Blloku Bota

Goditja ushtarake ndaj Koresë së Veriut ngjan të jetë çështje kohe teksa edhe Pekini zyrtar ka dhënë mirëkuptimin për atë që sekretari amerikan i Shtetit, Rex Tillerson, e quajti “nevoja për veprim ndaj një niveli të caktuar kërcënimi”. Deklarata e Tillerson u bë në një intervistë për CBS, përmes të cilës ai ka bërë të ditur se në takimin mes presidentit kinez, Xi Jinping dhe Trump, u ra dakord që situata në gadishullin korean është serioze.

Grupi separatist Bask ETA, nëpërmjet " misionarëve" të shoqërisë franceze dhe strukturës së pavarur Komisionit Ndërkombëtar të Kontrollit (CIV), u dorëzoi autoriteteve franceze një listë të 12 depove të  armëve të fshehura në jugperëndim të Francës. Këto 12 depo armësh janë ato që ka mbetur nga arsenali i ETA-së, e cila hoqi dorë nga lufta e armatosur në vitin 2011, por pavarësisht kësaj vazhdon të konsiderohet si një organizatë terroriste nga Bashkimi Evropian.

Ish – kryeministri maqedonas Nikolla Gruevski ka bërë thirrje për përgatitje të popullit për rezistencë në eventualitetin që sipas tij Platforma e Tiranës do të vihet në zbatim. Ai ka deklaruar se qëllimi i këtij dokumenti është ripërkufizimimi shtetit, por edhe ndryshimi i emrit. Ky deklarim i fundit është si të thuash sqarim i mëtejshëm i shqetësimit të hedhur edhe nga presidenti Ivanov se Platforma synon të krijojë një shtet binancional.

Për shumë mbështetës të presidentit amerikan Donald Trump, vendimi për sulmin me raketa në Siri ishte një shfaqje e fuqisë dhe vendosmërisë – pikërisht arsyet pse votuan atë për president të SHBA-ve në 8 nëntor. Ndryshe nga disa votues të ekstremit të djathtë që  dënuan lëshimin e 59 raketave Tomahok me urdhër të presidentit shumica e votuesve republikanë që vijnë nga Teksasi, Florida dhe Nju Jork, theksuan për Reuters se sulmi nuk ishte akt i heqjes dorë nga angazhimi për të vënë interesat amerikane mbi çdo gjë tjetër.

Në ditët që kanë mbetur nga referendumi për ndryshimin e Kushtetutës në në Turqi Presidenti Rexhep Taip Erdogan përpiqet të tregojë anën e tij njerëzore. Kështu për herë të parë ai shfaqet publikisht edhe në rolin e gjyshit. Një foto e postuar nga gazeta pro-qeveritare Yeni Safak, tregon presidentin turk të ulur me nipin e tij Ahmet duke i mësuar Kur'anin. Erdogan  është e veshur thjesht, me një bluzë dhe syze, duke u treguar Erdogan mbështetësve një anë tjetër të tij, atë të njeriut familjar dhe besimtarit musliman.

Shqipëria e ka përshëndetur sulmin ajror amerikan në Siri, duke mos i kursyer vlerësimet për presidentin aktual Donald Trump dhe përpjekjet  ndëshkuar përgjegjësit dhe  vendosur paqen e munguar në Siri. Vlerësimet nuk kanë munguar si nga qeveria ashtu dhe nga presidenca shqiptare.

Të paktën 4 persona raportohet të jenë vrarë në një sulm të dyshuar si terrorist në Suedi. Ngjarja ndodhi kur një kamion u fut në një turmë njerëzish në qendër të Stokholmit. Sipas dëshmitarëve okularë kamioni bëri një kurs të shfrenuar para se t’i drejtohej hyrjes së një qendre tregtare.

Presidenti i Republikës së Kosovës, Hashim Thaçi, është tërhequr nga nisma e tij ligjore për tranformimin e Forcës së Sigurisë së Kosovës në ushtri. Pas presioneve të komunitetit ndërkombëtar, kreu i shtetit të Kosovës, ka vendosur të bëjë një hap mbrapa, vendim që ia ka njoftuar zyrtarisht Kuvendit të Kosovës përmes një letre. Më poshtë letra e plotë, publikuar në Koha Ditore:

Pas sulmit të SHBA mbi një bazë ajrore në Sha’irat në Siri, ka ardhur edhe reagimi i Rusisë. Në një deklaratë, presidenti Vladimir Putin e ka quajtur sulmin ilegjitim dhe me ndikim negaativ në raportet SHBA-Rusi. Përkeqësimi është bërë fakt kur Ministria e Jashtme e Rusisë, ka deklaruar sot se është vendosur ndërprerja e e zbatimit të Memorandumit të Mirëkuptimit për Sigurinë e fluturimeve në Siri që ishte nënshkruar me SHBA.

Disa kompani të përodhimit të softuerëve për sigurinë kanë depozituar një ankesë të re kundër Microsoft në kuadër të legjislacionit antitrust. Kompania e njohur ruse, Kaspersky është një prej tyre e cila kërkon nga Komisioni Europian që të vlerësojë sjelljen e Microsoft në treg që me Windows 10, hedhur në treg në tetor 2014 ka cenuar pozitën e konkurentëve. Në këtë sistem operativ, Microsoft ka instaluar flas softuerin Defender, një aplikacion kundër virusimit që u heq kështu rusëve të Kasperskyt një produkt nga tregu.