Blloku Bota

Erdogan i mundi të gjithë. Në emër të rritjes ekonomike të pandërprerë, të rritjes së autoritetit të Turqisë, ndikimit të saj në botën myslimane dhe në emër të një roli të ri në raport me perëndimin, presidenti turk ka marrë së fundmi kartëvizitën plebishitare për të sunduar. Referendumi për ndryshimet kushtetuese ka dhënë 51.3% Po dhe 48.7%  Jo. Që do të thotë se një shumicë e lehtë e turqve mendojnë se Erdogan duhet të marrë frenat e shtetit në dorë në të gjitha drejtimet.

Sulltan apo shërbëtor i popullit? Me këtë pyetje "The Economist" nisi eksplorimin e informacioneve që fshihen pas perdes konfuze për udhëheqësin e Turqisë, Rexhep Taip Erdogan, i cili nuk është një person që mund të lexohet lehtësisht. Inteligjent dhe i paparashikueshëm, protagonisti i referendumit të së dielës është duke rindërtuar atë që ai e përkufizon si mrekullinë turke të kësaj dekade. Një mrekulli me çmim të rëndë për vendin e fortë të Mesdheut. Rexhep Taip Erdogan ishte që i vogël një triblues i mirë që përmbyste rezultate.

Përplasjet mes palëve nisën pasi protestuesit kërkuan zbardhjen e pagimit të taksave nga presidenti Donald Trump, një njeri i biznesit. Në Berkley u arrestuan 21 persona.

Ish-presidenti afgan Hamid Karzai deklaron në një intervistë për Al Jazeera se hedhja e bombës 11 tonëshe në vendin e tij nga SHBA, është një akt jonjerëzor.

Për dhjetra viktima raporton televizioni shtetëror sirian nga një sulm kamikaz në periferi të Alepos, ku shumë civilë po përgatiteshin të linin fshatrat e tyre për t’i shpëtuar urisë.Masakra  ndodhi kur një makinë bombë shpërtheu në një stacion autobusi, teksa po zbatohej marrëveshja për shkëmbimin e banorëbe mes mes rebelëve dhe ushtrisë siriane. Siç bëhet  e ditur në autobusë ndodheshin banorët e dy fshatrave të evakuuar. Autobusët transportonin banorë shiitët të cilët ishin në mbështeje të qeverisë siriane dhe po braktisnin shtëpitë e tyre sipas ujdisë me rebelët.

Mediat ndërkombëtare kanë raportuar surprizën që kreu koreanoverior Kim Jong un u ka rezervuar të gjithë e me ditë e paradës së madhe. Në ditën e Diellit, ushtria koreane ka shfaqur dy lloje te reja raketash, të panjohura për katalogët ushtarakë. Dy raketa të reja që flasin për kapacitete të tjera nga ato që mendohej, njëra prej tyre me lëshim nga nëndetëset. Shfaqja është bërë në kontekstin e një krize të re me ShBA, ndërkohë që nuk përjashtohet më një goditje ushtarake ndaj Phenianit.

Kina ka bërë thirrje që tensioni lidhur me Korenë e Veriut të ndalet përpara se situata të arrijë në një fazë të pamenaxhueshme. Agjencia “Reuters” shkruan se shqetësimet për lëvizjet dhe seriozitetin e administratës amerikane janë rritur që nga goditja që u ndërmor në Siri, ku pas një sulmi me armë kimike, SHBA-të qëlluan mbi një bazë ajrore siriane. Po kështu përdorimi në Afganistan i bombës më të madhe jobërthamore nga SHBA i jep zë tjetër angazimit amerikan që është konkret në rastin e Koresë së Veriut me dislokimin e një flote ushtarake pranë këtij vendi.

Çfarë ka mbetur sot nga Alexis Tsipras? Kryeministri i të majtës ekstreme(!), i cili erdhi me premtimin kundër projekteve ekonomike të të djathtëve të Antonis Samaras, kundër konçesioneve, privatizmeve, kundër kursimit dhe sot ndodhet në pozitën e atij që i promovon ato? Ka mbetur me siguri mësimi se ata që premtojnë çdo gjë, janë ata që të braktisin të parët edhe kur kanë me vete forcën për të qëndruar, siç është rasti i Tsipras. I cili me një votë referendare nuk ja doli dot të thotë atë që premtonte.

Pas fitores në zgjedhjet presidenciale, Aleksandër Vuçic po përballet me protesta në Beograd. Një pjesë njerëzish nuk po pranojnë dot që Vuçiç do të jetë sërish qendra e politikës serbe edhe për katër vjet si president pas qëndrimit në detyrë si kryeministër. Një karrierë e shkuar fjollë, ndonëse problemet në këtë vend nuk mungojnë. Mirëpo Vuçiç ngjan i qetë kur dje ka deklaruar se uron që njerëzit të marshojnë sa më gjatë të jetë e mundur. Mjafton që kjo të jetë paqësore, ka shtuar ai.

Vetëm disa ditë pas bombardimeve me raketa Tomahok ndaj bazës siriane, Shtetet e Bashkuara të Amerikës tregojnë sërish fuqinë e tyre ushtarake. Amerikanët lëshuan një bombë të jashtëzakonshme në pozicionet e Shtetit Islamik në kufirin mes Afganistanit dhe Pakistanit. Lajmi bëhet i ditur nga Haretz, që raporton se bëhet fjalë për të ashtuquajturën MOAB, e njohur si “nëna e të gjitha bombave”, më e fuqishmja në kategorinë e bombave jobërthamore.