Blloku Bota

Ashtu siç pritej Aleksandër Vuçiç do të jetë Presidenti i Ri i Serbisë. Rezultatet e zgjedhjeve që u mbajtën të dielën  e nxorrën atë fitues me një diferencë të thellë ndaj rivalëve në garën për kreun e shtetit. Kryeministri serb në detyrë rezulton të ketë marrë më shumë se 55 për qind të votave, kundrejt 16 për qind të kundërshtarit kryesor Sasha Jankoviç. 

Për të kuptuar krizën maqedonase duhen ndjekur dy persona: Nikolla Gruevski, ish-kryeministër dhe Ali Ahmeti, ish-partneri i tij në qeverisje, kryetar i Bashkimit Demokratik për Integrim. I pari e ka bërë të qartë skenarin: nacionalizëm me kartën e ndërhyrjes në punët e brendshme nga Shqipëria, parti e parë në zgjedhje, për rrjedhojë, ose zgjedhje të reja, ose kaos.

Në një intervistë për radion shtetërore izraelite, ministri izraelit i Energjisë, Yuval Stainits tha se ka u dërguar ftesa homologëve të tij në Greqi, Qipro, Itali dhe Komisionerit të BE-së për Energjinë, për mbajtjen e një konference shumëpalëshe javën e ardhshme në Izrael. Sipas Stainits, fokusi i konferencës do të jenë çështjet praktike lidhur me financimin e ndërtimit të një tubacioni nëndetar që do të transportojë gazin izraelite dhe qipriot në tregjet në Evropë, përmes Greqisë dhe Italisë.

Shumimi i portaleve duket se nuk shihet si problem vetëm në Shqipëri. Dhe kjo duket në uniformitetin e ndryshimeve ligjore që po synohen të adoptphen për eliminimin e disa shfaqjeve që janë kthyer realisht të padëshirueshme. Në Maqedoni këto ditë janë prezantuar ndryshimet ligjore nga Agjencia e Mediave dhe ato parashikojnë legalizim të stafit, prezantim të tij në faqe, kërkohet definimi më i qartë i termit “portale të internetit”.

Qeveria hungareze e Viktor Orban po vepron me instrumente ligjore për të mbyllur Universitetin e Europës Qendrore(Central European University), i mirënjohur tashmë dhe i themeluar që nga viti 1990. Universiteti është themeluar nga miliarderi George Soros dhe ka aktualisht 14 000 studentë nga 117 vende të ndryshme. Drejtuesi i tij është Michael Ignatieff, një intelektual dhe studiues nga Kanadaja, i njohur edhe ky në plan ndërkombëtar. Sipas tij ligji që ka propozuar qeveria e Orban diskriminon posaçërisht universitetin për shkak të financimit të tij nga Soros.

"Gjithçka është në tryezë". Me këto fjalë e ka përshkruar  ambasadorja e Britanisë në Athinë, rithemelimin e një marrëdhënie të re mes Mbretërisë së Bashkuar dhe Bashkimit Europian. Ajo theksoi se qeveria britanike do të synojë të arrijë një marrëveshje të re me Bllokun për lëvizjen migrimin dhe tregëtinë e lirë. Sipas saj, prrioriteti kryesor është mbrojtja e qytetarëve britanikë dhe evropianë, pasi pothuajse 3 milion qytetarë evropianë jetojnë dhe punojnë në Britaninë e Madhe, ndërsa 1.5 milionë britanikë  jetojnë në shtetet anëtare të BE

Mediat serbe njoftojnë sot se presidenti amerikan Donald Trump i ka nisur një letër falënderimi kryemsinitrit Aleksander Vuçic. Trump falënderon Vuçiç për mesazhin e urimit me rastin e zgjedhjes dhe thekson si arritje për Serbinë, “përpjekjet e saj për normalizimin e marrëdhënieve me Kosovën”. Po kështu në mënyrë paradoksale, në letrën e tij Trump thekson vlerat e përbashkëta të SHBA dhe Serbisë që sipas tij gjejnë shprehje në marrëdhëniet dypalëshe dhe në mbështetjen e dhënë për Serbinë në anëtarësimin në BE.

Pas rënies së ligjit të kujdesit shëndetësor dhe popullaritetit në ulje  të presidentit Trump në sondazhet e fundit, akademiku i krahut të majtë dhe intelektuali Noam Chomsky është duke bërë thirrje për vigjilencë ndaj "flamurit të rremë" për  sulme të mundshme terroriste që sipas tij mund të propagandohen për të mbështetur presidentin dhe nismat e tij për të hequr amerikanët të drejtave të tyre kushtetuese.
Sipas Chomsky, pasi votuesit do të shohin se  premtimet e tij janë "një kala rëre," Trump do të shkojnë në masa ekstreme për të mbledhur mbështetje.

Një hap mbrapa në ruajtjen e privatësisë online. Kështu cilësohet ndërhyrja që bëri së fundmi Kongresi amerikan për shfuqizimin e një ligji të administratës Obama që u kërkonte ISP-ve – pra transmetuesve të internetit -  që të merrnn konsensusin e përdoruesve përpara se të ndanin me palë të treta historikun e kërkimit prej tyre në internet. Mbështetësit e kësaj nisme thonë se kjo do të rrisë konkurencën, pasi dihet se gjurma e kërkimit në internet lidhet me interesat e përdoruesit, punën dhe prirjet e tij, duke krijuar një profil i cili optimizohet mandej për qëllime të ofertës online.

Gazeta “Zëri” në Kosovë pubklikon sot një intervistë me kandidatin për president të Serbisë, Nenad Çanak. Ai shfaqet me disa teza ndryshe në krahasim me ato të rivalëve të vet, kryesisht të kryeministrit aktual Aleksander Vuçiç, që e cilëson një politikan pragmatist.

Çanak thotë se nëse zgjidhet ai do të ndërmarrë ndryshimin e Kushtetutës dhe nxjerrjen e Kosovës prej saj, pasi siç shprehet ai “Kosova nuk është pjesë e Serbisë”.