Blloku Bota

Trump bën bujë dhe flet fare troç, por ndoshta nuk e ka dhe aq gabim. Ose jo 100% gabim, sa kohë që premisat e tij janë thjesht interes më parë e mandej solidaritet. Ndryshimet që po paralajmëron presidenti amerikan i sapozgjedhur, sidomos në fushën e sigurisë janë paraprirë në fakt nga lufta në Ukrainë dhe dalja e në skenë e të ashtuquajturës Luftë Hibride që e kapi Perëndimin të papërgatur. Nëse NATO nuk është e dalë kohe siç thotë Trump, staregjia dhe orientimi i saj do të duhet të ndryshojë.

Mevlüt Mert Altıntaş, vrasësi 22 vjeçar i ambasadorit rus në Ankara, Andrey Karlov, u varrosur në datën 13 janar në varrezën e personave pa emër. Familja e Altıntaş nuk ka aplikuar për tërheqjen e trupit brenda afatit ligjor, ndaj autoritetet lokale kanë proceduar me varrosjen e tij. Ai u vra në datën 19 dhjetor 2016 pas shkëmbimit të zjarrit që pasoi vrasjen prej tij të ambasasdorit Karlov. 

Turqia dhe Rusia nisën një hetim të përbashkët për ngjarjen dhe sipas ministrit të Brendshëm turk, ka disa të dhëna interesante që kanë dalë në dritë. 

Incidenti i fundit mes Serbisë dhe Kosovës me trenin e ndaluar në momentet e fundit ka krijuar një klimë pasigurie. Prania e forcave speciale serbe në kufi me Kosovën i shtohet më shumë problemeve që hasen me dy vendeve duke risjellë në Ballkan profilin e një Serbie që mendohej  se kishte lënë pas akte të kësaj natyre. 

Nëse Donald Trump do t’u përmbahet këtyre që po thotë edhe së fundmi, atëherë bota me të vërtetë që do të shohë ndryshime epokale në vitin që sapo ka hyrë. Përsëritja e disa tezave të fushatës tashmë që ai është Presidenti i zgjedhur në SHBA, provokon gjithfarë dyshimesh dhe analizash edhe pse njerëzit kryesorë që ai ka zgjedhur për departamentet kanë shfaqyr qëndrime të tjera.

Janë më shumë se 3 mbledhje të përbashkëta të qeverisë shqiptare dhe asaj të Kosovës dhe po ashtu disa takime të vendeve të rajonit në kuadër të Procesit të Berlinit që krijuan përshtypjen se Ballkani po tejkalon terrenin e minuar ku kanë ecur marrëdhëniet mes shqiptarëve e serbëve apo vendeve të tjera. Por mjaftoi ndalimi i Haradinajt në Francë dhe treni i nisur nga Serbia në drejtim të Mitrovicës për të kuptuar se sa afër është konflikti shqiptaro-serb dhe se procesi i Berlinit nuk ka çuar përpara pajtimin mes shqiptarëve e serbëve.

Pas incidentit me trenin e ndaluar në Rashkë, presidenti serb, Tomislav Nikoliç, ka mbledhur Këshillin e Sigurisë Kombëtare në ndërtesën e ushtrisë. 

“Mbledhja urgjente është thirrur pas situatës së krijuar me trenin “Kosova është Serbi”, një linjë direkte nga Beogradi në Mitrovicë që Serbia synonte ta promovonte”, raporton “Koha Ditore”. 

Kreu i ekstremit të djathtë në Austri, Heinz-Christian Strachan, bëri thirrje për të nxjerrë një ligj që do të ndalojë "Islamin fashist" dhe simbolet myslimane. Ky ligj do të jetë i ngjashëm me atë që ndalon simbolet naziste, duke argumentuar se Islami kërcënon të zhbëjë shoqërinë evropiane.Është e nevojshme që Austria të ketë një ligj që do të ndalojë Islamin fashist"-tha Strachan a para mijëra përkrahësve të partisë së tij në Salzburg.

Sipas sondazhit Gallup, vetëm 44% e amerikanëve kanë opinion pozitiv për Donald Trump-in, një javë para inagurimit të tij si president. Ndërsa 51% kanë opinion negativ për të.

Krahasimisht, një javë para inagurimit të Obamës si president, 83% e amerikanëve kishin opinion pozitiv për të, dhe vetëm 12% kishin opinion negativ.

Ndërsa për George W. Bush-in, një javë para inagurimit të tij si president, 61% e amerikanëve kishin opinion pozitiv për të, dhe vetëm 25% kishin opinion negativ.

Kremlini zyrtarizon vullnetin për një marrëdhënie të re me Shtëpinë e Bardhë, sapo prej kësaj të jetë larguar edhe fizikisht Barack Obama. Shenjë e qartë në këtë drejtim është ftesa që Rusia i ka drejtuar ekipit tranzitor të presidentit të zgjedhur amerikan, Donald Trump, për të marrë pjesë në bisedimet e paqes për Sirinë në Astana. Gazeta “The Washington Post” raporton se ftesa është bërë përmes një telefonate të datës 28 dhjetor që ambasadori rus në SHBA, Sergey Kislyak ka zhvlluar me këshilltarin për Sigurinë që është caktuar nga Trump, Michael Flyn.

"Në Reçak të Shtimes, një ditë para përvjetorit të masakrës së në këtë fshat, është zbuluar shtatorja e ish-ambasadorit William Walker". Kështu raporton "Koha Ditore" që shton se Walker ka qenë vetë prezent në ceremomi. 

“Më së shumti dua t’i falënderoj fshatarët e Reçakut dhe familjet e Reçakut, pjesë e të cilave jam bërë edhe unë”, tha ai.