Blloku Bota

Me dy rezoluta, njëra që njeh genocidin turk ndaj armenëve dhe tjetra që kërkon sanksione ndaj Ankarasë për përvetësimin e sistemit raketor rus, S-400, Dhoma  e Përfaqësuesve të SH.B.A.-së ka radikalizuar qëndrimin e saj ndaj Turqisë duke duke kundërshtuar hapur politikën e presidentit, i cili sipas demokratëve u shërben qartë interesave dhe aspiratave të Ankarasë.

Bashkimi Europian do të ndryshojë rregullat e negociatave për anëtarësim duke nisur edhe me Serbinë, një vend që është një hap përpara vendeve të tjera të Ballkanit Perëndimor. Gazeta “Novosti” shkruan se në samitin e majit 2020, BE-ja do të prezantojë dokumentin ku parashikohen disa modele që sërish përqendrohen te partneriteti i privilegjuar në vend të zgjerimit të mëtejshëm të bllokut.

Regjistrimet e bisedave sekrete mes kryeministrit izraelit, Benjamin Netanyahu dhe botuesit të gazetës “Yediot Ahronot”, Arnon Mozes janë kryetemë e diskutimeve në Izrael që prej së shtunës kur ato u publikuan në Kanalin 13.

Në bisedën e regjistruar të ndodhur në vitin 2014, Netanyahu dhe Mozes diskutojnë për një marrëveshje, sipas së cilës kryeministri Netanyahu do të përfitonte mbulim të favorshëm në gazetën “Yediot Ahronot” në këmbim të avancimit të një ligji për të dëmtuar rivalin kryesor të Yediot‘-it, “Izrael Hayom”.

Federica Mogherini, drejtuesja në ikje e Politikës së Jashtme të Bashkimit Europian, do të organizojë këtë të martë, një darkë pune me liderët e vendeve të Ballkanit Perëndimor. Lajmi njoftohet nga agjencia serbe, Tanjug, që citon burime diplomatike në Bruksel.

Ky do të jetë takimi i fundit informal i Mogherinit që lë detyrën e vet me një bilanc jo shumë për t’u admiruar. Ballkani është një dështim për Politikën e Jashtme të BE-së.

Presidenti i SHBA-së Donald Trump ka njoftuar sot vdekjen e kreut të Kalifatit Islamik, Abu Bakr Al Baghdati, i konsideruar si njeriu kryesor i terrorizmit në botë.

Përmes një konfeence për shtyp, Trump ka uzurpuar shoun e këtij akti, duke dhënë hollësi të aksionit që solli vdekjen e Al Baghdadit.

SHBA bëri drejtësi

tha Trump, duke shtuar më poshtë se në fakt vetëm drejtësi nuk ka patur.

Një informacion i siguruar nga Observatori për të Drejtat e Njeriut në Siri flet për vrasjen në Siri të kreut të Shtetit Islamik, Abu Bakër Al Bagdati,

Sulmi dyshohet se u krye nga 8 helikopterë të ushtrisë amerikane, të cilët shoqëruan një avion luftarak të përfshirë në mënyrë aktive në operacion, në zonën Barisa, në veri të qytetit të Intlib në Siri. Helikopterët thuhet se kanë bombarduar pozicionet  e ISIS-it me artileri të rëndë për afro 120 minuta.

Ministria ruse e Mbrojtjes ka publikuar së fundmi pamje satelitore që sipas saj dëshmojnë kontrabandimin e naftës siriane nën mbikëqyrjen e trupave amerikane. 

Zëdhënësi Igor Konashenkov e cilësoi këtë veprimtari si banditizëm ndërshtetëror, pasi asnjë ligj, amerikan apo ndërkombëtar nuk e përligj një aktivitet të tillë. 

Media malazeze “Analitika” raporton për një plan teorik të përpunuar nga një qendër politologjike ruse, Këshilli i Marrëdhënieve Ndërkombëtare që drejtohet nga ish-ministri i Jashtëm Ivor Ivanov.  

Sipas medias malazeze, dokumenti quhet “Rusia në Ballkan” dhe në të renditen pesë kapituj. Sipas tij, Ballkani përshkruhet si rajon që është në epiqendër të zhvillimeve ndërkombëtare çka e bën të domosdoshëm qasjen e re të Rusisë për të ruajtur apo thelluar ndikimin e vet në një zonë ku ka qenë tradicionalisht e pranishme, 

Erdogan ka ngritur një padi kundër revistës franceze “Le Point”, e cila në kopertinën e numrit të fundit e përshkruan presidentin turk si një "vrasës" të kurdëve sirianë.

Agjencia e Lajmeve Anadolu njoftoi se  avokati i Erdoganit ka paraqitur një padi në zyrën e Prokurorit të Përgjithshëm të Ankarasë për "fyerje të kreut të shtetit". Procedimi gjyqësor, me akuzën e cënimit të "dinjitetit të presidentit turk, referon gazetaren Etienne Zernel, si dhe kreun e seksionit "ndërkombëtar" të revistës në fjalë, Romain Gibber.

Partia kryesore opozitare në Maqedoninë e Veriut, VMRO-DPMNE ka deklaruar përmes sekretarit të saj për Marrëdhëniet Ndërkombëtare, Timco Mucunski se nëse do të fitojë zgjedhjet do të rishikojë marrëveshjen e Prespës.

Nëse do të formohet një qeveri e ri, prioriteti i saj do të jetë vendosja e Maqedonisë në rrugën e anëtarësimit në BE. Nëse e arrijmë këtë, do të jetë më e lehtë që të rihapen këto çështje, të rihapet çështja e vetëvendosjes, të cilën Marrëveshja e Prespës na e mohon. Ka mënyra ligjore si bëhe kjo