Blloku Bota

Dy botë të ndryshme zbuloi takimi i fundit mes kryeministres së Britanisë Tereza Mei dhe presidentit të Komisionit Evropian, Jean-Claude Juncker. Prapaskenat e takimit "katastrofik" mes tyre bënë që Juncker të vlerësojë se shkalla e dështimit të negociatave me Londrës dhe Bashkimit Europian është më shumë se 50%, ndërsa zyrtarë evropianë i thanë Tereza Meit se  “BE nuk është një klub golfi”.

Një ngjarje si në filma. Kështu mund të konsiderohet ajo që ka ndodhur me një punonjëse të Byrosë Amerikane të Hetimit (FBI) e cila ishte përkthyese me çertifikatë top-secret. Sipas mediave të ndryshme, Daniela Green udhëtoi në Siri në vitin 2014 me detyrën e hetimit të një operativi kyç të ISIS, por ka përfunduar duke u martuar me të. Ajo gënjeu Byronë duke udhëtuar drejt vendit në konflikt dhe duke u martuar me një të dyshuar. CNN shkruan se Departamenti i Drejtësisë e ka trajtuar butë rastin e saj ndërkohë që edhe akzuat u minimizuan.

Tashmë nuk ka më asnjë dilemë për skenarin e opozitës për zgjedhje. Basha foli nga çadra për luftë totale dhe mosnjohjen e Edi Ramës si kryeministër pas 18 qershorit. Më poshtë deklarata e Bashës:

I dërguari i SHBA në Maqedoni, zv.ndihmës Sekretari i Shtetit për Çështjet Europiane dhe Euroaziatike, Hoyt Brian Yee, duket se mund të ketë sjellë një përmirësim të lehtë të situatës në vend. Në një takim me presidentin George Ivanov, ky i fundit ka pranuar se kriza mund dhe duhet të zgjidhet me dialog, por ai ka këmbëngulur se Zoran Zaev duhet japë garanci se do të punojë për forcimin e unitaritetit të shtetit.

Teksa në Maqedoni ndodhet prej të dielës zv/ndihmës Sekretari amerikan i Shtetit për çështjet evropiane dhe euroaziatike, Hoyt Brian Yee, burime diplomatike nga Bashkimi Europian thanë për seksionin grek të CNN se Turqia është ofruar për të luajtur rolin e ndërmjetësit në zgjidhjen e krizës.

Vendimin e tij për të për të qenë prezent në arenën politike dhe "ndyrë duart", në luftën kundër Brexit ka shpallur ish-kryeministri britanik, Tony Blair. Lideri i Partisë Laburiste nga viti 1994 deri në vitin 2007 ka deklaruar në një intervistë për gazetën Daily Mirror, se nuk ka ndërmend të kandidojë për deputet në zgjedhjet parlamentare më 8 qershor dhe as të kërkojë postin e kryetarit të Partisë. 

Turqia ka bllokuar aksesin e përduresve të internetit në këtë vend në Wikipedia. Bazë për këtë vendim është një ligj që u lejon autoriteteve bllokimin në rast se vlerësohet se faqja përkatëse është e papërshtatshme në përmbajtje apo përbën kërcënim për interesat kombëtare.

“Pas analizave teknike dhe konsiderimeve ligjore...është marrë një masë administrative për faqen wikipedia.org”, thuhet në një deklaratë të entit për telekomunikacionet, raporton Reuters.Akti administrativ do të duhet të paraqitet në gjykatë brenda 24 orëve që mandej ka dy ditë kohë për të vendosur.

Parlamenti malazez ka votuar dje në mënyrë unanime anëtarësimin e vendit në NATO. Me një opozitë minimale dhe një protestë të vogël jashtë sallës, Mali i Zi bëhet vendi tjetër ballkanik që merr pjesë në aleancë duke mbyllur vijnë perëndimore të rajonit që kalon tërësisht në “territor politik” të Perëndimit. Votën e kanë dhënë 46 anëtarët e partive malzaze, boshnjake dhe shqiptare, ndërkohë që duke iu referuar ngjarjeve të vitit 1999, ish-kryeministri dhe ish-presidenti Milo Gjukanoviç, kryetar i partisë kryesore tha ndër të tjera: 

Zoran Zaev dhe përfaqësues të partisë së tij kanë dalë sot në një konferencë për shtyp, ku binte në sy manikota në fytyrën e disa prej tyre. Zaev deklaroi se ajo që ndodhi në Parlamentin e Maqedonisë, mbrëmjen e datës 27 prill, ishte tentativë vrasjeje me paramendim. Sipas tij zv.ministri i Brendshëm, Mitko Çakov duhet të japë dorëheqje, ndërkohë që Agim Nuhiu, ministër i Brendshëm, është larguar. Policia u pa qartë të bashkëpunonte me huliganët-protestues që kapërcyen gardhin e parlamentit dhe ushtruan dhunë.