Blloku Bota

Kriza në Kosovë po shkon drejt rotacionit të partive që kanë pushtetin. Takimi i sotshëm i partive politike nën drejtimin e Presidentit Thaçi ka prodhuar një përfundim që dihej: të gjitha partitë veç Vetëvendosjes janë për krijimin e një qeverie të re, jo për zgjedhje. 

Në Zvicër pretendojnë se kanë zhvilluar një biosensor që gjurmon përqendrim në ajër të CoVid-19. Biosensorët përdorin receptorë që përmban “gjurmë gishtash” të ARN-së që janë unike në çdo virus.

Ka një debat thuajse global për fundin e kësaj pandemie. Një pjesë e madhe e shkencëtarëve thonë se garancia e vetme që të kthehemi në normalitet është vaksina, por ajo do të dojë kohë deri sa të realizohet. Aktualisht janë tri vaksina në testim nga të cilat ka më shumë shpresë, ndërkohë që thuajse të gjitha vendet e prekura po shtojnë stokun e respiratorëve dhe numrin e shtretërve. Në thelb po ndërtohen ngado spitale të posaçme kundër CoVid-19.

Organizata Botërore e Shëndetësisë ka deklaruar se të gjitha të dhënat tregojnë se CoVid-19 ka origjinë nga kafshët dhe se nuk është manipuluar në laborator.

Të gjithë të dhënat që kemi sugjerojnë se virusi ka një origjinë nga kafshët dhe nuk është manipuluar apo ndërtuar në laborator apo gjetkë

u shpreh zëdhënësja e OBSH-së, Fadela Chaib.

Ajo ka pranuar se mbetet e paqartë sesi virusi ka kapërcyer barrierën mes specieve por sugjerimi më bindës është se ka patur një kafshë ndërmjetëse.

Ajo që ndodhi në Kosovë me mocionin kundër qeverisë Kurti, po zbulohet dita-ditës se ishte një pazar i pastër i skalionit të vjetër të politikës kosovare për të hequr nga drejtimi një njeri dhe forcë jo komode. 

Katër letrat formale të Presidentit Hashim Thaçi për Vetëvendosjen dhe Kurtin provuan një inskenim grotesk zgjidhjes juridike për situata që kërkojnë vetëm zgjidhje politike. 

Netanyahu ka arritur një marrëveshje me ish-shefin e ushtrisë, Benny Gantz për krijimin e një koalicioni të emergjencës. Kjo marrëveshje i jep fund një muaji paralizë politike dhe parashikon që Netanyahu të jetë për 3 vjet kryeministër, kurse Gantz që drejton partinë Blu e Bardhë, do të jetë zv.kryeministër. 

Qeveria japoneze ka vendosur të përfshijë në paketën e ndihmës financiare edhe punonjësit e seksit. E gjithë paketa prej 989 miliardë dollarë ka ofruar mundësi ndihme, pra aplikimi edhe për punonjëse të seksit që ndihen të pambrojtura në këtë situatë.

Industria e seksit në Japoni gjeneron 24 miliardë dollarë në vit dhe në pikëpamje legale ajo ndahet në dy kategori. Ndihma e qeverisë japoneze erdhi pas protestave të aktivistëve dhe do të akordohet vetëm pë rata që punojnë legalisht. Japonia ka aktualisht mbi 10 mijë të prekur nga CoVid-19 dhe 236 vdekje. 

Presidenti Donald Trump është shprehur se SHBA-të duan të dërgojnë investigues në Kinë për të hetuar shpërthimin e koronavirusit.

Këto deklarata ai i bëri gjatë konferencës së përditshme mbi koronavirusin.

Sipas CNN, SHBA-të kanë bërë edhe më parë kërkesa të tilla, të cilat janë kundërshtuar.

Shtëpia e Bardhë ka akuzuar vazhdimisht Kinën se ka fshehur informacionin e saktë në lidhje me shtrirjen e virusit brenda Kinës, rrjedhimisht ka fshehur edhe numrin real të viktimave.

Në Itali vazhdon prirja pozitive e uljes së numrit të vdekjeve për shkak të CoVid-19 ndonëse numri ditor mbetet i lartë. Sot, Mbrojtja Civile raporton 433 të vdekur të tjerë në 24 orët e fundit ndërkohë që dje sihfra e të vdekurve ishte 482.. Në total numri i të vdekurve arrin  në 23 660 persona dhe janë shëruar 47 055. Shifrat këtu përfshijnë personat e trajtuar në spital. 

Italia qëndron në krye të vendeve europiane për numrin e të vdekurve nga CoVid-19 dhe pas saj me pak distancë vijnë Spanja dhe Franca. 

Fox News në ShBA po  com përpara tezën se koronvirusi aktual është prodhim laboratorik. Mediat në SHBA raportojnë se autoritetet kanë nisur një hetim të posaçëm për këtë çështje, ndonëse të gjithë shohin se teza e laboratorit i intereson presidentit Donald Trump. 

Mirëpo vetë Kina refuzon të pranojë një variant të tillë. Sipas saj madje, virusi u soll në Kinë nga jashtë dhe këtë gjë e provon një gen brenda tij.