Blloku Bota

Prokuroria supreme greke ka kërkuar nga Parlamenti heqjen e imunitetit për disa politikanë të rëndësishëm në vend që akuzohen si të përfshirë në të ashtuquajturin skandali Novartis. Prokuroria ka marrë ndër të tjera dëshmitë edhe të ish-kryeministrit Antonis Samaras dhe ish-ministrit të Jashtëm, Evangelos Venizellos dhe ka proceduar me kërkesën drejtuar legjislativit. Të dy politikanët në fjalë kanë akuzuar ish-kryeministrin Alexis Tsipras dhe ish-ministrin e Drejtësisë, Dimitris Papangelopoulos si persona kyç në influencimin politik të çështjes.

Autoritetet çeke kanë vendosur të heqin nga Praga një statujë të marshallit sovjetik Ivan Koniev dhe zëvendësimin e tij me një monument tjetër që i përkujton ngjarjet e luftës së Dytë Botërore në mënyrë më të përgjithshme. Kundërshtitë për këtë temë kanë nisur që në vitin 1989 dhe kanë vazhduar me dekada nisur nga pretendimet e historianëve çekë sipas të cilëve, Koniev u përfshi në ngjarjet e Hungarisë në vitin 1956 dhe në ato të Çekosllovakisë në vitin 1968.

Amerikanët nuk e kanë parë kurrë me sy të mirë pozitën hegjemonike të Gjermanisë në Europë dhe faktin që Berlini kontrollon pozicionet kryçe në institucionet evropiane.

Ajo që e shqetëson faktorin amerikan është kultura e gjermanëve për sa i përket ekonomisë, financave dhe faktit që Berlini merr një pjesë të madhe të fitimeve në sektorët kryesorë siç është industria e automobilave.

Presidenti amerikan Donald Trump, njoftoi se ka miratuar dorëheqjen e Këshilltarit të Sigurisë Kombëtare, John Bolton duke thënë se  "kundërshtonte me forcë" shumë nga sugjerimet e Bolton.

"Unë e njoftova John Bolton mbrëmë se shërbimet e tij nuk janë më të nevojshme në Shtëpinë e Bardhë. Unë nuk jam pajtuar me shumë nga sugjerimet e tij, ashtu si të tjerët në qeveri"- tha Trump në një postim në Twitter, duke deklaruar se do të njoftonte zëvendësimin e tij javën e ardhshme.

Parlamenti britanik i tha jo propozimit të qeverisë, për zhvillimin e zgjedhjeve të parakohshme më 15 tetor. Ashtu në votimin e parë, javën e kaluar, edhe këtë herë shumica e deputetëve rrëzoi kërkesën e qeverisë së Boris Xhonsonit, duke i dhënë këtij të fundit goditjen e dytë brenda pak ditëve.

Gazeta turke Daily Sabah ka publikuar transkripte të bisedës mes anëtarëve të skuadrës saudite që ekzekutoi gazetarin Jamal al Khashoggi  dhe të bisedës mes këtij të fundit dhe ekzekutorëve pak përpara se të vdiste. Gazeta shkruan se audiot e regjistruara janë siguruar nga shërbimi sekret turk – MIT – dhe mandej janë shpërndarë me autoritetet turke që kanë kryer hetimet.

Presidenti turk Rexhep Tajip Erdogan ka lëshuar të tjera  kërcënime për Europën në lidhje me refugjatët. Në një takim me mbështetës të tij në Malatya ai tha se nëse vendi i tij nuk do të merrte mbështetjen e nevojshme financiare, do të hapte kufirin për më shumë se 5.5 milion refugjatë.

"Nëse nuk na jepet mbështetja e nevojshme në këtë luftë, ne nuk do të jemi në gjendje t'i parandalojmë 3.6 mln refugjatë  sirianë dhe 2,000,000 refugjatë të tjerë të arrijnë në kufijtë tanë nga Indlib"- tha Erdogan.

Qytetarët e ishullit Olkhon në liqenin Bajkal kanë menduar një mënyrë origjinale për të tërhequr vëmendjen e Moskës zyrtare. Ata kanë inauguruar vendosjen e një monumenti të Presidentit Vladimir Putin për të përcjellë mesazhin e mungesës së të drejtave dhe ligjeve diskriminuese që janë miratuar në territorin e tyre.

Në një intervistë për revistën “Fokus”, kryeministri i Maqedonisë së Veriut, Zoran Zaev ka mbrojtur prokuroren speciale, Katica Janeva që u arrestua për korrupsion pak ditë mëparë. Zaev ka bërë këtë interpretim:

Kievi dhe Moska kanë bërë shkëmbimin e 70 të arrestuarve, duke përfshirë kineastin ukrainas Oleg Senchov, lirimi i të cilit kërkohej nga bashkësia ndërkombëtare.

Mes të liruarve tyre është kreu i agjencisë ruse Ria Novosti në Ukrainë, Kiril Vysinsky, i burgosur në vitin 2018. Ndër ukrainasit e liruar, sipas këtij burimi, janë blogeri 21-vjeçar Pablo Gribb, korrespodent në Paris i agjencisë së lajmeve ukrainase Ukrinform Roman Suchenko si dhe profesori i historisë Stanislav Klykivich Kliich. Nga 35 ukrainasit e arrestuar 22 prej tyre ishin marinarë.