Blloku Bota

Presidenti amerikan Donald Trump ngjalli zemërimin e Turqisë, duke e quajtur vrasjen e armenëve në vitin 1915 "një nga krimet më të rënda masive të shekullit të 20", por duke shmangur përpërdorimim e termit "gjenocid". Në përvjetorin e gjenocidit armen të 24 Prillit Trump u bashkua me komunitetin amerikan të armenëve për të përkujtuar humbjen e jetëve të pafajshme dhe vuajtjet e kaq shumë njerëzve.   

Porti i Selanikut në Greqi është shitur me vlerën 231.9 milionë euro. Blerësit janë një grup kompanish mes të cilave gazeta greke “Protothema” cilëson Deutsche Invest Equity Partners dhe Ivan Savvidis, pronari I ekipit të futbollit PAOK. Kompania do të ofrojë shumën në fjalë për të blerë 67% të aksioneve të portit në një marrëveshje, vlera e plotë e së cilës është 1.1 miliardë euro. Në këtë marrëveshje parashikohen investimet 180 milionë euro në 7 vitet e ardhshme, ndërkohë që të ardhurat për shtetin grek nga kontrata parashikohen në 170 milionë euro.

Sipas një sondazhi të kryer nga kompania ICM botuar në gazetën Guardian mbështetja ndaj konservatorëve është 48%, ndërsa ndaj Laburistëve 27%. Të dyja palët duket se kanë rritur normat e tyre nga dy pikë përqindje nga sondazhi paraprak të martën e kaluar, por diferenca mbetet e lartë. Partia Liberal Demokratike kanë rënë në 10%, ndërsa euroskeptiket e Ukip  në 7%. Sondazhi është kryer në një kampion prej 2024 personash në periudhën mes 21 dhe 24 prill.

Fronti Nacional në Francë po goditet me të gjitha mjetet e mundshme legale pasi një fitore e mundshme e zgjedhjeve presidenciale nga Le Pen, do të thotë pasiguri totale për BE. Gazeta “Euobserver” raporton sot për një investigim të kryer nga media franceze sipas të cilit Fronti Nacional ka përfituar 11 milionë € nga Rusia, përmes skema e të ndërlikuara të transferimit të parave. Transferat janë kryer përmes Qipros nga banka apo fonde të lidhura me Kremlinin.

Shërbimi Gjerman i inteligjencës (BND) ka përgjuar për vite Interpolin si dhe zyrat e shërbimit në disa vende, duke përfshirë Greqinë, Austrinë dhe SHBA-në thuhet në një botim të revistës gjermane Der Spiegel.Revista citon dokumente sipas të cilave BND kishte shtuar e-mail adresat, numrat e telefonit dhe numrat e faksit të hetuesve të Interpolit në listën e monitorimit.

Presidenti sirian, Bashar al - Assad ka deklaruar gjatë një interviste për agjencinë ruse të lajmeve “Sputnik” se ndërhyrja me trupa tokësore nga Rusia në Siri nuk përjashtohet.

“Ndoshta në të ardhmen, nëse armiqtë tanë dhe mbështetësit e tyre, terroristët e tyre, ushtarët që bëjnë punën e tyre, e ndryshojnë strategjinë dhe sjellin më shumë terroristë nga bota...mund të na nevojitet mbështetje tokësore nga Rusia. Nuk mendoj se tani ka nevojë për trupa tokësore”, tha presidenti sirian.

Është gjithmonë interesante të bisedosh me një veteran të politikës. Oktay Eksi është i njohur  në Turqi. Ish-deputet i Partisë Republikane, kolumnisti kryesor i gazetës Hurriyet për 35 vjet dhe anëtar i Komisionit për Kushtetutën në vitin 1961.  Kundërshtitë me Erdogan çuan në dorëheqjen e tij nga Hurriyet, në vitin 2010, pas një artikulli me kritika shumë të ashpra ndaj Erdogan. Një laik i përbetuar Eksi konsideron se Turqia tashmë është duke lëvizur në ujëra të paeksploruara.

Përfaqësues të partisë së Presidentit rus, Vladimir Putin, Rusia e Bashkuar dhe të një partie nacionaliste pro-Kremlinit, kanë paraqitur në Parlament një ligj që kërkon zhvendosjen e trupit të Vladimir Leninit nga Mauzoleumi në Moskë. Propozuesit kanë argumentuar se sondazhet tregojnë se shumica e njerëzve nuk dëshiron që Lenini, lideri Bolshevik të prehet aty ku është balsamosur që nga viti 1924. Përpjekjet e mëhershme për të lëvizur trupin dhe djegur atë, apo varrosur, janë kundërshtuar dhe për pasojë janë anulluar.

Protestat antiqeveritare në Venezuelë kanë rezultuar me të paktën 3 të vrarë. Presidenti i vendit, Nicolas Maduro ka nxjerrë ushtrinë në rrugë, ndërkohë që kërcënuar përfaqësues të opozitës si drejtues të puçit. Mbështetësit e tij kanë zhvilluar një kundërprotestë të mërkurën, por opozita ka deklaruar se sot do të mbajë një tjetër protestë, që nis nga 26 pika të ndryshme të kryqytetit Karakas.

Fitorja e Erdoganit në referendumin e së djelës së kaluar mund të inkurajojë politikanë të ndryshëm në Ballkan që të adoptojnë politikën e dorës së fortë. Vuçiç, kryeministri – president I Serbisë është ndër më të goditurit në këtë drejtim dhe edhe ai po përballet me protesta pas fitores në zgjedhjet presidenciale. Gruevski që akuzohej deri edhe për diktator ra me votë dhe pak gjasa ka të kthehet me forcën që kishte. Në çdo rast modeli turk mund të ngjisë në proporcion me ndikimin e Turqisë në rajon, mbi të cilin spekullohet shumë.