku qeveria pretendon se mandatin e kaluar hapi 300 mijë vende pune, panorama që shohin të huajt nuk është dhe aq rozë. 

Në praktikën e disa njësive vendore, rritja e të ardhurave nga aksioni per disiplinimin e pagesave te ujit nuk ka shkuar për zërin e investimeve dhe as për shlyerjen e borxheve në sektorin e energjisë, por për pagat dhe bonuset për stafin. Ministri i Infrastrukturës dhe Energjisë, së bashku me atë të Financave, kanë firmosur një shkresë ku i kërkojnë bashkive që të disiplinojnë shpenzimet dhe të ardhurat që do të përfitojnë nga nisja e aksionit në sektorin e ujit.

Eksperti i Ekonomisë, Koço Broka gjykon se skema e mbështetjes financiare të fermerëve nuk do të jetë efikase për shkak të disa elementeve pengues. Sipas tij, Kritere të tilla si eliminimi i dokumenteve apo aplikimi online, nuk reflektojnë zgjidhje për fermerët, ndërsa e quan të nxituar vendimin për shkrirjen e drejtorive bujqësore.

Skema e qeverisë për mbështetjen e fermerëve me subvencione edhe këtë vit nuk do të plotësojë nevojat për më shumë se 90 për qind të tyre. Kjo për faktin se 320 mijë fermerë nuk janë ende të pajisur me NIPT, i cili është edhe kushti kryesor për përfitimin. Kreu i Këshillit të Agrobiznesit Agim Rrapaj komenton  për TEMA TV formulën duke sqaruar se edhe 10% e fermerëve që janë të formalizuar nuk kanë përfituar asgjë në këto 8 vitet e fundit. 

Ministri i Infrastrukturës, Damian Gjinuri deklaroi një ditë më parë se brenda pranverës do të përfundojë studimi i fizibilitetit për aeroportin e Sarandës. Një aeroport turistik që sipas bindjes së tij do të jetë një nyje e rëndësishme që nuk do t’i shërbejë vetëm Sarandës, por edhe Korfuzit, pasi aty janë konsumuar të gjitha mundësitë për fluturim.

World Wide Web feston më 12 mars ditëlindjen e tij të 29 dhe thmemeluesi britanik,  Tim Berners-Lee zgjodhi  pikërisht këtë ditë për të dhënë alarmin se disa kompani të mëdha të teknologjisë kanë shumë pushtet dhe se duhen imponuar rregullime dhe kufizime ndaj tyre.

Në muajin prill fatura e ujit për të gjitha familjet në Shqipëri do të jetë më e shtrenjtë. Qeveria ka vendosur që taksën e pasurisë t’ia lerë në dorë bashkive për ta mbledhur, e agjenti tatimor në këtë rast do të jetë drejtoria e Ujësjellësit. Sipas Tv Klan nëse sot një familje në kryeqytet paguan për shtëpinë e tij taksën e pasurisë në bazë të metrave katrorë që ka, nga prilli ai do e paguajë atë në bazë të vlerës së shtëpisë. Mesatarisht taksa e cila do të reflektohet te fatura ujit, do të jetë afërsisht 400 lekë në muaj, për një shtëpi që ka një vlerë 8 milion lekë.

Kompani celulare kanë lobuar që Autoritetit Elektronik dhe Postar të mos përfundonte analizën e tregut të nisur në vitin 2016 dhe kësisoj të shmangnin një raport që mund t’i nxirrte kompani të caktuara me fuqi dominuese apo të ndjeshme në treg.  Kreu i ri i këtij Autoriteti, Ilir Zela në një raportim në Komisionin e Veprimtarive prodhuese zbuloi një sër problematikash gjatë periudhës që AKEP drejtohej nga Pirro Xhixho.